E diele, 16.02.2025, 07:42 PM (GMT)

Kulturë

Luan Çipi: Mbi librin me poezi ''Pa rrugë'' të Dalan Luzaj

E premte, 20.05.2011, 06:07 PM


MBI LIBRIN ME POEZI  “ PA RRUGË”

TË DALAN LUZAJ

 

Nga Luan Çipi

 

Dalani, poeti ynë, është i fisëm, der’ e parë

Shfaqet në  librin “Pa Rrugë” një shkrimtar i pasionuar

I ëmbël e ëndërrimtar, fjalë qëmtuar dhe sqimatar

Në mendime, në ide dhe në vargje, i formuar.

*

Madhështor, veshur shik, i hijshëm e trupgjatë

Të prezantova buzëqeshur te shokët e mi vlonjatë.

Vizioni që iu krijove çdo ditë e ngrihet më lart

Kujtojnë të ngazëllyer fjalën dhe mendjen e artë.

 

Ishin biseda të ngrohta, urtësi e tolerancë

Të soditnin, mëndja shkonte, te prejardhja aq me fat:

Te filozof Isuf Luzaj, i doktoruar në Francë

Mundime, persekutime dhe internimi i gjatë,

 

Fëmijë, vëllezër e motër dhe Dalani në shpërgenj

I ati larg dëshpëruar, ata ndarë, tej – këtej.

Vuajnë të zitë e ullirit, në kasolle, jetë ferri,

                           Për rreth Dritës,  nënë kreshnike, një  model bese e nderi

 

Babai rend emigrimit -  Argjentinë e Amerikë

Familja krejt e braktisur në pasiguri e frikë.

Do ta shihnit vallë njëherë gjigantin, që s’ka të dytë

T’i preknit dorën e artë dhe t’i puthnit ballin, sytë?

*

Poeti mediton hënën, shelgun e tij dhe burimin.

I rilind bilbilejtë, nga larg përkëdhel Tomor

Përjeton Ujin e Ftohtë, Selam Labin dhe Naimin,

 Kalanë e lashtë të Kaninës, bregun e detit në Vlorë.

 

Vargjet përjetuan Arbin, Xhevon, Nonda Papakronë

Ju uron përsëlargu mirësi e lumturi.

Shikon emigrantë në botë të uritur e që lotojnë

 Shqetësohet e ligështohet, si dikur në vend të tij.

 

Përtëritur e rinuar çan përpara si veri

Fluturon me krahë shqiponje si të ishe djalë i ri

Paçka se kjo koll’ e vjetër e mundon dhe ende dhëmb

“Në një grusht llucë e pleh, lulja mbinë edhe në shkëmb”

 

Barite rrugë e pa rrugë, tash marshon në bulevarde

Me tre djemtë me Sonilën me Burbuqen aq të çmuar

Banoni në qiellçarëse, lartësuar qindra kate.

Në Çikago Amerikë, përpjekjet kanë triumfuar.

 

Atje, Xhoni, Xheku, Xhimi dhe të tjerë  Amerikanë

Me ata ti jep e merr, blen e shet, këmben paranë.

Për krahë djemve të tu, të mençur, të mbarë, siç janë.

Si djalin tënd të katërt, porosi të lë Kamanë.

 

Edukoi, sipas traditës, të jenë punëtorë dhe të mirë

Të mësojnë, të pasurohen, të kenë vullnet dhe dëshirë

Të formojnë bindjen:“Unë ika, po do kthehem përsëri!”

Farë e zgjedhur të buisë, si dikur, në Shqipëri.

 

Ripunuar në Çikago, Mars. 03. 2011



(Vota: 1)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora