Abdullah Prapashtica: Apart'hejdi evropian ndaj shqiptarëve

APART´HEJDI EVROPIAN NDAJ SHQIPTARËVE

BASHKIMI EVROPIAN PO MBAN QËNDRIME IDENTIKE

ME BASHKIMIN SOVJETIK NDAJ SHQIPTARËVE ?

Nga Abdullah Prapashtica

Para do kohe Christian Schwarz Schiling, ka adresuar kritika të ashpra në adresë të BE për shkak të përjashtimit të Bosnjës e Hercegovinës dhe Kosovës nga procesi i liberalizimit të vizave. Në një intervistë për gazetën gjermane Bild vlerëson “...se heqja e vizave për Serbinë është turpi më i madh i BE deri më tani - me këtë veprim BE po shpërblen vrasësit e Srebrenicës, që kryen gjenocidin më të madh pas Luftës së Dytë Botërore...”! Dërsa në Kosovë, nga misioni i BE, po burgosen çlirimtarët!

E zgjodha për hyrje deklaratën e zotëri Christian Schwarz Schiling, sepse po jetojmë në një ambient ku fjala e vendorëve nuk ka efekt pa u than ajo nga e të huajt. Këtë e vërteton edhe një deklaratë e një deputeti i cili me një rast e kishte lutur një të huaj në Kosovë, qe ta shtron një çështje të caktuar, sepse nëse kjo nuk shtrohet nga të huajt nuk kalon në kuvend! Ky është serviliteti tipik i robit politik që nuk po mund të lirohen nga mentalitet autonomist i kohës së regjimit të ish Jugosllavisë.

Kombit Shqiptar në tërësi dhe Kosovës në veçanti vazhdimisht po i imponohen nga qendrat e huaja zgjedhje të dhunshme të sundimit kolonial kundër interesave kombëtare të shqiptarëve dhe ato po na prezantohen kinse janë “në interes të shqiptarëve”! Pranimi i tyre duhet bëhet pa kushte, “se ndryshe shqiptarët i pret fati i Çeçenisë”! Prej ndryshimit të flamurit ton kombëtar e imponimit të dhunshëm të Kushtetutës e Ligjeve antishqiptare të Ahtisarit e deri te negociatat me Serbinë, në kurrizin e Kosovës, po bëhen me parullën se ato janë “në interes të shqiptarëve”! Bile edhe shkatërrimi i shtetit, i ushtrisë dhe i armëve të ushtrisë, në të gjitha anët e kufijve ndër shqiptar, e deri te ndarja e shqiptarëve në 6 shtetet, si pas tyre, na “qenka në interesin ton”!

Së fundi edhe disa diplomatë që shtihen si miq tanë, dolën në mbrojtje të bisedimeve Bruksel – Beograd të cilave në dëmin e Kosovës po ju prin një Hajrie Spikerica e BE, duke deklaruar se “ne nuk do ti përkrahnim këto negociata sikur ato të ishin në dëmin e Kosovës”! Edhe pse ato me sy mbyllur duken se janë në dëmin e Kosovës. Kosova nuk është në moshën jomadhore andaj nuk ka nevojë ta mëson askush se çka është në dobi e çka është dëmin e saj! Si ka mundësi që dikush nga një vend apo kontinent tjetër ti di më mirë se ne vet se cilat janë interesat tona? Aq larg kanë shkuar sa në emër të “mbrojtjes së interesave tona” po na mohohet edhe vet e drejta në lirin e vetëvendosje!

Ne hymë në shekullin e ri me zhelet e shekullit të vjetër duke filluar nga policia e prokuroria e deri te presidenca, në krye te cilave gjendeshin apo gjenden ose pseudokomunistët kriminel të diktatorit Tito, ose fëmijët e familjeve të tyre, të cilët krah për krah me disa renegat të ish lëvizjes së rezistencës, që u shndërruan në vasal të sundimit të ri kolonial. Ata dolën bile edhe më cinik se sa PLEHU I KOSOVËS që ishte Drejtor i Hotelit ”BIRA MINIT 300 GROSH” dhe banda e ti, në kohën e diktaturës jugosllave. Të mësuar me jetuar mirë si shërbëtor te sundimeve të huaja ata po e kryejnë punën kundër popullit të vet me zell të madh dhe vet po jetojnë shumë mirë prej kësaj pune të ndyrë.

