Dy poezi nga Fahrije Kllokoqi

Fahrije Krasniqi, ka lindur në Zhilivodë, Vushtrri, jeton në Zvicër.

Fahrije Kllokoqi

ODA SHQIPTARE

Në një qoshe të odes

dëgjoja  ligjerata,

nga pleq të urtë e të menqur

jo profa me kravata!

Në mur rrinin varur

pushka e lahuta,

aty msohej Arti

e shumë fjalë të urta...

Aty u bë konaku

aty u falë ngatërresa,

aty u pagëzue nipi

aty u bë fejesa.

Nga gjyshi mjekerr bardhë

me tirqi zi si korbi,

mësova historin

dhe vlerat e këtij KOMBI !

Aty u nis lufta

aty u mbrojtë nderi,

aty mora dije

e tituj MASTERI.

Sot u jam mirënjohese

odes e oxhakut,

ishte shkollë e madhe

sa sot e HARWARDIT!

LETER MALLI

Ju ngjat jeta motra

po ju shkruaj këtë letër

nga ky vend i huaj

i Europës s'vjetër

Më mungon moj motra

koha e fëmijeris

kur loznim e këndonim

flakë i vënim shpisë

Ju lash vajza të reja

tash zonja jeni të tana

sillnu mirë n' fis të hujë

mos të na shahet Nana

Falë me shëndet Nanës

oj motrat e mia

na ka rritë me harna

në ato kohë të vështira

Pëshendetje Bacit

bardh si bora plisi

edhe pse  shtat-shkurtër

i fortë sikur Lisi

Oj motrat e mia

të fala mi bani vllait

për te zemra më digjet

pasha sytë e ballit

Kur erdha këtu

ishe nuse e re

plakë me shumë rrudha

do kthehem në Atdhe

Do kthehem një ditë

aty ku peshon guri

do festojm së bashku

ditën e Flamurit....