Mustafë Rugova: 6 muaj pa Daniel Gazullin

6 muaj pa Daniel Gazullin

Letër mikut tim  (18. 04. 2012)

- Bota do te ishte ndryshe KREJT TJETÊR sikur te kishim më shumë prototipa sikur ky fatbardh. Njeriu te cilit ia dedikova kete leter te shkurtë në perceptimin tim asht miku me i shtrenjt i imi-

Nga: Mustafë Rugova

I dashtun mik!

Ti mund ta kesh kuptue tashme se une miqtë i trajtoj mire dhe kam nje respekt te pakufishem per ta, nderkaq për disa kam debulese te veçante. E kur them “per disa”, atehere s’mund pa mos e veçue Daniel Gazullin, i cili per dallim nga te tjeret për shume oktava qendron mbi të gjithë ne.

Te ky njeri lexuesi i vemendshem mund te gjej sa here te doje dhe ate ne secilin rresht dhe ne secilen fjale optimizmin per jete, edhe atehere kur ne na duket se jemi futë ne tunelin e territ. Ky njeri per dallim nga te tjeret ka nje vullnet te hekurt per tí shtyje perpara kufijte e artit te Tij. Pa e teprue, ky zotni, nuk asht sikur te tjeret; Ai asht shumë me përpara se të tjerët. Ai asht nje model i shkelqyeshem për secilin, per cilindo që ka deshirë të mesoj zanatin e fjalës së shkrueme. Ai perdite percjelle mesazhe, dhe mesazhet e Tij nuk jane dosido, ne fakt ato kane shumë kuptim, madje pa ma te voglen tepri do te thosha jane mesazhe plot jetë. Ai zotnon aq shume veti njerezore, sa qe mua (po mos te isha shkepute me kohe nga adhurimi i kultit ), do të mendoja se asht specie hyjnore. Ai din te gjej fjalet me pershtatshme per secilin njeri dhe per secilin fenomen. Ky njeri zotnia im asht njeriu me i ekuilibruem nga te gjithe ata miq qe i kam njohun ne gjithe jetën time. Stili i shkrimeve te cilin Ai e perdor e disponon secili lexues, prandaj te gjithe ne pa përjashtim duhet ta marrim si recept jete.

Ky njeri me shume se kushdo tjeter i thërret ndergjegjes, pasi qe e din mire se sot per sot anmiku me i madh i njerezimit asht mungesa apo mospasja e mjaftueshme e saj. Vetem kur te bëhemi te ndërgjegjshem mund te jemi të sigurt se qëllimi për një jetë më të mirë asht shumë afër.

Mua personalisht, që nga momenti i njohjes me Të, por edhe te tjereve sikur mua besoj, se na ka dhene lumturi te pakufishme.

Bota do te ishte ndryshe KREJT TJETÊR sikur te kishim më shumë prototipa sikur ky fatbardh. Njeriun te cilit ia dedikova kete leter te shkurtë në perceptimin tim asht miku me i shtrenjt i imi.

Edhe njehere, madje krejt ne fund une e dua këtë njeri, i besoj këtij njeriu dhe e respektoj pafundesisht.

Kaq…

Te pershendes dhe te uroj gjitha te mirat e kesaj jete!

_______

Shenim: Kjo leter ribotohet në kujtim dhe në respekt të të ndjerit Daniel Gazulli, në gjashtemujorin e ndarjes së tij nga jeta. Per ZSh-në, 12 Maj 2013-