Xhevat Rexhaj: LDK të fitojë votën e qytetarëve

LDKja KA RASTIN QË  TË FITOJË VOTËN E QYTETARËVE TË KOSOVËS

Lidhja Demokratike e Kosoves u pranua ne gjirin e Familjës së madhe të partive popullore të Evropës, lajmi më i mirë për LDKnë që prej Kuvendit të mbrapësht të VI të.

Këta të sotmit duhet të mendojnë shume edhe për ata që ua krijuan mundesïn që të jenë sot ulur në karrikat e atyre Burrave të mëdhenjë

Nga Xhevat Rexhaj

Në shtete të ndryshme të botës ku demokracia mbetet jo vetëm fjalë ,por ështe alfa dhe omega e një shoqërie të duhur dhe të forcuar me ligje e rregulla të lojës, ështe e lehtë të qeveriset, kështu mendojnë shpesh njerëz të ndryshëm! Në realitet mu në shtetet e tilla ku një shoqëri e zhvilluar në të gjitha aspektet, ose në të gjitha poret e jetës, e ka fjalën kryesore kur duhet të zgjedh dhe të zgjidhet, ka vështirësit e saja, ngase në demokraci të tilla ata që fitojne votat edhe duhet të jenë të gatshëm te marrin dhe ndajnë përgjegjësit së bashku me qytetarët e tyre, dhe për këte në këto demokraci ai apo ajo që shkel të drejtat e qytetareve, ose duhet te japi dorëheqje, ose duhet të konfrontohet me ligjin, dhe shi për këte demokracitë e tilla janë gjithnji në funkcion të shoqërisë, pra shtetasve të akëcilit vend.

Eh, sikur të kishim edhe ne në Kosovë se paku një demokraci të përafert me atë te vendeve evro-perendimora, ku përgjegjësia dhe morali e luajnë rolin vendimtarë në jetën e çdo politikani, dhe pushtetari, që prej nivelit më të ulët e gjerë të ai më i larti. Ne në Kosovë vërtet e kemi një sistem të ndërtuar mbi disa baza dhe disa sfera jetësore, ku edhe mundë të themi se kemi një sistem demokratik, gjithnji duke u nisur nga fakti se ky sistem është i akomoduar karshi rrethanve dhe gjendjesë  nga e cila jemi dal para disa vitesh dhe kësaj të sotmes. Te ne në shumë aspekte ka patur disa lëvizje të mira edhe si rezultat i mbikqyrjesë së faktorit ndërkombëtar, apo shkurt të atyre shteteve e që na kanë çliruar nga pushtimi sllavo-serb, dhe na i kanë mundësuar shumë të mira që sot të jemi këtu ku jemi. Te ne funkcionon një sistem shumë partiak, që edhe me gjithë të metat e veta gjithsesi se ka edhe anët e mira, pasi që pa marrë parasysh lëshimet dhe abuzimet që bëhen nga partitë e ndryshme në Kosovë, qytetarët tanë e kanë të drejtën dhe mundësin që të zgjedhin në mesin e shumë partive, ato apo ata, që për qyetarët mendohet se mundë të ofrojne më shumë për qytetarinë kosovare. Sot në Kosovë kemi shumë parti politike në letër, por ama në fakt dhe të prekshme i kemi 4 parti, të cilat kanë anëtarë dhe simpatizues të tyre, dhe të cilët me radhë fitojnë vota me rastin e zgjedhjeve si lokale, ashtu edhe ato parlamentare. Pa dashur të ndalem shumë rrethë të gjitha këtyre partive, une do të mundohem që të mbetem pranë një partie që me historikun e saj të lavdishëm edhe sot e tutje edhe pas shume dridhjeve që ka pësuar mbetet njëra , apo thënë shkurt e shqip mbetet kryesorja për sa u përket vlerave, dijesë, kapaciteteve intelektuale, dhe atdhetare si dhe profesionalizmit për fusha të caktuara me të cilat duhet të ballafaqohete një subjekt i tillë politik, dhe kjo ështe LDKja.

