Kulturë
Demir Krasniqi: Gjarrahët e toponimeve kosovare
E enjte, 03.02.2011, 08:28 PM
GJARRAHËT E TOPONIMEVE KOSOVARE
Mashallah, moj mashallah ,
Na kanë dalë një grup gjarrah !
Grup gjarraha – patriot ,
Për Kosovë , po qajnë me lot !
S’ lanë katund, as s’ lanë qytet –
Për qejf t’ vet pa i bë synet !
Toponimet i synetojnë –
N’ emra t’ rinj i pagëzojnë !
N’ vendin tënd , ti, ku ke le –
Me t’ zanë mjegulla – s’ dinë ku je ?!
Emra t’ rinj në katër anë –
A jem n’ tokë, a jemi n’ hanë ?!
Këta gjarrah me kompani –
Bëjnë Kosovën – Dardani !
Bëjnë Drenicën – Arbëri ,
Bëjnë Gollakun – Galabri ?!
Novobërdën – e bëjnë Artanë ,
Podujevën – e bëjnë Besianë !
Kamenicën – e bëjnë Dardanë ,
Rogoçicën – e bëjnë Roganë ?!
Dobërçanin – e bëjnë Miresh ,
Milloshin – e bëjnë Milesh !
Në veri – n’ atë djep çetnik ,
Leposaviqin – e bëjnë Albanik ?!
Këta gjarrah – këta patriot ,
Obiliqin – e bëjnë Kastriot ?!
Gllogocin – e bëjnë Drenas ,
Vizatojnë harta n’ atllas !
Gjilan, më 01.02.2011. Demir KRASNIQI