Gjon Keka: ShBA dëshiron të na ndihmojë të bëhemi shtet i lirë, demokratik dhe europian

ShBA dëshiron të na ndihmojë të bëhemi shtet i lirë, demokratik dhe europian

Nga Gjon Keka

Mbështetja e madhe e ShBA ndaj Kosovës është ë dëshmuar historikisht në të gjitha proceset e Kosovë deri në pavarësinë e Kosovë në vitin 2008 dhe njohjen e saj nga shumë vende, si dhe në ndërtimin e vendit në të gjitha fushat.

Pra marrë në tërësi historia e çlirimit dhe pavarësisë së Kosovës nuk mund të mendohet pa ShBA-n.

Kushdo që tenton të prish këto lidhje, këtë miqësi, këtë aleancë me veprime të tij të papërgjegjshme dhe me kryeneçësinë, injorancën e tij si dhe papjekurinë e tij në politik e qeverisje apo udhëheqje, do të thotë se po tenton ta prish edhe shtetin e Kosovës dhe të ardhmen e saj.

Ama asnjë ditë, e lërë më më tepër nuk mund të qëndrojë Kosova si shtet pa ShBA në rast të konfliktit apo ndonjë lufte me armiqtë e saj, këtë duhet ta dijnë të gjithë sepse ne ende jemi shtet në ndërtim e forcim dhe kompletim të shtetësisë e njohjes ndërkombëtare.

Është e habitshme se si mendojnë pushtetarët e sotëm dhe ata që e mbështesin këtë pushtet se ata mund të bëjnë edhe pa ShBA, kjo në fakt është çmenduri, por edhe marrëzi të dëgjosh gjëra te tilla absurde, kur dihet se Kosova si shtet asnjë ditë nuk mund për momentin të qëndrojë në këmbë pa mbështetjen e ShBA dhe vendeve mike europiane si dhe NATO/KFOR në Kosovë që ruan paqen dhe stabilitetin.

Nëse pushtearët e sotëm kan pak atdhetari në gjak duhet të mendoj me arsye dhe t'i kthehen lidhjeve të natyrshme e speciale më miken tonë ShBA dhe t'ia mundësojnë SHBA të bëjë Kosovë sëbashku shtet demokratik, të lirë, ku respektohen të drejtat e të gjithëve padallim religjioni, etnie, ngjyre etj dhe t'i mundësohet që sëbashku ta mbështesë Kosovën në udhën e integrimit në Bashkimin Europian, NATO dhe në Këshillin e Europës etj.

Është parë gjatë gjithë mbështetjes së saj se ShBA dëshrionë të na ndihmojë, të na bëjë qytetar të lirë e demokratik dhe shtet të vërtetë brenda familjes europiane.

Prandaj pezullimi i dialogut dhe pakënaqësit e SHBA me pushtetarët e sotëm Kosovës tregojn se ajo po pengohet t'i ndihmojë Kosovës si shtet që të bëhet vërtetë shtet demokratik dhe i lirë e europian.

Me pak fjalë është koha që të reflektojnë të gjithë dhe t'i kthehet Kosova si shtet në gjirin e SHBA që të ndihet sërish e sigurtë, sepse vetëm më ShBA shteti i Kosovës është shtet demokratik dhe me të ardhme të sigurtë.

Me pak fjalë, ShBA dëshiron të na ndihmojë të bëhemi shtet dhe të njihemi ndërkombëtarisht nga e gjithë bota demokratike. Poashtu ajo dëshiron të na ndihmojë të integrohemi në familjen europiane dhe në organizatat ë ndryshme ndërkombëtare me rëndësi të madhe për vendin tonë.