Kulturë » Mehmeti

Hazir Mehmeti: Dr. Kiqmari, takim lamtumirës në Vjenë

E diele, 17.11.2013, 07:58 PM

Dr. Sabri Kiqmari, takim lamtumirës në Vjenë

Pas një pune diplomatike pesë vjeçare në Austri, Dr.Sabri Kiqmari, ambasador i parë i Republikës së Kosovës, mbajti takimin lamtumirës me diplomat vendeve të ndryshme të akredituar në Austri, veprimtarë nga radhët e mërgimtarëve dhe stafit të ambasadës. Mes tyre ishin mysafir edhe Dr.Albert Rohan me zonjën e tij Monika Rohan, Apostolius Nucius, përfaqësues nga Ambasada e Shqipërisë në Austri etj.

Nga Hazir MEHMETI

13 nëntor, Vjenë. Ambasadori i Republikës së Kosovës në Austri organizoi takim lamtumirës me rastin e përfundimit të misionit të tij diplomatik në Austri. Në takim ishte ambasadori, Dr.Albert Rohan, diplomat nga shumë vende të akredituar në Vjenë dhe bashkatdhetarë në Austri. Ai së bashku me zonjën e tij Aferdita Kiqmari pritnin me respekt të ftuarit në lokalet e ambasadës. Z.Kiqmari në fjalën e tij lamtumirës mes tjerash tha:” Të nderuar të pranishëm, diplomat, i nderuari Apostoli Nucius, i nderuari ambasador Rohan, të nderuar diplomat. Ju falënderoj për ardhjen tuaj në paraqitjen time të fundit në Vjenë. Ishte një kohë e shkëlqyeshme, emocionale dhe e bukur. Unë po e lë Vjenën me sy të përlotur dhe të ngazllyer. Të përlotur nga se po ndahem nga shumë shokë e shoqe nga këtu me të cilët nuk do të takohem shpesh, sigurisht do të takohem por jo shpesh ashtu siç ishin. Me sy të ngazllyer dhe krenar për lidhjet e shkëlqyeshme të vendosura mes Republikës së Kosovës dhe Republikës së Austrisë. Unë udhëtoj për në Australi shumë i qetë nga këtu pasi për këto pesë vjet në kemi nënshkruar dhjetë marrëveshje dhe kontrata, ky ishte një sukses për çka përfaqësuesit austriak i falënderoj shumë për mbështetjen e ofruar gjatë këtyre vjetëve të fillimit tonë. I mërzitur largohem nga arsyet e shkëputjes nga jeta kulturore në Vjenë e cila la gjurmë direkt në familjen time. Vajza mësoj të luaj në piano, diçka e mrekullueshme dhe kjo do mbetët një vepër nga Vjena. E lë Vjenën me ambasadën e themeluar tani dhe kjo më kujton kur erdha këtu pak muaj pas shpalljes së pavarësisë, kisha vetëm dy gjëra me vlerë, një vulë dhe një laptop dhe si detyrë kishim hapjen e ambasadës, nuk kishim shërbim diplomatik dhe na duhej të fillonim çdo gjë nga e para. Unë e falënderoj shumë miqtë e mikeshat austriake nga ministria e jashtme austriake dhe përfaqësuesit qeveritar të cilët na kanë përkrahur vazhdimisht dhe jam i kënaqur shumë me kujdesin e treguar ndaj nesh. E falënderoj gjithashtu kryetarin z.Fischer, për pritjen e përzemërt të kryetares sonë qershorin e këtij viti, pastaj kancelarit z. Fyeman për pritjen dhe bisedën e suksesshme e miqësore me kryeministrin e Kosovës, z.Hashim Thaqi, këtë vit; kryetaren e Parlamentit të Austrisë, Barbara Prammer, për pritjen e krye parlamentarit të Kosovës z. Jakup Krasniqi, vitin e kaluar. Vetëm vitin e kaluar kishim njëzetenjë takim bilaterale në nivelin qeveritar. Austria është njëra nga vendet e cila ka investuar në Kosovë, ushtarët austriak në Kosovë kryejnë një punë të shkëlqyer. Ata kryejnë jo vetëm detyrën e sigurisë që kanë, por krijojnë lidhje me popullsinë përmes aktiviteteve kulturore, të ndihmës etj. për çka jam shumë falënderues. Me kënaqësi të veçantë sonte edhe një herë e falënderoj ambasadorin z.Albert Rohan, i cili me punën e tij, qëndrimin e tij të drejtë është i respektuar nga gjithë qytetarët e Kosovës. Ai falënderoj z.Helmut Tichy, për përfaqësim të suksesshëm në Gjykatën Ndërkombëtare të Drejtësisë të shtetit austriakë lidhur me shpallja e pavarësisë së Kosovës duke konstatuar se shpallja e pavarësisë së Kosovës ishte në harmoni të plotë me ligjin ndërkombëtar. Ai në fund tha se “është një nderë t’i shërbej vendit tim dhe për këtë unë me kënaqësi udhëtoj për Australi”.

Diplomati austriak, Dr.Albert Rohan, i cili ua angazhua në planin e pavarësisë së Kosovës, një ditë më parë së bashku me zonjën e tij, Monika Rohan në shtëpinë e tyre shtruan darkë lamtumirës për z.Kiqmari dhe zonjën e tij Aferdita Kiqmari. Përndryshe z.Kiqmari u dallua si diplomat e rangut të lartë në punën e tij në njohjen e Kosovës nga shtetet tjera, në kontaktet diplomatike me përfaqësitë e shteteve të ndryshme në Vjenë si qendër e tretë e Kombeve të Bashkuara. Ai u dallua edhe për qëndrimin e tij të hapur dhe përkrahës ndaj nevojave të mërgimtarëve për pajisje me dokumente të nevojshme. Në masë të madhe përkrahu jetën kulturore e sportive të mërgimtarëve shqiptarë. Ambasada dhe stafi i saj nën drejtimin e tij u bë shtëpi e hapur dhe e dashur për të gjithë mërgimtarët që nga i moshuari deri tek nxënësi e fëmija. Ai me punën e tij tregoi se ishte i të gjithë shqiptarëve pa marr parasysh nga cila pjesë e trojeve etnike vinte. Në lokalet e ambasadës u pritën dhe promovuan njerëz nga kultura, arti e shkenca, veprat e tyre. U lexua e recitua nga nxënësi, mësuesi, poeti e aktori. U ekspozua edhe skulptura siç ishte ajo “Ushtarit të UÇK-së të rënë në kufi” e dhuruar nga skulptori i njohur z.Destan Gashi e shumë tjera. Historia shkruhet me vepër e cila kërkon dashuri, sakrificë, mund e trimëri ndaj kombit e vendit. Këto i kishte Dr.Kiqmari.