Shyqyri Fejzo: Nesër fryn era e së nesërmes

Shyqyri Fejzo

 

Nesër fryn era e së nesërmes

 

Je e lirë dhe fryn nga deshe

Jo pak herë me flakën luan

Zjarre të fikur ke dashur ti ndezje

Dhe zjarre te ndezur I shuan

 

Ti bijë e gjethit, luleve deteve

E lakuriqtë bredh gjith beharë

Fryn me furi, lugjeve honeve

Je cift në dimër, martuar me acarë

 

Kam qejf të frysh aq sa mban moti

Xanxare që s’kapesh asnjëherë

“Nuk më kap dot, sado I zoti

Nesër fryn e të nesërmes erë

 

 

Loti

 

Në gëzim a hidhërim

Ilaci për ngushullim

Iku dhe se shohim më

Sa floriri vlente që moti

Asnjë nuk e di c’u bë

Loti,  more shokë, loti!

 

 

Mesazh

 

Kur arrihet në këtë moshë

Përsëriten lumë me fjalë

Ndaj i kalova në shoshë

Që  një mesazh të dale

 

Jeta saktë ka vërtetuar

Roje virtytit puna mbetet

Si lavdi është nderuar

Njerzimi aty mbështetet

 

Me një qartësi mendimi

Largohet errësira e retë

Që këndej lindi dhe synimi

Shina e parë në jetë

 

Për shinën e dytë

Duhet pa tjetër veprimi

Që dy të bëhen si sytë

Nga jeta doli mësimi

 

Për dy shinat del nevoja

Jeta këtë po vërteton

Duhet thirrur dhe përvoja

Mësuese që s’merr pension

 

 

Të paditur

 

Nuk e paskemi ditur mirë

Se cfarë e si duhet ngrënë

Nuk kemi ditur as për të pirë

Tani, përditë ne po I nxëmë

 

Nuk kemi ditur c’janë pushimet

Për plazhe e dete, nuk kemi ditur

Për salla, orchestra e argëtimet

As  ne të rinjtë apo të rritur

 

A I dëgjoni sa bukur flasin?

Si xhentëlmenë të vërtetë

Një kaste tjetër ata I përkasin

Vetëm ata e njohin këtë jetë

 

Këtë më mirë ata e dinë.

Se do vijë dita dhe moti

Për ata që vodhën Shqipërinë

Haka do të shkojë te I zoti

 

 

Drejtëssia

 

Zihej rakia, kërciste oxhaku

Mes ortakëve valonte dajaku

Varda, njëri-tjetrit ja mbanin

Donin të ndanin kazanin

 

Rrefenja thotë, te kadiu shkuan

Për ndarjen e re drejtësi kërkuan

Kadiu që e mban “drejt sherjanë”

Me të shpejt e hapi davanë

 

Flet kadiu; “erdhët te unë?

Njëri merr kapak e tjetri fundë

Ti që bëre davanë

Merr në prapanicë dhe llullanë”

 

Kohët shkojnë e kohët ngjajnë

Gjykatat gjithnjë një turi kanë

Miqt e mi sa herë bëjnë dvavë

Sot,kanë marrë vetëm llullanë