Kulturë
Hasan Qyqalla: Çasti
E merkure, 26.12.2012, 07:22 PM
Hasan Qyqalla
Tregime
(Pjesa e parë)
Çasti
“... dhe
jeta ecën, gjarpëron si lum burimin i gjen e rrjedhën askund!”
Shetisja
trotuarit të kujtimeve të ikura. Befas kthej kokën kah banka buzë shetitores.
Vështroj habitshëm lulen ngjyrë kujtese, e heshtur, gjithë aromë, e një dozë
tretje mendimesh dikah. Më bëhej sikur ju preva udhëtimin atyre mendimeve, që
me sa vërej, larg kishin tretur... Bile shumë larg, sa që nuk i bëri fare
përshtypje as afria e çastit nga rastësia! Megjithatë një reagim spontan seç
m'erdhi, disi edhe i pakontrolluar. Apo u bëra "sinjal i kuq"
semaforësh n‘ autostradën e mendimeve të saja... Habitshëm ndaloi dhe përpiu
heshtjen (e thyer tani)! Përceptimi më bënte ende më kurreshtar! Një puhizë e
lehtë buzëqeshje vërejta në fytyrë e mikluar, si rezultat i habisë, ndoshta.
Mbase buzeqeshjet çdo herë janë t’ ëmbla, të këndshme dhe joshëse! Për një çast
hodhi një shikim anash e më pas uli kokën...! Peshperit vetmis apo kujtesës!
Nuk arrijë të definoja fare... Apo, ndoshta logjika u mund nga pesha e syve të
migruar në kujtime! As drithërima e skeletit anatomik nuk ishte pasojë e acarit
natyror, por vapës shpirtërore... E jeta ikën shpeshherë pa emër, pa ditar, ...
kur edhe vitet shkulen vetëm për numra! Po ky çast, që nuk arrij dot ta
zbërthej sa numra bartë mbi supet e veta!? Ç'është me çastin, apo nje
rikapitullim i parakohshem në aren!? Më bëhet sikur një jehon e heshtur e
"Tomorrit plak"!
_A thua
sa do zgjat ky çast?- u dëgjua një pëshpëritje e lehtë!
_"Mbase
ndoshta edhe një epok jete!"- ishte përgjegjja.
(Pjesa e dytë)
Heshtja
“Nëse do
të përpiqem të jem si një tjetër,
kush do
të jetë si unë” !?
Thënje
hebraike
E heshtja
sikur na vret! "Ai që then heshtjen edhe del fitimtar", sipas një
proverbi të vjetër, paragjykim (ndoshta) se kështu edhe e mund ate. Apo prehen
në një pikë horizonti në hapsirë. Gjestikulacioni është "gjuha komunikative" e heshtjes! Ambienti i jashtëm vazhdon së
heshturi, ndërkaq ambienti i brendshëm jehon nga rrahjet si kambanë! Reflektim
apo sfidim!? Fërgëllimë lisash vërshëllejnë si "plakat e çmendura"
për kobin e më të mirit! E prushi ndizet po aq furishëm, si "n'oxhakun
Gegë Bardhit"! Gërshetim i pjesshëm imagjinar apo real. Ndoshta edhe
shkrepëtin çasti për revolten shpirtërore të bartet në Revolucion shpirtëror!
Mbase edhe nuk thuhet së koti, se ai që nuk dashuron është mu si ATEISTI!
Gjersa të parët edhe ngelin peng të jetës për të shenjten, të dytët, pra të
tillët as nuk dashurojnë e as nuk besojnë...! Tani kryqëzohen mendimet si
udhëkryqe metropolitane, apo vazhdojnë flakërimin drejt reve qiellore, drejt
hyjnive, drejt planetit të dashurisë! O Zot ...Pse kjo heshtje varri
mbretëron...! Heshtja herë godet, herë - herë dhe pret! Tani cilën do më
premton, apo kush do godet HESHTJEN!
(pjesa e trete)
IMAZHI
“Vetëm
ata që guxojnë të humbasin shumë, mund të arrijnë shumë”! - Robert F. Kenedi
Në korniz
i mbyllur në veten e vet përplaset me botën e ironizuar. Përpëlitet rrënqethur
fare! Mediton pikën planetare përtej vetëvetes . Bile krjon bindjen reale mbi
surealen se është pas Diellit apo pas Hënes. Shtrirë mbi dy paralele: e sotmja
e mugët apo e nesërmja e prenotuar peizazh. Për të djeshmen nuk lodhët më. E
shkuar, qoftë e harruar. Kanë ngelë vetëm njollat, që përkundër përpjekjeve të
shkuljes së tyre e ndalë luftën e vetshpallur në mbështetje të proverbit
faktik: “edhe kur heqen gozhdat nga dërrasa, gjurmët ngelin prore”! Ndoshta
është i vetmi ngushëllim që gjen! Pushoi në parmak të dritares nga
molisja! Kthehet me mërmëritjen në buz:
S’ka gjë, mbase e sotmja është në perëndim e sipër ndërkaq e nesërmja është e
ardhmja... Vë gishtin në tëmth për mundin e shthurrjes, dhe oazën e sofistikuar
në dritaren e pritjes. Vërshojnë mendime polidimenzionale e të ngjyrëta. I
fanitej imazhi i tij, herë në valë Deti, herë në dritëhijen e Diellit, herë në
rrezen e Hënes së vonuar. Ky imazh i bëhet sa famëdashës po aq edhe famëkeq...
për rrjedhoj të dëshirës, ndoshta emocionale, regjeneron imagjinaten prej
famëmadhi. Padashas ngrit polemikë me një romansier kur figurativisht
përkufizon jetën “një fluskë sapuni”, karshi kurrizit të deformuar nga dje,
përpëlitjet e t’sotmes..., po e nesërmja!? Çfarë riprodhimesh dalin nga truri i
vogël. Apokrifi imazhesh të njohura e të panjohura...