Kulturë

Demir Krasniqi: Hoxhallarët po protestojnë

E merkure, 17.06.2009, 07:51 PM

Demir KRASNIQI

Parodi rapsodike:

HOXHALLARËT PO PROTESTOJNË

O, ni ditë herët , unë jam çue ,
Veshë e mathë , mirë jam shtrëngue ,
Kundrat n’ kamë i kam kamcue ,
Me i la sytë, krejt kam harrue ,
Shpejt e shpejt , unë kam vrapue ,
Skaj xhamisë ju kam afrue ,
Me ngue hoxhën , çka asht tuj knue !
Sy e veshë i kam ba gjylpanë –
Kur t’ vjen hoxha , me xhybe t’ gjanë,
Kur t’ ngjitet shkallëve përpjetë –
Me e ngue mirë , se kush ka vdekë ?!

O, me e ngue hoxhën , kur t’ hypë n’ minare –
Tue na i dhanë lajmet pa pare !
Sa përmallshëm thërret “temxhiti” –
Për ata që i ka lshue shpirti !
Për ata që kanë ndërrue jetë –
Në spital , a në dyshkë ?!...
Na tregon se kush ka vdekë ,
Kush varroset deri n’ drekë !
A asht plak , a asht i ri –
Kush varroset me “iqindi”!
Kush ka vdekë si burrë taman ,
Kush varroset në “aksham”?!...

O , der’ ta knon hoxha “temxhitin” –
Unë e baj gati shiritin !
Der’ t’ zhdrypë hoxha prej minarje –
Unë ni kangë ia çes prej çarje !
Der’ t’ ia kepë hoxha qefinin –
Unë ia kryej kompozimin !
Der’ t’ ia lanë hoxha xhenazen –
Unë jam gati t’ ia knoj kangën !
Der’ t’ a shtrijnë në teneshirë –
Unë ia thuri kangën mirë !
Der’ t’a çojnë n’ vorre të shkreta –
Mue n’ pazar më del kaseta !
Der’ t’ ia knojnë duanë te vorret –
Me kaseta i mushi shitoret !
Der’ t’ia knon hoxha “tallkinin” –
E mushi kaseta Perëndimin !
Der’ t’ vinë dita me ia knue “Qelimen” –
Disa herë ia vizitoj familjen .
Ia ngushëlloj , unë , babë e nanë ,
Për djalë t’ vet , gajret tu iu dhanë –
Djalin tuej , e kam qitë n’ kangë ,
Dhetë mijë Euro , duhet me mi dhanë ,
Duhen pare , pasha Zotin –
T’ paguej studion , t’ paguej spotin !
Se a kanë djali trim dhe burrë ,
Dhe me kangë nuk do t’ vdes kurrë !...

O, qes këso kangësh e nuk ia ndajë –
Gurë e dru po i bajë me vajë !
Me këtë punë , po majë uzdajë –
Borxh – Atdheut, që po i lajë !
Po i përcjell manifestimet –
Ku po mbahen Përkujtimet ...
Nanat , rrinë tue kajtë mbi vorre –
Unë , e marr çiftelinë mas dore .
Nanat , rrinë me duer në gji –
Unë , dal n’ binë – iu knoj karshi !
Motrat , kajnë , digjen nga mallet –
Unë , zhag ua ngrehi vallet !
Për t’a rritun Përkujtimin –
Unë, ia nisi e mbajë fjalimin !
Vjell për goje helm e vner –
Promovohem për lider !

O , krejt ata çka po na vdesin –
Hiq nuk kanë nevojë t’ na presin ,
Mejherë kangët do t’ ua qesim ,
Prindët e tyne , mirë do t’ ua qethim !
Do t’ ua qojmë n’ vend amanetin –
E lusim Zotin , t’ ua falë xhenetin !

O, ngoni knena , vllazën shqiptarë ,
Patriota e hoxhallarë ,
Për pa i knue s’ po kem çare –
Pak për qef e ma shumë për pare !
Mos me u thurë t’ vdekurve ndoj kangë –
Mbes tue ngranë veç bukë e lang !
Mos mej knue – dikush po m’ thotë:
“Ti, nuk qenke patriot!”...

O, myshterinjtë n’ rend po na presin –
Çka kanë vdekë – n’ kangë do t’ i qesin !
Der’ ta merr hoxha abdesin –
Unë , me ta po e luej biznesin !
Vjen Erifi e m’ thotë:”Mos luej ,
Qitma kangën , se t’ paguej !
N’ daç me Evro, n’ daç me dollarë –
Me ma ba vëllaun të parë !
N’ daç pesë mijë e n’ daç dhetë mijë –
N’ histori, vëllaun me ma shti !
Me knue n’ tela t’ çiftelisë –
Për inati t’ krejt kojshisë !
Me ma kajtë kangën me lot –
Me ma ba vëllaun patriot !
Sa ma shpejt kangën me e qitë –
Ndoshta e nxa kund ndoj pozitë !...

Hej, hoxhallarët n’ kamë janë que ,
N’ kangatarë , fortë janë ankue :
“Dojmë me dalë me protestue ,
Qeverisë me iu drejtue ,
T’ drejtat tona me i kërkue !
Na po i japim lajmet ma t’ parët –
Kangatarët po na i marrin paret !
Lajmë xhenaze , kepim qefinet –
Kangatarët po i marrin fitimet !
Na po knojmë tallkine t’ shkreta –
Kangatarët po i qesin n’ kaseta !?...

Hej , do t’ kërkojmë nga kangatarët –
Që t’ i ndajmë bashkë honorarët !
Protestojmë për padrejtësinë –
T’ mos na e shkelin autorësinë !
Këto kërkesa që s’ na i plotësojnë –
Na, ma kurrë temxhit s’ do t’ knojmë !
S’ ka me u ndie ma kurrë temxhiti –
S’ ka me u ditë , ka e ka lëshue shpirti !
Nuk lajmërojmë ma , kush po vdes –
As në mbramje , as n’ mëngjes !
Po s’ i ndamë bashkë honorarët –
Në qetësi do t’ rrinë minaret !
S’ do t’ i thërrasim ma temxhitet –
Ni kasetë ma s’ do t’ iu shitet !”...

Hej, kangatarët si frajera –
Rrinë gjithë ditën tue kqyrë n’ bandera ,
Lexojnë emna , kqyrin syreta –
Me i mbajt mendë për kangë të veta !
N’ do bandera , për rreth xhadës –
Mbushë postera të estradës ...
Po i fshinë lotët mixha Bekë :
“Dor këta njerëz që kokan dekë !”
Mixha Bekë, ti mos ki dert ,
Se s’ kanë dekë , por kanë koncert !
Nëpër rrugë rrinë deri n’ drekë –
Me e marrë vesh se kush ka vdekë !
Mbledhin emna nëpër gazeta –
Për me i thurë do kangë të shkreta !
Krejt po i gjejnë në faqe t’ fundit –
Kush ka vdekë ,o, prej katundit !
Prej katundit e prej qytetit –
Kush ka shkue n’ atë rrugë t’ ahiretit !
Zoti i Madh, baftë me rahmet –
I pastë que të gjithë n’ xhenet !

(Vota: 3 . Mesatare: 3.5/5)