Luan Çipi: Çuditë e nipit Nikolas

Luan Çipi

ÇUDITË E NIPIT NIKOLAS

Nikolasi mbush pesë vjet

Ka lindur në Seint Luiz

Anglisht, po dhe shqip flet

 Shqipëtar është si fis.

Unë e shoh si jashtoksor

E dëgjoj, ulur në bisht,

Njeh sistemin diellor

Shkruan dhe lexon anglisht.

Ka në dhomë lodra çudi

Kafshë të egra, trena, trakë

Mbi njëqind libra të rinj

Po, asnjë raketë a tank.

-O Niku, po ç’është ai?

-Është një lloj dinosauri.

-Po, ku rron, ku ha, ku ri ?

- Ka jetu në kohë të gurit!

-Po ky, Plutoni, planet?

-Jo, gjyshi planet, s’qëndron,

Se shkenctarët e vërtetë

Kanë nxjerrë një tjetër version.

-Po kjo kafshë madhështore?

-Panda e murme, që bën gu

Rron në Kinën juglindore

Se ushqehet me bambu.

Unë afrohem te tetëdhjeta

Nikolasi vetëm pesë

Bukur përtërihet jeta

Nuk më vjen keq të vdes.

Çikago,29 Prill 2011