Kulturë

Poezi nga Skënder R. Hoxha

E diele, 29.11.2009, 07:10 PM

SKËNDER R. HOXHA

NË MES MEJE E DHIMBJES

NË MES MEJE

E DHIMBJES

HYN NJË NATË

PLOT ENDRRA.

NË MES MEJE

E GJUMIT LODHJES

HYN NJË STINË

VJESHTË E RËNDË

VJESHTË E PRITUR.

DITËT NETËT SËMUNDJEN

I SFIDOJ

NË KOKËRR TË SHPINËS

NGAPAK ULUR

E NGAPAK LËVIZJE

ME KUKËZA.

PIKLA TË FTOHTA

SHIU TETORI

MË TROKASIN NË DRITARE

NË PAGJUMËSINË TIME.

KËNGËN E NISI

PARA GJELAVE TË MËNGJESIT

JAM MË I FORTË SE PAGJUMËSIA.

(4 tetor 2009, Pejë.)

IDILË E MOÇME

NË KOHËN KUR U DASHURUAM

UNË ISHA I RI I PJEKUR

I MARTUAR

KISHA DHE FËMIJË.

DUHESHIM MARRËZISHT

TAKOHESHIM NATËN TINËZISHT

EDHE TI MË VONË U MARTOVE

TAKIMET TONA U VARROSËN

NË VJESHTËN E DO LISAVE –

NË ZEMRAT TONA TË NDËSHKUARA…

PAPRTITMAS NJË DITË

PAS SHUMË VITESH

RASTËSISHT TË TAKOVA

(TI KISHE ARDHUR NGA KURBETI)

NË NJË RRUGICË QYTETI

KUR KISHE NJË FËMIJË ME VETE

U PËRVODHE

DHE E PËRSËRITE BEKIMIN:

“UNË S’TË HARROJ PËRJETË!”

- DHE IKE.

UNË ISHA ME NJË BIÇIKLETË “PONI”

QË E MBAJE PËRDORE

TË SHIKOVA DERISA U ZHDUKE

DHE KURRË MË S’TË PASHË!

SA VJET SHKUAN DECENIE

PËRPLASEN MIDIS NESH

NE SHIHEMI VETËM NË ËNDËRR

KURRË PA I HARRUAR

TAKIMET TONA NATËN

ME DRO E SAKRIFICË…

PAS TRIDHJETË E SA VJETËSH

Ç’MË BEZDIS KY KUJTIM

I PAVYSHKUR

VËRTET TË DESHA ME TËRË QENIEN

DASHURIA JONË

E FRESKËT MË RRI

NË MENDJE NË VARGJE

DHE PËRFYTYROJ SE SI DIKUR:

LEHTË – LEHTË MË DILSHE NË TAKIME

NETËVE TË LLAHTARSHME

NETËVE VERORE

POR EDHE NETËVE ME BRYMË

NETËVE ME TERR E ME SHI

LODRONIN MBI NE

EDHE RETË NGJYRË GRI…

(10 tetor 2009, Pejë)

(Vota: 21 . Mesatare: 5/5)