Selim Nëngurra: Antikultura e shqiptarëve të Kosovës

ANTIKULTURA E SHQIPTAREVE TE KOSOVES

Nga Selim M. Nëngurra

Asht per keqardhje se si populli shqiptar shume lehte meson dhe absorbon kulturat e hueja dhe pa meshire vandalizon vlerat e kulturen e vete.

Jam ne vendlindje ne Istog tashma dy muej ne pushimet verore se bashku me bashkeshorten time dhe meqense kam banesen pothuej ne qender te Istogut dasht e padasht me bien ne sy dhe verej gjithcka ndodhe ne kete qytetez te bukur me nji pozite te bukur gjeografike te rrethueme me bjeshket e nalta dhe nga ku buron dhe jep jeten me mija vite lumi i Burimit te Istogut. Pra nji vend me freski, me fusha te gjelbrueme , me uje te bollshem dhe deri ne kohen e pasluftes edhe me qytetare te urte, te sjellshem, te civilizuem e plote kulture.

E thash qellimisht me qytetare te sjellshem e plote kulture deri ne kohen e pasluftes sepse vertete une qe jo fort moti i mbusha 58 vite jete dhe per tana keto vite njoh Istogun tash nuk po me duket se asht ai Istogu i dikurshem, Istogu i feminise dhe rinise time me ata njerez aq te civilizuem qe ishte dikur. Sot ne Istog ka pothuej gjithcka qe ka edhe ne secilin mjedis te qyteteve e vendbanimeve tjera ne Kosove. Ka mbeturina, ka kaos trafiku, ka njerez me ftyra te shemtueme dhe me pamje vandalesh, ka anticivilizim dhe antikulture. Ka e cka nuk ka por vlera e bukuri ka fare pak. Shihet se ketu vendasit autokton pothuej kan mbet minorance dhe se ardhacaket nga te gjitha viset e tjera kan marr promatin e shumices dhe e kan bastardue Istogun e bukur qe ishte gjithmone.

Muejt e veres ne Kosove kane shume emna, pra nuk i kan emnat sipas kalendarit, por i kan emnat qe ju kan vu vendasit e Kosoves. Dikush me vite i quen mujet e BUDALLEVE , disa tjere i quejn mujt e SHACAVE, disa i quejn mujt e  TE JASHTMVE e disa kryesishte zyrtaret e komunave dhe te pushtetit qendror i quejne muejt e MERGIMTAREVE. Pra qe te gjithe se bashku ju kan vu emnat me fokus ne mergimtaret e shumte qe gjate veres vijne ne vendlindje per pushime dhe per vizita ne familjet e tyne. Dhe qe te gjithe kane te drejte sepse vertete mergimtaret e meritojne ta marrin epitetin e tille, pra jane shaca, jane budalle, dhe edhe jane te jashtem. Jane budalle sepse me mallin per vendlindje e per njerzit e afert ata vin dhe derdhin ketu parat e kursyeme te nji viti, jane shaca sepse vertete disa analfabet dhe hajna te metropoleve te Europes ketu sillen si te cmendun me ngasjet e veturave, shesin mend gjoja se kan para, shesin kulture a ne realitet ata deshmojne injorancen dhe shpirtin e prisht sepse me sjelljet e tyne deshmojne antikulture dhe deshmojne se po vin ne Kosove per me e shfrye pisllakun qe e akumulojne 11 muje te jetes ne prendim. I shof ne blloqet banesore, ma shume hudhin mbeturina disa mergimtare se vendoret, i shof ne rruge ma te pasjellshem dhe ma vandal ne trafik jane disa mergimtare se vet vendoret. Dhe jane te jashtem sepse ata te jashtem jane edhe ne shtetet ku jetojne dhe ketu ne Kosove pranohen si vendas vetem derisa i shprazin xhepat, pastaj mbeten te jashtem.

