Xhavit Gasa: Ju kërkon bujku

JU KËRKON BUJKU

Bëhuni kalë shale vraponi si maratonomak, o vargje nuk po ju hedh sot letrës bardhë, mbi fusha, male e lugina botës rreth e qark, mos ndaloni askund  kthehuni prap në fshat.

Zemrohen kokrat e farës grurit dhe misrit zemrohet bujku që thërmon pisat e tokës ju kërkojne harabelat t'kendojne kur cukisin, ju kërkon bujku buzëqeshjen ti jepni sofrës.

NË KRAHË TË FLLADIT

Kur vendosa një poezi të re të shkruaja, te kulla e kosës kostarit vendosa vargjet, pena të bëhet çekiç fjalët të kalis te kulla.

vargjet të rrjeshtohen si zaldet e barit

Trigëllimat ritmike që bën mbi kullë çekiçi, në pentagram të bëhen nota muzike, këngët ti këndoj me zërin e ëmbël bilbili, në krahë të flladit të fluturojë muza poetike.

VENDOSA

Sot vendosa t'i hedh nëpër plisa vargjet, të përzihen me farat e misrit dhe grurit, t'rrënjzojnë me bereqet t'bushen hambarët, dora e nënave ti gatuaj në magjen e bukës.

I buzëqesh fytyra sofrës bujare prej druri, të mbushur plot e përplot prodhime bereqeti, bëhet sofra  lëndinë ngrohet nga avulli bukës, vargjet e mia ulur rreth sofrës po buzëqeshin.

@Xhavit Gasa