Kulturë
Alfred Papuçiu: Dhurata më e çmuar (skicë letrare)
E merkure, 17.06.2009, 07:29 PM

Ngjarje e jetuar
Alfred Papuçiu
Ajo ishte studente në Gjenevë. Studjonte në Universitetin e Gjenevës për Pedagogji dhe Psikologji. Mësonte shumë dhe mbi të gjitha donte të nderonte mundin e prindërve të saj që mbulonin një pjesë të shpenzimeve të shkollimit. Për pjesën tjetër, si gjithë studentët shqiptarë, ajo kishte gjetur një punë të rëndomtë, por që nuk e pengonte për leksionet e saj. Ndërkohë, ajo u dashurua me një bashkëstudent nga Danimarka, Të dy e donin njeri tjetrin me sinqeritet, bile kishin menduar të bënin hapin e parë…
Kështu që rasti e dha që të ftohej nga familja e të dashurit të saj , në Kopenhagë të Danimarkës, për të kaluar pushimet. Mendoi se çfarë duhej të shpinte si dhuratë. Zakonisht, në raste të tilla çoheshin shishe me konjak, ndonjë qëndisje nga vendi i saj, tabaka me zkukurime nga Berati, Kruja, por asaj ju duk se këto gjëra ishin bërë të zakonshme. Kështu që porositi familjen e saj që me rastin e parë t'i dërgonin nja dy disqe me muzikë popullore nga vendi i saj.
Erdhi dita dhe vajza u nis, bashkë me danezin e saj. Ishte një botë e re dhe njerëz të panjohur. Sidoqoftë, dëshira e saj që të shtonte njohuritë për vendet e tjera dhe për të njohur prindërit e shokut të saj, e kishte shtyrë për ta pranuar atë ofertë. Për më tepër ajo do të kishte mundësi të vizitonte disa shkolla dhe kjo do ta ndihmonte në përgatitjen e saj për pedagogjinë.
Posa mbriti në Kopenhagë, e pritën prindërit e shokut të saj, ku do të qëndronte ato ditë. Ishte e emocionuar dhe faqet i kishte të kuqe. Sikur nuk e zinte vendi se si do ta prisnin ardhjen e saj prindërit e shokut të jetës.
Pas përshëndetjeve të rastit, i jati i djalit, u prezantua dhe tha se ishte koleksionist muzikësh nga vende të ndryshme. I kërkonin shpesh herë për ilustrimin e pjesëve të teatrove dhe ishte i gatshëm që t'u a plotësonte dëshirën.
Në një çast tha:" Këto ditë më kanë kërkuar muzikë shqiptare, pasi vihet një pjesë teatrale, e cila subjektin e ka ndër të tjera edhe nga trevat shqiptare. Nuk e di si do të bëj, pasi nuk më ka rënë rasti të gjej një muzikë të tillë".
Vajza e gëzuar u kthye nga ai dhe duke nxjerrë nga çanta e saj dy disqet me muzikë shqiptare i tha:" Këtu janë dy disqe me muzikë popullore nga vendi im. I porosita për juve, pa e ditur se do t'u vlenin".
Danezi ju hodh në qafë dhe i tha: "Kjo është dhurata më e çmuar për mua".
Studentja nga Shqipëria u lehtësua nga emocionet. Ditët e qëndrimit në Kopenhagë ishin një fillim i mbarë për bashkëjetesën e saj të mëvonëshme me danezin.
Komentoni
Artikuj te tjere
Edmond Shallvari: Arti krijues i Zotit dhe njeriu krijues i artit
Ksenofon M. Dilo: I persekutuari
Mazllum Saneja: Fjala si frymëzim poetik
Albert Zholi: Unë dhe Hëna
Poezi nga Minella Borova
Mehmetali Rexhepi: Humbëtirë e heshtjes (Cikël poetik)
Intervistë me fituesin e Çmimit për librin më të mirë poetik Mr. Kadrush Radogoshin
Këze (Kozeta) Zylo: Diloiada, Lotët e pa terur të dhimbjeve
Aleko Likaj: Malli i Atdheut
Demir Krasniqi: Moj vendlindja jonë
Albert Shala: Zeri njemijvjecar
Cikel Poetik nga Ndriçim Ademaj
Cezarina Adamescu: Te rog, anun??-m? dac? nu o trimi?i
Ana: I cuditshem njeriu!
Viktor Bruceti: Ca të vërteta kundër regjimit i kam thënë edhe atëherë…
Agim Gashi: Për Ty dhe vetëm për Ty!
Agim Drenica: Maksima popullore - bashkëkohore
Cikël poetik nga Ejup Ceraja
Agron Tufa: Ta ndava ujin!
Edison Ypi: Luz Vegas