Fillimishtë duhet thëne se LDKja kishte misionin e saj historik qysh pas formimit të saj, misionin për të çliruar mendjet e shqiptarëve  nga sindromi se ne shiptarët nuk  mundemi të veprojme si kolektiv-grup, apo se nuk mundemi të arrijmë synimet dhe qëllimet tona si të bashkuar rreth një programi. LDKja qysh se prej fillimit të veprimit të saj si vazhdimësi e Lidhjese së Prizrenit dhe Lidhjeve të tjera të asaj të Pejës, të Junikut e të tjerave  kishte marrë barrën e rëndë që shqiptarët të i bashkoi rrethe një kauze dhe qëllimi , se të bashkuar munden të mbërrijne edhe cakun, pra çlirimin e Kosovës duke krijuar miqesi të forta me të fortit e botës. Me vite të tëra mundë e sakrifica të qindra mijëra veprimtarëve kudo, si në Kosovë ashtu edhe në troje të tjera e sidomos në mërgatë, LDKja arriti si kurr më pare, që prej kohës së artë të Gjergj Kastriotit, që në krye me Arqitektin e pavarësisë së Kosovës Ibrahim Rugobvën, të bejë të prekshme dhe të pashme lirin dhe shtetin e ri, që do të krijohej me njohjen e çmuar ndërkombëtare, apo formale siq e quante i Madhi i kombit Presidenti i ynë I. Rugova. LDKja në strukturën e saj kishte të gjitha shtresat e popullit, të gjitha mendjet e ndrituar dhe të gjitha forcat e bashkuara për një qëllim, largimin e Serbis nga Kosova, e që si rezultat ishte shpallja e Republikës së Kosovës, shtet, si dhe zgjedhjet e para të lira për shqiptaret edhe përkunder represionit serb, dhe zgjedhjen e të gjitha Institucioneve shtetërore dhe bartësit e tyre. Me këte desha vetëm të them se LDKja ishte , ara, ishte mielli, ishte brumi dhe në fundë ishte vetë buka e gatuar në të mirë të popullit shiptarë, andaj të gjithë ata që ishin pjesë e LDKsë ato vite, duhet të mburren me veten e tyre dhe me kontributin e tyre dhënë për shtetin të cilin e kemi sot. Gjitha ato vite LDK-istet nuk e kishin mendjen se a do te fitonin ndonji privilegj pas pavarësise¨formale, jo ata te gjithë e kishin vetëm një qëllim, të luftojnë dhe punojnë me të gjitha mjetet që të arrinin qëllimin e pavarësisë së Dardanisë sonë.

Pas luftës, ku u derdh shumë gjakë, ku LDK-ja kishte përgatitur të gjithë terrenin që edhe me armë të luftohej shkau, asaj i dolën mjerishtë në pritë disa matrapazë dhe disa harambasha të parapolitikese, dhe të mendësisë staliniste-enveriste, dhe me të gjitha mjetet më te ulëta e penguan LDK-ne, si dhe Institucionet e shtetit që ajo ta  udhëhiqte dhe ta bënin luftën ashtu si duhej. Megjithate edhe në këto situata dhe rrethana fatale për Kosovën ,LDKja tregoi menqurinë dhe urtësinë e madhe të saj, dhe për hir të asaj që shqipatrët mos të ngatërroheshin në mes vetes lëshoi pe karshi disa hajdutëve dhe banditëve, që ata të udhëheqnin me luftën, por mjerishtë edhe pas kësaj urtësie shumë LDK-site, jo vetëm se u penguan të merrnin pjesë në luftë, por disa figura kyqe të saj edhe u vranë nga hijenat e natës,, nga kriminelët e kuq, dhe të shitur te dikush tjeter? Që një tragjedi e tillë do vazhdoi edhe pas luftës, u pa më së miri me vrasjen dhe kërcenimet e shumta që na bëheshin ne veprimtarëve të LDK-se, duke na etiketuar si “spiuj, udbasha, tradhëtar” e çfarë jo tjeter,e fatkeqësishte etiketime të tilla në emër të kinse luftës ,( këtu duhet ndarë luftëtaret e vërtet që kapen pushket kunder armikut serb, dhe fatmirësishte ata shumica ishin edhe anetarë te vet LDK-se, ose ishin thjeshtë shqiptarë trima dhe të fort kombëtarisht), bëheshin kryekëput mu nga të tillët që ishin pjesë e ndonjë sherbimi të strukturave serbe dhe atyre enveriste.