Pushtetarët e tillë vasal pranojnë “integrimet” nën çdo lloj sundimi të huaj, sepse vet janë të pa aftë që t´a qeverisin dhe zhvillojnë vendin pa tutela të huaja. Me që janë të pa aftë me qeveris vendin ata na premtojnë se vendin do ta integrojnë nën BE e NATO, që ta qeverisin të huajt, dhe do të na heqin edhe vizat që populli të ikë sa më larg nga vendi i vet. Pos tjerave edhe heqja masive dorë nga shtetësia dhe vetëvrasjet e shtuara dëshmojnë mjerimin e këtij pushteti mizor. Pushtet i cili buxhetin për luksin e vet e siguron edhe duke shitë letra pa vlerë për deviza, përmes të “industrisë të sigurimeve”, që si banda të organizuara i qesin pritat në kufi si hajdut duke i plaçkitur mërgimtaret. Mërgimtarët, të cilëve në Kosovë as pjesëmarrja në zgjedhje as në regjistrim nuk ju mundësohet! Mendojnë këta kusar politik se dashuria ndaj atdheut dhe vuajta e mërgimtarëve nuk i lejon të shohin kusarin e tyre.

Natyrisht se “nën dardha pikin dardha dhe ata që rrinë nën dardha hanë dardha” thotë populli i ynë i urtë. Kjo i qoi nën dardha edhe disa ish revolucionar që doli se edhe ata kishin merak me hëngër dardha nga djersa e gjaku i popullit të vet! Prandaj është iluzion, që ata që e kanë sjell UNMIK-un e EULEX-in dhe që e kanë miratua dhe po e zbatojnë Kushtetutën e Ahtisarit, mund të realizojnë ndryshimin e Ligjit Zgjedhor dhe ndryshimet e Kushtetutës, që do të ua përmbyste karriget në pushtetin e tyre vasal. Prandaj në Kosovë nuk mund të ndodhin ndryshime kushtetuare nga ata që e kanë sjell Kushtetutën Ahtisarit, por vetëm nga ata që Kushtetutën e Ahtisarit e përmbysin në tërësi së bashku me ata qe e kanë miratua dhe që e kanë zbatua atë Kushtetutë, e cila deri në fund është antishqiptare.

Përmbysja e Kushtetutës të Ahtisarit së bashku me ata qe e kanë miratua dhe që e kanë zbatua atë Kushtetutë, duhet të ndodh në rrugë demokratike dhe me mjete ligjore, njashtu si shkoi regjimi i Honekerit në ish RD të Gjermanisë. Por nëse ata përdorin krime e dhunën me mbajt pushtetin me çdo kusht në duart e tyre, si ishte rasti Çausheskut, ku me votat e të vdekurve e në rrugë tjera kriminale, atëherë ndaj tyre duhet ndërmarr masa legjitime e demokratike për mbrojtjen e vendit nga këso lloj bandash. Zaten të gjitha sundimet e huaja koloniale për kolaboratorë të pushteteve të veta vasale zgjedhin këtë lloj soji njerëzish dhe i mbajnë në pushtet për aq kohë sa kanë nevojë për llojin e tyre. Natyrisht edhe me zgjedhje të falsifikuara të SMS “demokracisë”! Ndryshimi i Kushtetutës, i Ligjit Zgjedhor dhe KQZ duhet të vjen nga Akademia e Shkencave dhe jashtë Partive Politike që kanë marrë pjesë miratimin dhe zbatimin e Planit të Ahtisarit, ndryshe nuk do të ketë kur far ndryshimesh!

