Kabil Bushati: Kush i zhduku letrat e Milotit?

Kush i zhduku dy letrat e Harap Milotit ?

Nga Kabil Bushati

(vijon)

Siç e kishim parashikuar ne shkrimin e kaluar, per Harap (Sejdi) Milotin ka pasur me dhjetra telefonata e e-maile në adrese të gazetes tone. Kishim nxjerre ne drite te diellit nje figure deri at'here te panjohur.Diçka e zakonshme kur botohen shkrime te tilla. Shumica janë nga qyteti i Fierit dhe nga Tirana. Janë kojshi të kësaj familje dhe ish kuadro të ministrisë së brendshme të cilët mundohen të hedhin dritë mbi këtë vrasje të dyfishtë. Kam marrë me dhjetra përgëzime nga qytetarë të ndryshëm shkodran që mora guximin të trajtonim personazhin tabu Harap Miloti. Duke i falenderuar të gjithë me sinqeritet unë përzgjodha disa fakte të cilat mund të na shërbejnë si pikënisje dhe indicie për t'u futur në labirintet e errëta të kësaj ngjarje, që shteti i at'hershëm u mundua me te gjitha format ta fshehë me seriozitetin dhe fanatizmin më të madh dhe ta ruajë me nga publiku si mollë të ndaluar.Dhe kish si ndodhte ndryshe, duhej ruajte sekreti se ne kete menyre do te behej e besueshme fabula qe do te thurej me aq mjeshtri dhe sofistikim nga ish-sigurimi i shtetit...

Ngjarja tragjike ndodhi kështu. Në orën 6.30 të mëngjesit,kur Qemal Hysenaj zbriti shkallët dhe po kalonte para derës së Milotvet, se jetonin në një ndërtesë, Harapi duke i bërtitur e sharë, e qellon me pistoletën gjysëm-automatike Mauzer dhe i shpraz 20 fishekë në gjoks. Pastaj nxjerr dhe Makarovin dhe e godet me 5 fishekë kokës. Kur sigurohet se eprori i tij ka vdekur Harapi futet përsëri në dhomen e vet, në qetësi të plotë, vendos mbi tavolinë 2 letra, njëra u drejtohej 4 femijëvet të tij qe kish vendosur t'i linte jetim dhe tjetra Sekretarit të Parë të KQPPSH-së, Enver Hoxhës. I perkiste atyre kuadrove qe kishte besim te plote dhe te verber tek udheheqsi, sepse e gjykonte ate si perendi. Po mbi tavolinë vendos edhe gjithe lekët që kishte në shtëpi dhe pastaj bën vetvrasjen. Menjëherë policia rrethon shtëpinë dhe grupi hetimor fillon procedurat për ngjarjen...

Të befason fakti, se akoma dhe sot e kësaj dite, dy letrat e Harap Milotit nuk janë zbardhur asnjëherë. Përse? Sepse sipas të gjitha gjasavet në ato letra fshihet një e vërtetë e frikshme. Harapi kishte pasë kohë që t'u linte amanetin fëmijëvet dhe t'u tregonte realtetin për aktin që po kryente. Gjithashtu ai po vinte në dijeni për këtë të vërtetë, Enver Hoxhën, të parin e vendit të asaj kohe, perandorin e kuq qe e besonte verberisht. Pra vrasja po kryhej e paramenduar gjatë dhe me një refleksion për realtetin që nuk e dijmë as sot. Të intrigon fakti se akoma nuk dihet fati i këtyre letravet. Sipas të gjitha gjasavet, këto letra janë zhdukur pa mberritë në destinacion nga kryeministri Mehmet Shehu dhe ministri Kadri Hazbiu, të cilët mbërritën urgjentisht në qytetin e Fierit dhe drejtuan vetë hetimet. Kjo vrasje e dyfishte, ju kishte ra si rrufe ne qiell te paster te dy funksionareve te larte te shtetit te at'hereshem komunist. Pse ishin kaq të interesuar këto dy figura të larta shtetrore për këtë vrasje të dyfiishtë? Fakti i lidhjeve familjare me viktimën e parë, Qemal Hysenajn, nuk përligj gjithë këtë prekupacion të kryeminstrit dhe ministrit të brendshëm.

Lexuesit duhet të dijnë se Harap Miloti, si nënëkryetar i degës së p.brëndshme të Fierit, ishte njëherit edhe shef i sigurimit të shtetit të at'hershëm për atë rreth, funksion ky që ishte organik në të gjitha degët e vendit tonë. Pra çfarë kishte zbuluar Harapi dhe çfarë dinte ai për këta dy drejtues të lartë të shtetit të cilët u shqetësuan gjer në palcë nga kjo ngjarje dhe nga këto dy letra? Cfare po vlonte në sigurimin e shtetit. Sepse 7 muaj më parë,pikërisht me 26 prill 1960 edhe kryetari i degës së  brendshme të Shkodrës Gjeneral Major Hilmi Seiti, me origjine çame, kishte vdekur ne rrethana mjaft të dyshimta e misterioze, ndofta edhe i helmuar. Nersa Hilmiu ishte varrose me nderime te medha, Harapi po varrosej ne nje varr sekret qe akoma edhe sot e kesaj dite mbetet i pa zbuluar.Harapi dhe Hilmiu ishin shokë.