Kuptohet se në këso gjendje, pozita e LDK-se filloi të dobësohej edhe pse fal figures madhore te Presidentit Rugova LDK-ja i fitoi bindshëm të gjitha zgjedhjet e radhës, por disa burra të LDK-se filluan të frikohen, disa filluan të shiten për para, disa te shantazhoheshin nga SHIKu dhe disa te tjerë të frikësoheshin nga vetja e tyre, dhe kjo më së miri u pa kur u orkestrua katandisja e LDK-se në Kuvendin e VI të saj, kur edhe u nda në dysh, si rezultat i zgjedhjeve me brryla brenda vet LDK-se, këtu duhet cekur se disa nga fajtorët kryesorë të kësaj tragjedie ishin disa figura kyqe te vet LDK-se, që dukur ishin me hile edhe afër Presidnetit Rugova, duke shfrytezuar emrin e tij, por me veprimin e tyre ata treguan se vetem se kishin pritur momentin e ikjesë së Ibrahim Rugoves nga kjo jetë, për të shkatërruar një shtëpi të madhe të ndërtuar nga më shume se një milion njerëz anë e mbanë Kosovës e më gjerë. Pas ndarjes së LDK-se në dyshe, terreni iu lëshua një partie rivale, një partie që kishte dal nga një strukturë e quajtur LPK, strukturë enveriste që para dhe gjatë, e besa  pas luftës kishin përgatitur edhe lista të zeza për likuidime e atentate, që prej Ibrahim Rugoves-Shallit, Fehmi Aganit-akademikut, e deri në numrin 101 të aktivistëve të LDK-së, pra vet disa figura të forta të LDKsë  në mënyre indirekte apo direkte ndihmuan ardhjen në pushtet të atyre që kishin uzurpuar, vjedhur, kontrabanduar e sekuestruar shumë pasuri të Kosovës, njerëz qe me reketime, shanatazhe, krime, kontrabandë e korrupcion ekonomiko-politik, kishin mjelur qytetarinë kosovare.  LDK-ja  , që absurdi të jete edhe më i madh u fut në koalicion me partinë rivale, ( këtu duhet cekur se ndoshta kjo ishte edhe detyrim nga ana e miqëve tanë, ngase do ndodhte rishpallja e pavarësiseë së Kosoves dhe LDK-ja duhej të ishte pjesë e qeverisë), futja në këte koalicion do ti kushtoj LDK-se edhe më shumë, ngase një numër i madh i anëtareve dhe simpatizantëve të saj u hidhëruan dhe u irituan nga një ngjarje e tillë. Ndoshta qështja e koalicionit më vonë do të kuptohej nga njerëzit e LDK-së, sikur mos të ndodhte edhe një budallaki e madhe e prijësit të LDK-se, dhe shokëve të tij kur ndodhi Zanzibari, dhe kur PDK-ja luajti si macja me miun me LDK-ne, ngase me këtë rast LDK-ja kishte mundësin të dilte nga kolalicioni, dhe ta përmbyste qeverinë e partisë rivale, por mjerishtë Kryetari i atëhershëm përseri u tregua jo i menqur, dhe jo serioz dhe lëshoi pe, mirëpo ky lëshim pe atij do ti hakmerrej personalisht sepse miku i tij , kryetari i partisë rivale do ta degradonte gjerë në fundë figuren e ish Kryetarit të LDK-se ,duke e larguar edhe nga posti i Presidentit, si thyes të Kushtetutes!

