E hene, 15.04.2024, 06:13 PM (GMT+1)

Kulturë

Nebi Dragoti: Ftesë politikanëve

E enjte, 28.12.2017, 08:41 AM


NEBI DRAGOTI

 

FTESË POLITIKANËVE

 

Ftesë pa dorashka politikanëve;

t’m’i lexojnë poezitë,

se ngritur i kanë krifat nëpër vargje…

 

Ftesë,

ballëpërballë ftesë

politikanëve me shpirt atdhetarë,

ju dua të vetmohimit,

kalorsiakë,

jo halldup donkishoteskë.

 

Dhe të tillë, të tillë

të kenë shumë kujdes:

mbahuni fort mbas krifave (..)

si Skënderbeu kryekomandant,

se kështu nuk do të rrëzoheni

duke djersitur për Atdhe,

duke sakrifikuar për ideal.

 

Mbas krifave të metaforave e rimave

qëndroni drejt,

se kam kalë të sertë,

mbahuni fort, fort,

se nxiton kali i poezisë

herë zdrënkthi,

herë revan,

herë me galop…

 

Para keni kalin e kuq migjenian,

i rrufeshmi,

krifë ndezuri ka kohë

në ecje trokon,

turfullon…

Në rrugëtim Migjenin

e bëra shok

në artin e poezisë dhe politikës

dhe ngrejmë diellin shqiptar…

Kjo tokë dhe ky diell

na saluton.

 

Ftesë u bëj politikanëve:

mos ma refuzoni ftesën,

zërin tingull hekurt ma ndëgjoni,

se kështu mua poetin,

(s’e them për humor),

por…

sinqerisht më nderoni,

por…

edhe veten lartësoni.

 

Ndëgjomëni:

nëna Shqipëri

mos të ngelet mbrapa shteteve,

shtetet ta kenë zili.



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora