Përparim Hysi: Ali Pashë Tepelena në vargjet e mia

ALI  PASHË TEPELENA në vargjet  e mia

 

(cikël me poezi me rastin e 195-vjetorit të vrasjes)*

 

Nga Përparim Hysi

 

ALI PASHË TEPELENËS

 

(Në 175-vjetorin e vdekjes)

 

Nëpër gryka, nëpër thepa

Ndër shkëmmbinj e nëpër shkrepa

Zije prita e pusi

Djali i HANKOS,ALI!

 

Dhe lëshoheshe suferinë

Mu si ujku mbi bagëtinë

Mbi karvan të trokoshake

Mbi bejlerë e mbi oxhaqe!

 

E, kështu, kjo fama jote

Nisej mu si britmë shqote

Në Stamboll tek rrij Sulltani:

Çakallos- Arnautstani!

 

Ca nga ca e pak nga pak

Herë komit e herë kaçak

Zë e ngjita shkallët la...

Shpalle veten si PASHA!

80-vjeç lufon në këmbë

Pallën seç e mban ndër dhëmbë

Si luan në ballë sule

Tunde, ALI PASHA, tunde!

 

Ti, Pasha, me famë... dinak

Befas seç re në lak

Të gënjeu një trukferman

Si e humbe, KAPEDAN?!!!

Të mori në qafë tradhtia

Vate dëm trimëria

S'të harron SHqipëria

Ndaj për ty flet historia.

23 janar 1997

 

Turpi i ALI PASHËS

 

Ç'i hipe doriut që nga Tepelena

Pse Pasha e le, kalanë me bedena?

Të kish zënë sevdaja për gratë suljote

Bobo, sa turp! Ç'u err fama jote!

Tabori i ushtrisë të mbeti mbi shkëmb

Nga një grusht me gra, Pasha po lë mëndtë!

Turfullon mbi kalë,  i egër, tufanb

-Hiqu, rrënjëdalë se do gjeshë belanë!

Turren gratë suljote, me thika sëpata

Ik Pasha ALI! Më të ardhtë mandata

Por ti, kryeneç, ngulmon si rrufjan

Jarg lëshon nga goja (do të shuash sevdanë)

Sorkadhet e Sulit, hidhen në humnerë

Ty s'të mbeti erz as të mbeti nder

Dhe në majë të shkëmbit, si rrufjan, dështak

Rreh me grushte gjoksin, PASHA DHELPARAK!

Për në Tepelenë, u ktheve revan

Vet lavdisë sate, i hodhe katran!

21 prill 1987

 

A ngjaj pak me ALI PASHË TEPLENËN?!

 

Ja që ngjaj pak me ALI PASHË TEPELENËN

(A nuk ka ai dy varre?)

Tani dëgjoni për mua të vrtetën

Dhe gjykomni drejt dhe ashiqare.

Unë vërtet që jam me trup në Amerikë

Por me shpirt jam në SHQIPËRI

Hë, ngjaj  me ALI PASHANË ndonjë çikë?!

Mos thoni që po trilloj tani.

Florida, 21 prill 2004

* është vrarë në janar 1822.

Tiranë, 25 janar 2017