Pasojat e kësaj ngjarjeje jo të zakonshme për demokracitë normale , do ti vuaj LDK-ja edhe në prag të zgjedhjeve, si rezultat i atyre zgjedhjeve të jashtëzakonshme që i inicoi dhe inspiroi H. Thaqi me degradimin e Presidentit, dhe në këtë rast duhet të themi dhe të jemi të sinqert se fajin kryesor nuk e kishte kryetari i një partie rivale, por e kishte kryetari i LDK-se, ngase me një shpejtësi u desh të organizohen zgjedhjet brenda LDK-se, dhe për 3 ditë LDK-ja u desh të bëhej gati për zgjedhjet parlamentare, çka kjo do e dobësoi shumë sepse edhe përzgjedhja e emrave për delegat duhej te bëhej shkel e shko, pasi që  koha nuk priste, pra edhe këtu LDK-ja pësoi  nje goditje të madhe, megjithate , fatmirësisht në Kuvendin e LDK-se u zgjodh një Kryesi e re, dhe një Kryetari ri që jepnin mesazhe se LDK-ja do të reformohej me kohë, dhe rigjenerohej e profesionalizohej. Në zgjedhjet e aso kohshme, LDK-ja mbeti përseri partia e dytë, por me një rritje numrash në Parlament, pasqyrë kjo se megjithatë ishte ndalur trendi i humbjës se më shumë mandateve për deputetë. Pas zgjedhjeve të fundit LDK-ja tentoi që të bëj disa ndryshime edhe kadrovike, por edhe programore e statutore, gje që duhet te përshendetet shumë ngase ishte nje risi që prej vitit 2006.

Po ku ështe sot LDKja?

Sipas gjendjës reale, dhe sipas shume të diturave, sot LDK-ja është më e fortë se para dy vitesh, sot LDK-ja është më mirë e organizuar dhe më mirë e profesionalizuar me emra dhe me ekipe te caktuara për fusha të caktuara, sot LDK-ja ka një lidership të respektuar, dhe ka një anëtarësi në rritje. LDK-ja sot po tregon se mundet të bëhet forcë kryesore politike në vendë, ngase të gjitha predispozitat i ka në terren, njerëzit po dëshirojnë ndryshime, dhe po kërkojne  të kenë njerëz me kredibilitet, dhe me dije e menquri në Institucione, e jo më bashibizuka e banditë të cilët jane shëndërruar në milioner gjithnji  në kurriz të popullit, sot qytetaria e Kosovës po kërkon të respektohet ligji, të zhvillohet ekonomia dhe të funkcionoi gjyqi, të gjinden dhe të burgosen vrasësit e figurave të çmuara kombëtare, nga radhët e LDK-se ,si dhe të gjithë të tjerët që ishin pre e kriminelëve të caktuar, që ndoshta sot janë të veshur edhe me rroba deputetesh e ministrash, apo pushtetarësh të ndryshëm. Qytetarët e Kosovës po kërkojnë nje zhvillim dhe një mirëqenje për vete, dhe për fëmijet e tyre, po kërkojnë ecjen drejtë Evropës, dhe lirisë se lëvizjes se tyre, pra po duan ndryshime, dhe besohet se këto ndryshime janë te mundshme nëse në pushtet vie LDK-ja, pasi që  ka ekipe të profesionalizuara për çdo lëmi jetësore.