Me që këto politika antishqiptare nuk do të mund ti zbatonin përmes të Adem Demaçit dhe njerëzit si Adem Demaçi, ata edhe u anashkaluan nga institucionet dhe u favorizuan njerëzit e ish regjimit jugosllav dhe disa renegat të suksesshëm. Në të njëjtën kohë u hap fushata kundër UÇK-ës duke bërë përpjekje që të e kriminalizojnë karakterin e saj çlirimtar përmes të disa kriminelëve ordinar dhe përmes të disa bashkëpunëtorëve të ndyre të UDB-ës jugo-sllave!

Duhet pas parasysh se edhe pse formalisht me 17 shkurt 2008 u shpall pavarësia, Kosova nuk e ka pa as nuk e ka shijua as një ditë të pavarësisë së vet. Shkuarja e sundimit të Beogradit dhe ardhja e sundimit të Brukselit nuk është pavarësi, por ndryshim i sundimeve koloniale. Integrimi i dhunshëm i Kosovës nën sundimin e BE dhe NATO i cili do të vjen pas “përfundimit” të misionit të EULEX-it, para integrimit të Kosovës me shtetin amë Shqipërinë, do të thotë se Republika e Kosovës as nuk e ka shijua as nuk do ta shijon as një ditë lirie dhe as një dite pavarësie, pa polici e ushtri të huaja, as në të ardhmen. Por, këto llogari të bëra prapa shpinës së popullit ton nuk do të dalin ashtu!

Bisedimet me Beogradin që po i udhëheq Brukseli (i cili nuk e njeh pavarësinë e Kosovës) në emër të Kosovës, në dëmin e Kosovës mund të vazhdojnë – por pa Kosovën. Sepse Qeveria e dalë nga zgjedhjet e falsifikuara të Dhjetorit 2010 e që u dëshmua me numrin e rrejshëm të votuesve edhe pas regjistrimit të falsifikuar popullsisë të Prillit 2011, nuk e ka mandatin të vendos as gjë në emër të Popullit të Kosovës. Në emër të kombit mund të flas çdo qytetar që i mbron interesat e vërteta kombëtare! Por, nëse dikush merr vendime në kundërshtim me interesat e vërteta kombëtare, ato vendime nuk kanë kur far vlere edhe nëse ai është Ministër, Kryeministër, President apo edhe Mbret!

Një vend është i lirë, i pavarur e sovran vetëm atëherë kur ai vet vendos për fatin e vet, kur as një gjykatës, as një polic dhe as një ushtari i huaj nuk gjendet brenda territorit të ati shteti dhe kur ai është plotësisht i bashkuar, i pavarur dhe i barbarë me shtete tjera. Derisa në mesnatë në dhomat e gjumit të shqiptarëve ju hynë policë e ushtarë të huaj me i burgos ata në vatrat e veta pse kanë luftuar për lirinë e vendi të vetë, kjo nuk ka lidhje me lirinë as me pavarësinë e vërtetë të as një vendi. Nëse dikush mendon se liria perëndimore vjen me terror muzikor në qendrën e Prishtinës, në kohën kur njerëzve ju duhet pushimi ditor, atëherë e ka gabua adresën. Në perëndim terrori muzikor bëhet 5 kilometra larg vendbanimeve dhe policët e ushtarët e huaj nuk mund ti burgosin shtetasit në vend tjera!

Tani kur nga UDB-a e quajtur EULEX po përgatitet edhe burgosja e Komandantit të SHP të UÇK, Azem Syla, Deputet i Parlamentit të Republikës së Kosovës, me sinkronizimin e aferave të kriminelëve – agjent serb, si Bllaca I, Bllaca II, Bllaca III etj. që po dalin me intervista me fejtone në gazetën “borba” dhe “komunist” që tani po botohen në gjuhën shqipe me disa emra tjerë shqip në Kosovë, po paralajmërohet vazhdimi i një fushat të re të terrorit gjyqësor e policor që u ndërpre nga Beogradi me 1999 dhe që pas 1999 u vazhdua nga Brukseli, ndaj të gjithë ushtarëve të UÇK-ës.

