Isak Ahmeti: Veton Surroi - Ambasadori i Melkizedekut

VETON SURROI-AMBASADORI I MELKIZEDEKUT...

NGA ISAK AHMETI

Libri: Ambasadori i Melkizedekut,Koha, 2015 ,fq.283 ,i publicistit  të njohur, Veton Surroit , është strukturuat në 12 kaputuj , 12 ese , me tema dhe nëntema nga më të ndryshmet  , por që lidhen në një tërësi. Ky libër ,siç e ka thënë edhe vetë autori , u kushtohet njerëzve që do ta transformojnë vendin , Kosovën .Është ky një libër interesant edhe për faktin se shtron qindra histori  të ndryshme , të mëdha e të vogla ,që ndërlidhen mjaft bukur brenda rrëfimit , shpesh tragjik , për shqiptarët dhe për Kosovën. Në libër shtrohen njëkohësisht edhe shumë pyetje dhe dilema , një ndër to edhe kjo: a ka ardhur koha që pas "shqiptarëve të ndershëm " të kërkohen "myslimanët e ndershëm " ...Shqiptarët në Kosovë dhe jashtë saj , sipas autorit në fjalë , na shfaqen të mashtruar , të keqpërdorur , të viktimizuar  e të sakrifikuar , gjithnjë nga karaktere  të dyshimta , individë  oportunistë  e njerëz të paaftë e të lig...(A.Bajrami ).

Vlen të theksohet se ky libër , me shumë tema dhe nëntema , që ndërlidhen me jetën shoqërore , politike dhe religjioze të shqiptarëve ,veçanërisht në Kosovë ,ka , megjithatë , një temë qendrore dhe që është tema e ekstremizmit islamik  ndër shqiptarë...

Ky libër ,si libri më i kërkuar dhe më i shitur në Panairin e librit në Prishtinë (2015) , pavarësisht se a  i pëlqen dikujt  apo jo , do e ketë ndikimin e vet tek lexuesit , tek njerëzit e rinj që ,  shpresojmë , do ta transformojnë  vendin,  Kosovën , mbase edhe tek "elita politike " e Kosovës...