Kulturë

Agim Gashi: Bill Clinton po na vjen

E shtune, 31.10.2009, 08:01 PM

Agim Gashi

BILL CLINTONI PO NA VJEN

Kanë dalë Zanat n´maje t´Sharrit
T´gjithë dëshmorët po i ftojnë;
Eni t´rrokemi n´valle t´lirisë
Edhe kangës ne t’ia thojmë.
Dita e diele kur të ndritë
Bill Clintoni na vjen n´vizitë!

Ah moj Zana dhe ju o Engjuj
Që n´hapësinë t´Arbnit vigjiloni,
Shkoni n´Shkup, Tiranë e Vlorë,
Popullit shqiptarë ju t’i tregoni:
Se të dielën në Prishtinë
Ma i madhi mik mbërrinë!

Mirë se vjen Baba Clinton

Janë shpërnda Zanat e Bjeshkëve t´Sharrit
Paskan shkue n´Alpet Shqiptare,
Qenkan veshë me vel t´nusnisë
Po si shkronjat n´Abetare;
Se ma e bardhë po na çel dita
Falë mikut tonë nga Amerika.

Prej Zanave ma e madhja
Paska shkue në Prekaz,
Me nurin e Adem Jasharit
Përgëzojnë tërë buzagaz;
Paskan marrë rrugën n’Prishtinë kanë hi
Janë ndalë te Ibrahim Rugova atje n´Velani.

Të rrokun dorë për dore
Zanat për karshi,
Ngjitur lart në qiell
Shiqojnë në Dardani:
Eh sa e ëmbël na qenka liria
Rruga ashtë e mbarë m´u ba nja Shqipnija!

I urojnë mirëseardhje mikut
Trimit Bill Clinton,
Se vetë ti i dashtun na mësove
Paqën ta fitojmë;
Për së gjalli të ngritëm obelisk
Falë Ty sot Kosova, sheh të bardhën dritë!

Flurojnë mbi qiellin
Me frymë të Skënderbeut,
Vetëm të bashkuem
Jetë i dhamë atdheut;
Ai që sot përçan kokë dreqi ka
Andaj as për vorr vend n´tokë t´shqipes s’ka!!!