Kryetari i LDK-se , fatmirësishte nuk ështe nje  njeri që merret me fjalamani, ai flet vërtet pak por kohët e fundit ka bërë punë të mira, ka rinizuar shumë strukturat dhe kierarkin e LDK-se, vertet ai ka ende pengesa nga disa  te stërkequr, dhe te matufosur, nga disa matrapaza dhe disa te shantazhuar, por megjithatë ai ka një përkrahje të duhur nga anëtarësia e thjeshtë, që të qoi reformat përpara, të largohen disa te lodhur, dhe të freskohen strukturat e partisë me energji të reja. Kryetari i LDK-se nuk ështe i përkryer, por vertet është i suksesshëm këto vite, andaj i duhet përkrahja e të gjitheve që të marrim besimin e qytetarëve tanë. Ka zëra kritikë, që sot po kërkojnë që LDK-ja ta rrezoi këte qeveri, por po harojnë se LDK-ja  e kupton se pari, interesin e shtetit e pastaj e kërkon pushtetin, LDK-ja nuk dëshiron të fitoi në dëm të interesave të shtetit, dhe qytetarëve të saj, LDK-ja dëshiron të fitoi atehere kur populli mërzitet me këta pushtetmbajtës e hajna të sotem. LDK-ja e sotme është e vendosur të luftoi këte qeveri, por me mjete legale, dhe me forcën e argumentit, e jo me dëshiren e ndonjë subjekti tjetër politik, mendoj se LDK-ja do ta gjej rastin e volitshëm që të kërkoi rrëzimin e kësaj qeverie, dhe ai moment duhet te jetë pas mbajtjës se Kuvendit te paraparë të partisë rivale, ku besohet se aty do të thyhen shtizat, dhe do të ketë qarje të mëdhe brenda tyre, dhe sigurishtë se, atehere duhet shfrytëzuar momentin, ashtu si e patën shrytezuar ata ne vitin 2007.

LDK-ja që nga sot, ështe anëtare me të drejta të plota e Konferencës së partive popullore-të djathta evropiane, dhe kjo meritë u takon të gjithë LDK-istëve, kjo ditë do të shënohet në arkiven e madhe të LDK-se, si një ditë e shënuar, dhe do të jetë edhe nje sukses i kësaj strukture të sotme, ngase me këte po tregohet që hapat e Ibrahim Rugoves jane përcjellur me vëmendje e përkushtim. Vet të qenit anëtar i këtij forumi më të madh partiak në Evropë, do të thotë se tani me LDK-ja përmbushë të gjitha kriteret e një partie djathtiste, nje partie qytetare, dhe një partie që do jetë ulur në sofrën e kombeve të forta. Tani më edhe pas këtij suksesi LDK-ja do të avancoi edhe me shumë përpara, dhe këta muajtë e ardhshëm, LDK-ja duhet të përgatitet që të jetë e kujdesëshme, dhe të ofroi më shume zgjidhje për qytetarinë e Kosovës, duhet të tregoi e propagandoi programe të mira, të duhura dhe të prekshme për votuesit, të ofroi edhe zgjidhje e jo vetem premtime, LDK-ja duhet të fokusohet në zgjedhjet e shpejta qe do mundë te shkaktohen papritmas nga partia rivale, pra LDK-ja duhet të jetë e kujdesëshme kësaj radhe, ngase të gjitha gjasat janë që LDK-ja do të dali fituese. Qytetarët e Kosoves, nëse rezonojnë me kokë të qetë, dhe me mendje të mirë, në LDK do të gjejnë këta faktorë se pse duhet ti japin votën kësaj partie:

1.      LDK-ja ishte dhe mbetet parti institucionale, parti e vlerave të shëndosha, dhe e meritave të shënuara që prej themelimit të saj.

2.      Në LDK mundë të ketë ndonjë ligjthyes, ndonjë keqëbëres, ndonjë kriminel, ndonjë hajn, ndonjë të korruptuar, por në LDK këta jane vërtet  të pakët, dhe sigurishte se të tillët duhet të i largojmë dhe të i denoncojmë vet ne LDK-istet.

3.      Shumica absolute e LDK-isteve, ishin dhe mbesin njerëz të moralit, të dijesë dhe të respektuesit të ligjit. Në LDK shumica absolute e duan shtetin, e duan rendin, e duan ligjin, e duan zhvillimin ekonomik, social, arsimin e nivelit evropian, shendetësin e duhur e kështu me radhë, LDK-istet e duan të mirën dhe jo të keqen.

