Mëhill Marku: Të falem o At Gjergj Fishta

Të  falem o At' Gjergj Fishta

Nga Mëhill Marku, Lezhë

Poeti Mëhill Marku në oborrin e At Gjergj Fishtes

Të falem o At' Gjergj Fishta

O Homeri i eposit shqiptar

Lexoi kohët e mira e të ligshta

Dhe më bën të ndjehem krenar

Përkulem para teje si besimtar

Dhe puth të gjitha vargjet e tua

I gjithë trupi më përvëlon zjarr

Fe e Atdhe më shumë i dua

Se ti je Homer, je Promethe

Kangtar i popullit martir

Shkrive jetën veç për At'dhe

Në altar, kuvend e manastir.

Më fort se pushka mbi armiqtë

Oshtiu fjala jote flakada

Vargu jot i tmerroi të ligjt

Lavdi u dhe' kreshnikëve-kala.

Sa herë shkoj në Krajnin tim

Ndalem, shtëpinë tënde kundroj

Tmerrohem, shfryj në mallkim

Më vjen turp ashtu ta shikoj.

Se syri më sheh të bukura vila

Tek shëtis nëpër timin At'dhe

E kisha nëpër fshatra si kala

Për zot s’të doli as shtet as fe'

O shtet që me alfabetin shkruan

Që Gjergji ta fali përjetësisht

Një gërmë-tullë pse s’ndërtuam

Një dhomë piedestal atje në Fishtë?

Dhe ju o kisha e ju klerikë-fetarë

(Kishat aq bukur i keni zbukuruar)

Po si bëtë ndere të madhit ushtarë

As besimtarët s’kanë për tu besuar.

Ta nderuar shtetarë edhe fetarë:

-At Gjergjin kurrë mos e harroni

Se Ai është Një Hero Kombëtar

Lavdinë e tij kurrë s'do ta fitoni.

Nderoni Atin, vetes i bëni nder.

(Gjergji s’ka hiç nëvojë për ju)

Për shtëpi ka të popullit zemër

Gjynahu e turpi ka me u mbulu.

-Per ZemraShqiptare, nga Shengjini, 12 Tetor 2017-