Tahir Bezhani: Shefqet Dinaj - ”Enigma”

KRATERI EROTIK I SHEFQET DINAJ

Shefqet Dinaj:”Enigma”,poezi,2014,botoi Klubi letrarë”Gjon N.Kazazi”  Gjakovë.

Nga: Tahir Bezhani

“E ndiej aromen e shpirtit tend

Qarkulluar në damarët  e mi”

(Sh.Dinaj)

Libri me poezi i autorit Shefqet Dinaj,përuruar në javen e Mitingut të poezisë në Gjakovë,është i përkëthyer në gjuhët  Gjermane dhe Frenge nga autorët,Gëzim Krasniqi e Donika Juniku. Libri  “Enigma”,është botuar nën përkujdesjen redaktoriale te profesoreshës e poetës,Migena Arllati,me recensent,z. Majlinda Rama e Halil Haxhosaj.

Libri”Enigma”,është libri I dytë me poezi I autorit Dinaj ndërsa I gjashti me radhë nga fusha tjera,ku zoti Dinaj me kujdes lëvron edhe shkencat historike etj.

Duke lexuar poezitë nga libri “Enigma” te autorit Shefqet Dinaj,fillim e mbarim, ballafaqohemi me një lulëzim erotik,një pëlcitje interesante e insirative nga sfondi i tij imagjinativ e krijues. Nga z.Majlinda Rama,recensente,autori mer epitete lazgushiane,për mënyren e përjetimit dhe interpretimit poetik te erotikës ,e posaqerishit te poezisë “Buzë liqenit”. Natyrshëm se ka gjetur të sakt motivin krahasues z.Ramaj,por do shtoja se poezitë e autorit Dinaj,janë më shumë si përfytyrime,parashikime,emocione, ku egoja e ti poetike,shpërthen si krater vullkani, me te cilat çfryrje,te le me begatinë e jetës mbushur me optimizëm. Mënyra e prirjës për erotikë,dëshirorja,më së miri lexohet tek poezia “Dëshiroj” ku pos tjerash shkruan:

“Në sytë e tu magjepës

Të shoh si lozin valle

Dielli e hëna!...

………………….

Të ndiej aromën e shpirtit tend

Qarkulluar në damarët e mi”

Secili poet,secili krijues,në mënyren e vet të përjetimit,nxjerr nga thellësia e shpirtit,atë që mendon se është me e mira. Në këtë rast,poeti Dinaj,duke vjelur shpirtin e vet krijues,lexuesit I ka falur vargje te nxjerrura nga shpirti vullkanik,për ta pasuruar idene e shpirtin e të tjerëve, se dashuria,në fakt dimensionet e sajë,kanë një shtrirje gjithëandej, fushave të jetës ,pa të cilën nuk ecet.

Në këtë aspekt,po të thellohemi më tej,shofim  filozofinë e jetës,të cilën e kanë spjeguar edhe të tjerë para nesh. Kur kemi bukuri e madhështi në mesin tonë,pse t’ua lakmojmë të tjerëve dhe të krijojmë “lëmsh” jetë në jetën tonë . Për të bukurën,glorifikimi nuk është i tepërt e as për dashurinë ndaj të bukurës. Në poezinë “Në sytë e tu”,vërtetë lexojme (mendoj) vargjet më të bukura të këtij libri:

“Në sytë e tu

Ndiej zjarrin e tërbuar

Që shkrin acarin

E frymës sime….”

Fuqia  e lirikave të poetit Shefqet Dinaj,në këtë zhaner erotik, nuk do ishte aq e pëlqyeshme sikur të mos  përdorte me  mjeshtri elemntet e domosdoshme  letrare,siq jane,metafora,simbolet,krahasimet etj. Nisur nga këto,frymëzimet krijuese,japin tabllo jete që e bëjnë të gjallë liriken dhe në përgjithësi poezinë e autorit.

Ky botim i autorit Shefqet Dinaj, me 40 poezi,fillim e mbarim,poezitë  jane lirika të një tematike  ku poeti ka shfaqur boten e tij përsonale dhe ka pasuruar poezinë në përgjithësi me prurje triumfale. Ky zhaner letrar,përmbanë universalitetin e ndjeshmërisë krijuese.

Për këtë liber,recensentja z. Majlinda Rama shkruan:”dhe në këtë kuptim  lirizmi i autorit gjakovar,Shefqet Dinaj,përbën tashmë një tjetër gur të rëndë në murin e lirikës erotiko-dashurore të letërsisë shqipe,duke ecur në gjurmët e shumë poetëve lirikë me vepra të përkora”.