Istogu asht qytetez e vogel dhe shof se asht e mbipopullueme dhe kjo ka sjelle edhe te kaosi i pergjithshem. Asht rrezik sot te trupon kambesori qendern e Istogut per te shkue deri ne gjelltore per te ngrane ushqim, nuk ndalon askush per kambesorin dhe vetem mrekullia e Zotit po i shpeton ata qe mos ti mbysin vozitesit e pasjellshem dhe idiot. Bile , bile ma para ndalon vozitesi veturen pocese kalimtari del ne mes te rruges se sa po doli ne ZEBER , pra ne vendin e caktuem per kalimtarin dhe te cilin vend ne krejte boten e civilizueme e respektojne te shejte dhe ndalojne vozitesit.

Dhe tash pasi edhe numri i mergimtarve perdite e ma shume po shtohet ketu si gjithandej ne Kosove po shtohen edhe darsmat e mergimtareve me vendoret dhe fatkeqesishte keto dasma po bahen ne stilin dhe metodat e kultures kurde apo arabo-orientale dhe thue se pa qare qe te gjitha darsmat kalojne permes qendres se qytetezes sado qe ka rruge tjera tranzit per te shkue andej ku ata kan darsmen, por jo ata krushqi me vetura nga te cilat ndegjohen trumpetat e sirenat e veturave dhe me tupana terrorizojne qytetaret e qendres se Istogut, ashtu ne kolona me vetura vijne deri ne qender dhe aty dalin tupangjinjet dhe surlagjinjet e tja kercasin me gugjuma tupanave dhe nga veturat e kolones se darsmorve dalin gra e vajza, nuse e edhe burra dhe te dridhen e perdridhen nga 30 minuta deri edhe ne nji ore me vallet tallava dhe muzike turko-arabe dhe aspak nuk qajne koken se kan bllokue trafikun dhe se bahen kolonat e veturave qe presin dasmoret vandal talibanesk e njerzit nuk munden me shkue askund sepse udhkryqi i qendres bllokohet e te shkretet qytetar detyrohen me prit tue u pjek nga te nxehtit ne makinat e tyne , ata vonohen per pune , vonohen per secilin qellim qe jane nis sepse pengohen nga antikultura dhe maskarrallaku i dasmave qe nuk asht asgja tjeter pos ekspozite e lakuriqesise se femnave injorante shqipfolese me shpirt e tradita arabo-kurdo-turke.

Une quditem se ku jane organet e pushtetit komunal, quditem se si lejojne te ndodhin keto degjenerime dhe keto terrorizime te terrorizohen trafikantet tjere qe nuk jane dasmor , por jan ne rruge per qellimet e veta si dhe te qytetareve qe banojne ne qender dhe zhurma e daulleve ju prish qetesine. Me sa di une ka disa ligje qe  i detyrojne ata, pra pushtetaret qe te ndalojne sjelljet e tilla te dasmave talibaneske. Me sa di une edhe qytetari ju ka jep dhe ju jep voten pushtetarve per te mbajte rend e qetsi dhe per tu kujdese per mirqenje e siguri te qytetarve e jo te kemi njerez te pushtetit qe i shtine vesht ne lesh dhe qe mezi presin tu mbaroj orari i punes e pastaj me suitat e veta te marrin turr e ne hotel restorante te ndryshme ku dehen e bahen drrase dhe per mendjen time jane maskarenjet dhe mjerimi i komunave. Jane turpi i familjeve te veta e edhe i kombit. As pushtetaret e Istogut nuk ishin te sjellshem, TROFTA dhe mbramjet e mia aty sepse une jam ne pushim dhe kam kohe, e deshmojne keto qe po i them. Dikur isha krenar qe jam istogas , por nuk e di tash a kam te drejte ta mbaj kryet nalte kur shof maskarallak edhe ne Istogun tim qe padyshim per dymije vite ka qen shembull i njerzores dhe hyjnores. Ma nuk asht i tille dhe per kete fajin e kan pushtetaret, policia dhe edhe vete vendoret e urte qe durojne tane kete bastardim te Istogut te tyne.