Mendime
Gjon Keka: Fundi i botës sipas mashtrimit të një predikuesi fetar
E diele, 02.02.2025, 06:55 PM
Fundi i botës sipas mashtrimit të një predikuesi fetar
Nga
Gjon Keka
Duke
ditur se sot në shekullin XXI veshët tanë dëgjojnë nga „hoxhallarë" e
predikues tjerë fetar lloj lloj gënjeshtra, marrëzira e iluzione se si duket
parajsa pa qenë asnjëherë atje dhe fundi i botës, këtu më poshtë po e vendos
një përshkim të shkurtër (bazuar në të vërtetë A.M,1857) të një predikues që
mashtëroi popullin rreth fundit të botës:
Një
predikues fetar një herë kishte dal me predikime që i tejkalonin përkufzimet e
tij si njeri, duke i predikuar masës së tij se fundi i botës do të vinte të
Hënën e 3 tetorit të vitit 1533, në orën 8 të mëngjesit. Kur fermerët e mësuan
këtë, ata e braktisën punën e tyre, i dhanë shtëpitë, kopshtet dhe fushat e
tyre dhe e trajtuan veten me diçka të mirë para vdekjes së tyre, duke menduar
se duke dhënë të gjitha do të fitojën parajsën.
Ndërsa
ai vetë si predikues i dha të gjitha të mirat e tij që kishte.
Nga
rajone të ndryshme të atij vendi dhe të tjera të largëta, mori të tëra
shpirtrash besimtarë u dyndën tek ai; Ditët në vijim nuk bëri gjë tjetër veçse
mori pjesë në falje e lutje e rrëfime dhe kështu më në fund erdhi 3 tetori u
ngjit në foltore për të pritur ardhjen e ditës së fundit me masën e tij
respektivisht dëgjuesit e tij që i shkonin pas atij.
Por
mëngjesi kaloi dhe fundi i botës nuk erdhi. Më në fund, stomaku i tyre i
zbrazët u kujtoi atyre se ata ishin ende gjallë, dhe kur i gjetën shtëpitë dhe
hambarët e tyre bosh, u turpëruan nga injoranca dhe pamaturia e tyre, dhe u
tërbuan aq shumë sa e hoqën predikuesin fetare nga foltorja e objektit fetar, e
lidhën dhe e tërhoqën zvarrë nëpër rrugë duke e lënë të mjerë në rrugë që ta
shohin atë se si kishte gënjyer dhe kishte predikuar iluzione e mashtrime dhe
më pas u burgos.