4.      Në LDK nuk ka vrasës, kriminel, banditë e reketues, jo vërtet nuk ka, ngase LDK-istet gjithmonë i kanë luftuar këto të këqija, dhe këte nuk na e lejon as frymimi i ynë rugovist, kurrsesi, dhe këtu qëndron madhështia e të qenit LDK-iste. LDK-istet nuk ishin dhe nuk jane reketues, nuk janë  shantazhues, dhe nuk janë SHIK, përkundrazi LDK-istet e dëshirojne zbardhjen e krimeve që kane ndodhur në Kosovë e jashtë saj, para, gjatë dhe pas luftës, pra e duam fillimin dhe përfundimin e hetimeve te këtyre krimeve të shemtuara që kanë lënë Familje atdhetarësh me duar në  gji,e lot ne sy, pra   dhe dhimbje të pasheruara si pasojë e vrasjeve të porositura.

5.      Në LDK ka vërtet njerëz të zot, njerëz të lapsit, njerëz të politikës, të shkencës, të artit, të sportit dhe të ekonomisë e teknologjisë , andaj këta njerëz e meritojnë që dijen dhe profesinonin e tyre ta shfrytëzojnë, për të mirën e shtetit dhe të qytetarëve të tyre.

6.      LDK-ja ka histori, ka vizion, ka të gjitha premisat e duhura që përseri të udhëheq me shtetin, të ndihmoi këte shoqëri drejtë rrugës evropinae, të ndali tjetërsimin e pasurisë shtetërore, që sot po shitet me qëllim që të bëhet shpërlarja e parasë se vjedhur të disa politikanëve, deputetëve dhe kriminelëve të caktuar, që kanë deponuar para milionshe nepër  banka shteteve të ndryshme.

7.      Vrasës, vjedhës votash, sekserë, kërcënues, fajdexhi.. e të tjera të tilla vërtet nuk ka brenda LDKsë.

Lidhja Demokratike e Kosoves sot duhet të jetë në nivelin e vet, duhet të ofroi më shumë për qytetarin: oferta të kapshme dhe të realizueshme, duhet të i tregoi votuesit se nëse i zgjedhin do të ecet me drejtë, dhe më shpejtë kah të mirat që i meritojnë qytetarët e Kosovës. LDK-ja e ka detyrë, dhe obligim të ruaj të mirat e saja mbi 20 vjeqare, të përmirësoi veten aty ku ka patur gabime dhe lëshime, të reformohet gjithnji, dhe te rigjenerohet me të rinjë të profesioneve të ndryshme, ngase të rinjët janë vet ardhmëria e LDK-se, dhe Kosovës, pa të rinjë, te vyer, të dijeshëm dhe trima, nuk ka ardhmëri. Ne, disa të moshuar brenda LDK-se , duhet të kemi forcën dhe kurajon qytetare, dhe tu lëshojmë vendin të rinjëve, tu japim shansin dhe ti ndihmojmë aty ku ka nevoj, me pervojën tonë, kuptohet nëse kemi aftë,si ngase sot  jetojmë në kohën e ndryshimeve fenomenale, qe ndodhin dita ditës në gjeopolitikën botërore, me të rinjët do ecën  më drejtë LDK-ja ,dhe  vet Kosova, e me të vjetrit vetëm se do të vendënumërojmë , andaj sot LDK-ja  është më e fortë se dje, sot LDK-ja e ka radhën dhe mundësin që të qeverisë me Kosovën, ngase ka kapacitete dhe ka mbështjetje të gjerë të popullit, dhe besohet se kesaj radhe do te zgjohen nga gjumi te gjithe ata LDK-iste që ka disa vite ishin të painteresuar me atë se çpo ndodh në Kosoven e tyre.

Jo pse une e dua LDK-në , por për arsye se LDK-ja i duhet sot shtetit të Kosovës, e bëra këte shkrim.