Shihni çfarë spektaklit të dobtë performuan Mehmeti dhe Kadriu.Shihni se çfarë deklaratash të ndryshme artikulonin të dy në qytete të ndryshme, ne asimetri të plotë me njeri tjetrin. Në Fier, ne mbledhje kryeministri Shehu deklaronte se Harap Miloti ishte njeri i pabese dhe kishte vrarë eprorin në shtepi të vet. Ndërsa ministri i brëndshëm Hazbiu në Shkodër deklaronte se Harapi e kishte vrarë kryetarin e degës për aresye se e shoqja e Harapit kishte dale difiçit dhe Qemal Hyseni ia kishte përmëndur ne mbledhjen e organizatës së partisë, pra njëri i binte gozhdes e tjetri patkonit. Dhe të dy genjenin, ndonëse edhe rrenën nuk e kishin të njejtë. E çuditeshme, nuk kombinonin as ne genjeshtra ish ministri dhe ish kryeministri. Ishin komplet ne diskordancë me njeri tjetrin. Ndofta nga frika e diçkaje? Të dyja deklaratat përjashtonin njera tjetrën.

Harapi nuk e kishte vrare në shtëpi të vet, por në kthesën e shkallës së përbashkët. Nuk e kishte qëlluar pas shpinet, por ballë për ballë. Ndërsa për dificitin e bashkëshortes së Harapit edhe Kadriu genjente, pasi kishte mbi 6 muaj që edhe dificiti ishte sqaruar, pasi e shoqja e Harapit me vendim gjykate ishte rikthyer në punën e mëparshme si shitëse solidare në Mapon Ushqimore dhe kishte marrë edhe pagat e pa paguara. Fajtorja e vërtetë kishte muaj që ishte dënuar me burg me vendim të formës së prerë. Lirshëm lind pyetja, përse genjenin dy kuadrot kryesore të shtetit, përse dezinformonin opinionin publik duke deklaruar kodra mbas bregut. Logjika e thjeshtë të çon ne versionin se Shehu dhe Hazbiu ishin ne panik për diçka. Ndofta ata po thurnin ndonji konspiracion kundër shtetit të at'hershëm dhe i ndruheshin dekonspirimit. Vite me vone Everi akuzonte dhe denonte me pushkatim, Feçorrin,Hazbiun dhe Mehemtin.(?!). U ndruheshin dhe kuadrove të veta mvartëse, në këtë rast kuadrove të sigurimit të shtetit, pra të sherbimeve sekrete nëse do t'i quajmë me gjuhën e sotme dhe dyshonin se mos kishin pikasur gjë.

Patjetër që Harap Miloti, si shef sigurimi në rrethin e Fierit përbënte rrezik potencial për kupolën e ministrisë së brëndshme. Pra Harapi duhej zhdukë sepse dyshohej se dinte diçka. Për këtë u përdor si koke turku kushëriri Qemal, eprori i Harapit, të cilit mesa duket iu vu detyrë që të provokonte sherr ordinier. Mirpo llogaritë ishin bërë gabim, Shehu dhe Hazbiu nuk kishin llogaritë një gjë, nuk kishin llogaritë se Harapi ishte më trim dhe më kurajoz se sa Qemali. Ata nuk e dinin atë këngën shkodrane që këndon Bik Ndoja :" Pa ndigjo mor Nikoll Popi, ti s'ke pa shkodran me sy, se ktu i thojnë Oso baroti, që djeg vedin edhe ty..". Ata nuk e kishin llogaritur se Harap Miloti do të shndrrohej në Oso Kukë. Megjithatë ata kishin vendosë zhdukjen e Harapit, për të vetmen arësye se ai dinte diçka kundër dyshes Shehu-Hazbiu. Këtë e vërteton edhe vetë letra që la për Enverin. Letër që dyshohet se është zhdukur dhe nuk ka shkuar ne destibacinin e duhur, pra ne dore të Enverit. Sepse po te kishte arritur aty ku ishte adresuar kjo leter patjeter që do te ishte arshivuar si të gjitha të tjerat dhe sot do te dilte ne dritë të diellit.Dhe tjetër kuptim do të merrte kjo ngjarje e hidhur e cila shkaktoi reperkusione të rënda për familjen Miloti.

Mesa duket ai njoftoi udhehqësin Hoxha për ndonnjë konsipracion të mundshëm e të rrezikshëm. Fakti që kjo letër nuk ka dalë as sot e kësaj dite dëshmonn në favor të kësaj hipoteze. Pra ajo letër do të ishte nyja gordiane që kyç me mister 50-vjeçar, këtë ngjarje të hidhur. Në favor të kësaj hipoteze është edhe fakti se as letra për fëmijët e bashkëshorten akoma dhe sot nuk u është dorëzuar familjarëvet të Harapit. Ajo ishte nje letër personale që patjetër duhej dorëzuar me mbarimin e hetimevet. Por sipas të gjitha hamendësimevet edhe kjo letër ka pësuar fatin e të parës. Sa keq që edhe ajo letër u zhduk për të mos dalë kurrë në dritë,

Gjithsesi koha do të vërtetojë gjithçka. Sado që diktatura u mundua me fanatizmin më të madh që të fshehë gjurmët e veta të përgjakura, prapseprapë ajo nuk ka arritë të fshehë gjithçka. Dita ditës po dalin të dhëna të panjohura për shumë personazhe që patën pushtet gjatë atyre vitevet dhe e pësuan nga vetë shokët e tyre...Gjithesi Harap Miloti e meriton nje varr...ndoshta toka do ta nxjerre pa pritun amanetin.