Mendoj se fushata kundër eprorëve më të lartë është kah zhvillohet me synim të diskreditimit të UÇK-ës e të luftës ton çlirimtare 30 vjeçare të filluar me 1981, dhe për arsyetimin gjenocidit serb ndaj shqiptarëve! Andaj kjo nuk është mbrojtje personale as e Azem Sylës dhe e askujt personalisht, por është mbrojtje e vlerave të luftës të UÇK. Është mbrojtje e heronjve, e dëshmorëve, e martirëve, e grave të dhunuara nga çetnikët serb! Është mbrojtje e gjakut të derdhur për liri kudo në atdheun ton të copëtuar nga fuqitë e vjetra të Evropës dhe gjakut të derdhur të dëshmorëve tanë nëpër metropolet e Evropës nga dora e UDB-es e me lejen heshtur të autoriteteve lokale! Është në mbrojtje të gjakut të invalidëve veteran të UÇK-ës që sot janë në grevë në Prishtinë për të drejtat tona të nëpërkëmbura nga ky pushtet vasal, që për luksin e vet nuk kursen as gjë, por që as pas 12 viteve nuk është në gjendje të nxjerr një ligj për mbrojtjen e vlerave të luftës!

Të jam i qartë se, unë si ushtar i UÇK-ës hapur dal në mbrojtje të të gjitha veprave patriotike edhe të Azem Sylës si Komandant i UÇK (e jo si politikan i PDK) edhe të çdo ushtari tjetër të kryer gjatë luftës apo pas luftës në mbrojtjen e Kosovës nga armiqtë dhe veglat e tyre. Por, distancohem nga secili, e kushdo qoftë ai apo ata që kanë kryer çfarëdo krimi personal ndaj kujt do qoftë për interesa të tyre private dhe kërkoj me këmbëngulje që nga ata UÇK të distancohet dhe që ata të marrin dënimet e merituara nga institucionet e Drejtësisë të Kosovës e assesi nga të huajt. Ne nuk do të lejojmë as nxitjen e përçarjeve të Brukselit mes shqiptarëve dhe as dënimin e kryesve e veprave të dënueshme ndaj vendit tona nga të huajt!

Të jemi të çartë! Sikur që kjo ka ndodhur në krejt Kosovën edhe brenda UÇK-ës është bërë diferencimi mes atyre që i mbetën besnik Betimit të UÇK-ës, që ishin e janë kundër Planit të Ahtisarit dhe në ata që e miratuan dhe po e zbatojnë Planin e Ahtisarit apo që pas lufte kanë sharrua në krimet e veta për pasurimin e vet të pa ligjshëm! Andaj, njësoj hapur distancohem nga të gjitha ata që e kanë miratua dhe që e zbatojnë Planin e Ahtisarit, i cili prezanton bazën teorike të apart´hejdit të BE ndaj shqiptarëve, dhe bëj thirrje te të gjithë bashkëluftëtarët që të bashkohen e solidarizohen mes veti, edhe për interesa individuale edhe për realizimin e interesave kombëtare që i kemi të formuluara çart në Betimin e UÇK-ës! Një për të gjithë – të gjithë për një, për lirinë e bashkimin e kombit dhe atdheut ton të ndarë në 6 shtete nga armiqtë e aleatët e tyre!

Kombi shqiptar nga brenda shtetit të vet të bashkuar mendon ta ketë një demokraci autentike, pa parti përçarëse politike dhe një politikë neutrale e sovrane karshi ndarjeve globaliste, ashtu si është pozita ndërkombëtare e Zvicrës! Nëse Bashkimi Evropian e Rusia dhe vendet Ballkanike e mohojnë vetëvendosjen, bashkimin, pavarësinë e sovranitetin ton dhe me Kombin Shqiptar sillen si janë sjellë Shtetet Arabe me Izraelin në të kaluarën, Kombi Shqiptar do të shndërrohet në Izraelin e BE. Nëse fëmijët shqiptarë nuk do t´i gëzojnë liritë që i gëzojnë fëmijët tjerë në BE, BE do të është përgjegjëse për pasojat e kësaj politike diskriminuese ndaj fëmijëve tan!