Halil Haxhosaj: Lot mbi varr

Halil Haxhosaj

LOT MBI VARR*

(Ali Podrimjes)

Enigmën e bëre mike në Lodeve

Gjëma dënesje ofshama çudira

Në Prishtinë Gjakovë Kosovë e Shqiptari

Në vargjet me figura e plot qetësi

U shndërrove në aromën e poetikës

Me miken enigmë u dashurove

Edhe retë nga Alpet zbritën poshtë

Mbi kokat e vajtoreve lotojnë

Shndërruar në figura e metafora

Shumë rrokullisje dhimbjesh dëgjohen

Rreth e rrotull fishkëllimë e acartë

Lumit ia solle diagnozën në Francë e Paris

Diku në palët e qiellit atje lartë

Sytë shikojnë turmën e mendohen

Ali Podrimja nga Ura e Fshejtë kërceu

Nga eshtrat e varrezave të mbushura me lot

Dëgjohen klithje të pëmallshme nga larg

Poeti me Lum Lumin prore mbetët gjallë

Festat kremtohen përmallshëm mbi tokë

Në varrezat e pikëllimit për ty moteve

Kosova gjaku yt që nuk falet është

*Kjo poezi fitoi Çmimin e parë në Manifestimin tradicional "Ora e poezisë" që u mbajt në Bajram Curri në kuadër të Mitingut të Poezisë 2013, më 11.05.2013.