E enjte, 29.07.2021, 03:12 PM (GMT+1)

Kulturë

Demir Krasniqi: Ringjallje në vendlindje

E marte, 15.05.2012, 07:03 PM


Demir KRASNIQI:

RINGJALLJE  NË VENDLINDJE

Sa herë kthehem në vendlindje –
N’ shpirt më ngjallet një rilindje !
Sa herë kthej  n’ troje t’ mia –
N’ shpirtin tim ngjallet rinia !

Sa herë kthehem n’ truallin amë –
Më ringjallen babë e nanë !
Sa herë kthehem n’ ato votra –
Më ringjallen vëllezër , motra !...

Sa herë kthej  në  gurëthemele –
Gëzohen male e zabele !
Sa herë kthej  në skaj  t’ livadhit –
Me këngë m’ presin  zogjtë e malit !
 
Sa herë kthej në ato boka –
I kujtoj delet bardhoka !
Kujtoj lojëra, kujtoj hoka –
M’ çilen sytë , m’ këndellet koka !

Sa herë kthej n’ ato bregore –
Kujtoj këngët baritore !
Kujtoj vajzat me bistekë –
Duke luajtur guracekë !

Sa herë kthej  në  ato ara –
Lulëzojnë  molla , lulëzojnë dardha !
Sa herë kthej  në  ato thera –
Ma e bukur  vjen  pranvera !

Sa herë kthehem  te qershia –
Aq ma larg m’ shtyhet pleqëria !
Sa herë kthehem  n’ troje t’ vjetra  –
Aq ma e dashur m’ bahet jeta !

Në vendlindje ripërtërihem ,
Këngë e gaz  , unë , kurrë nuk ngihem !
Në  vendlindje , unë , ringjallem  –
Atje kënaqëm , atje çmallem !

Në vendlindje unë rinohem ,
Seç forcohem e  krenohem .
Atje gjejë ngrohtësinë diellore ,
Bukuritë e saj përrallore .

Për vendlindje kam uri ,
Etje , mall e dashuri .
Dashuri që më pushton  –
Kurrë nga gjiri nuk më lëshon !

Gjilan, më 12.05.2012.



(Vota: 6 . Mesatare: 2.5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora