E hene, 26.02.2024, 05:55 PM (GMT)

Kulturë

Sevdail Hyseni: Festa dhe protesta!

E enjte, 21.02.2019, 06:35 PM


Këndi i Spicës:

Satirike

FESTA DHE PROTESTA!

Këto ditë vikendi, proteston Shqipëria,

Kurse në Kosovë, feston pavarësia…

N’vend se shqiptarët të jenë bashkë në festa,

Ata të përçarë shpërthejnë  në protesta!

Pa mbaruar dimri, qe “Pranverë Shqiptare”,

Erdh’ me tensione – duket ashiqare!

Fillon me protesta, madje dhe trazira...

Nuk shembet pushteti, me vezë e ngjyra!

Aq më pak e keqja, që fryhet tupan,

E zihet me t’mirën, brenda në kazan!

Lufta për pushtet, nuk mbaron me kaq,

Dhe se zjarr i saj, përvëlon si saç!

Flenë sikur lepuri, me një sy hapur,

Për një pushtet nga krimi i kapur!

Por edhe kur ngjiten shkallëve n’Qeveri,

Sillen si të çmendur, nuk janë n’terezi!

E zhveshin Kuvendin nga vlerat morale,

Duke e zhytur n’aferë e skandale!

Po edhe opozita nuk lë asgjë mangut,

E dehur për poste, kërcen përtej pragut!

Këndej nga Lugina pyesin me t’vërtetë,

Pse kaq shumë shqiptarët, vuajnë për pushtet?!

Sevdail Hyseni



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora