Hasan Qyqalla: Fijoj

Hasan QYQALLA

FIJOJ

1.

Majë Himalajeve thepisur, ku Diellin ka afri

në djersë i tëri qullur, atje vonë kam mbrri.

Gjurmoja lule allin, pjalm, aromë qëndisur

të të mbajë premtimin, që ditën m' ke stisur!

Kujtoj takim rasti, ja që "rasti mbret i botës",

anekdotë urtake, kush djallin fut mes gotës!

Grisa kanunit fletët, mos m' prekë në sedër

suflerim në cep veshi, the "damar tët zemër"!

Tufë puthjesh mesnate, kur Hëna qesëndisë

si langore që ishe,në krahëror ç' më bezdisë!

2.

Grabit notesin sekret, dhuratë lule Himalajen

pa zënë fare siklet, ç' më shpërbleve ndarjen!

Herë më ngre lapidare, herë m' quan lapangjoz

konspirimin s' nxorre, për lutje,top as bajloz...!

m' kunjove si Krishtin, pamëshirë ngjeshë djallëzi

gjeth qarri më zure, të shkilem a digjem n' zjarrmi!

21.09.2010.