Përparim Hysi: Malli i mbetur në hapësirë

Një cikël me poezi lirike*

Nga Përparim Hysi

1. Malli i mbetur  në hapësirë

Dhe mbeti malli në hapësirë

(si ajëri: i padukshëm!)

Po unë e ti e"shohim" mirë

Ah, malli  i dikurshëm!

Ky mall,shpesh, vjen e na mbërthen

Ashtu... fare, papandehur!

Kudo që jemi, vjen e na gjen

Sado nga bota,fshehur!

Se vjen e shfaqet si kujtim

Si mbresë që vjen e shfaqet

Një çast që qe aq intim

Dhe zë vend në vargjet.

2. Puthja

Ç'më puth ashtu në sytë e botës?

(Në sytë e botës puthet veç një fëmijë)

Kështu më luan mua çargu i kokës

Se puthjen e dua me "fshehuri".

Se kështu më ngjit e më gëzon,

Se kështu më  është intime

Nëse tërë bota më shikon,

Më duket si e"shtime".

3. Pa ty

U zhbënë stinët... dhe natyra

Pa ty? Jam si pikëllima.

Pusullën e kam humbur

Dhe nga mendja jam turbull.

Të thashë e t'u luta:-Mos ik!

Por qe e pamundur dhe pikë.

Ike ti dhe kot vij vërdallë

Sa më duket sikur nuk jam i gjallë.

4. Po sa rëndësi kanë fjalët?

Nga larg më bëhet sikur më  thërret

Jehona e thirrjes përhapet në eter

Unë e ti si të zënë në një"rrjetë"

Fajtorë pa faj... dhe veç mister

Po ku kanë rëndësi fjalët

Kur"misteri" i dashurisë mbeti si iluzion

Ngarkuar të dy nga mallet

Njëri IKS dhe tjetri YPSILON.

Malli si ekuacion me dy të panjohura

Dhe fjalë, fjalë e vetëm fjalë

I kujtoj ato çaste të"ndodhura"

Po ti,YPSILON, i kujton vallë?

5. Gratë

Gratë se ç'kanë diçka të magjishme

Se ç'kanë një ogur"mashtrimi"

Të zë"hipnoza",si"drogë e pijshme"

Të vënë në kular pa pikë hezitimi.

Mundohu sa të duash t'i shpëtosh"kularit"

Por nuk është aspak e lehtë.

Besoni vargjet e këtij,"kokëbardhit"

Je peshk i zënë në rrjetë.

Këtë e  shkruaj unë nga përvoja

Nuk ta heqin"kularin" nga qafa

Në"beteja" veç burrave u del boja

Gratë,përherë: f a q e b a r d h a !!!

6. Vjen një ZONJË!

Vjen një zonjë symëshqerrë,edhe dëng ma bën me sy

Po unë s'jam si të tjerë (se jam burrë namuzli)

Porse zonja rri aty dhe mbi mua sytë kllap

Të më plasin që të dy,mos më merr gjë për guak?

E kjo punë nuk shkon fare: si? Ta lë që të më vëjë"brirë"

Nuk e di kjo që këtë"valle",unë ka kohë që e"kërcej" mirë.

Epo vet më kërkoi "sherr" (unë me zonjën zë e "rrokem")

Nga ky"sherr", s'kam hiç qeder ("sherrin"  e vazhdoi sa"ngopem").

7.Për ty

Sa agime kam pritur syhapur

Pa mbyllur sytë tërë natës

Se malli për ty aq më kish kapur

Sa ky mall dukej haptas.

Më dhimbte për ty koka

Aq me ty qeshë lidhur

Le të qeshë me mua bota

Ke lojtur , o kokëthinjur.

Por malli është si fruthi

Që pleqtë i mundon më shumë

As pyes mike nga turpi

Për ty, më zë me shkumë.

8. Dale- dale!

Dale- dale, moj lulkuqe

Se jam plak,i mbushur huqe.

Se s'duroj kur shoh një ruspë

Je për t'u pirë me kupë.

Më rreh zemra si zog sute

Jap me çape e jap me supe

Herë përdrejt dhe herë hajduçe

Çfarë nuk bëj,për ty, moj ruspe?!!!

9. Kur...

Kur më"rrëfeve" gjirin mua

Unë po zura"qiellin e shtatë"

Atë gji prapë e dua

E kujtoj dhe më zënë djajtë.

Qe si mjaltë,pa vënë në zjarr

(Thith e thith dhe s'kam të ngopur)

Por dhe mjalti bën "zarar"

Se pastaj... pse rashë i"ngordhur"?!!!

10. Të dy vetëm

Të dy,vetëm: xhetëlmenë

(as që lëmë vend për dyshim)

Ah,moj zemër,sa më dhemb

Mall, o mall! Si pikëllimë!

Ti rrëfehesh si në kishë

Unë po "prift" që fal mëkatet

Obobo, moj zonja IKS,

S'ka nevojë,se duken mallet.

Mallit le t'i vëmë "kapakë"

Se është si "luks" që hiç nuk shkon

Që të dy, të zënë me çarg

Mjerë, mjerë kush dashuron!

* janë shkruar pas viteve 2000.

Tiranë, 6 shkurt 2019