E premte, 03.04.2020, 08:23 AM (GMT+1)

Kulturë

Atdhe Geci: Presidentit

E enjte, 28.02.2019, 08:08 PM


Atdhe Geci

NJË ÇAST ME TË VËRTETËN

Poet, është koha të kalosh zbrazëtisë

gjithsecili në jetë i njeh të vetët e tij

lojërat mes besimit dhe të vërtetave

i nxjerrin në sipërfaqe dallgët boshe

Figura të liga shtetin po e udhëheqin

me dorën e tyre ata po e shkretojnë

brezi ynë s´mund të jetë më i lumtur,

kur tanët na shkulin e na mërgojnë

Të jemi më mirë unë e kam kërkuar,

idea m´erdhi nga muza dhe realiteti

nga pamundësia për të jetuar në

vendin tim, unë e zgjodha mërgimin

I ndiejë hijet e natës tek shtijnë në

njëra tjetrën, tek vrasin për vrasje dhe

vriten pë të vrarë! Në këtë rrethim

atdheu është humbësi dhe i plagosuri!

Bijë të atdheut të ndarë e të copëtuar

në çdo ditë të vitit tuajtë të detyrojnë

të ikësh e t´mërgohesh nga atdheu yt

mungesa e parasë për bukën e gojës

liderrët në shtet i bënë dhe pushtues!...

Mos qaj vendi im, luftë do të ketë

lirinë ta ka nxirë krimi dhe hajnia

nderin tënd shqiptarë e ke në pazar;

njëri shet Detin e tjetri Çamërinë,

një tradhëti e re po bëhet n´Kosovë!

Atdheu im i nderuar! Unë tani nuk

t´i them të tëra! Por asnjë këngë e

imja nuk shpie kah vdekja. Atdhe,

gjyko dhe zgjidh! Luftë do të ketë!

Është koha, të marrësh një drejtim

ti je Skënderbeu dhe Adem Jashari

je autori që e vetëshkruan historinë!

Do të ketë luftë, dhe do të luftojmë!

me fqinjët që vrasjen e kanë mësim

Por ne do ta mbrojmë vendin tonë

E kemi trashëgimi nga të parët tanë!

Atdhe, kemi shumë mëkate ndaj teje

dhimbjn tënde të heshtur nuk e

kemi lexuar si duhet dhe në kohën e

duhur. Heshtja fjalën na e ka ngrënë

Munguar kemi edhe tek sheshi ynë!

Tek ne nuk pikon vetëm çati e shtetit

tek ne të mbytë zbrazëtia e një dite

pa bukë, pamundësia e shërimit dhe

shkollimit, dhe poshtërimet në vazhdim!...

Dortmund, 2019

P R E S I D E N T I T

Frika më e madhe më vjen nga tanët

Nga të urtët dhe të mirët e armikut

Edhe pse të gjithë jemi bij të zotit,

mbi tradhëti Kosova kullon gjak, për

aq sa tradhëtia palët i ka të trasha

Hej, kush qenke ti që je aq Orakull

dhe në emër të popullit tënd, veten e

quan kryepopull, kërkon publikisht;

Një pjesë e Kosovës t´i jepet Serbisë

Ti o i pa flamur, o i pa himn, o i pa

atdhe, kush je ti që të falësh tokën e

stërgjyshërve, Trepçën Dardane të

Ilirisë, Majën e Malit nga ku i ka

sytë Kosova! Bjeri mendjes faqe zi

dil nga pengu ku e ke futur veten

Kosova s´është tokë e presidentëve,

As e lakejve të tu. Ndërroje adresën

Kosova mallkimin e ka të rëndë!...

Në Serbi Kosova i ka 22 mijë kilometra

katrorë tokë, e jo Gjysmë Presheve,

pak Bujanoc, pa Medvegjë e përtej!

President, mashtrimin tënd se ha as

varri.Janë mijëra këmisha të rënësh

që e mbulojnë Kosovën, President,

ke harruar si puthet kalliri i grurit,

dhe ç´flamur bart kjo fushë e bukës!...

Dortmund, 2019



(Vota: 0)

Komentoni
Komenti:


Gallery

Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora
PËLLUMB GORICA: MURET CIKLOPIKE QË SFIDOJNË SHEKUJT