Agim Gashi: Kah po shkon kjo shqiptari

Agim Gashi

Kah po shkon kjo shqiptari

Nëpër fusha e malet tona

Ndihen krismat me vaj jehona,

Kah po shkon kjo shqiptari

A ka rrugë për demokraci?

Po nga pritat e tradhëtisë

Vriten djemt e shqiptarisë,

Vriten bijt nën hije t´nanës

Si n´Prishtinë si n´mes Tiranës.

Dil e shihi pak moj nanë

Kush po i shanë e kush po i vranë,

Stalinistët që sjanë të gjallë

Përshëndeten me grushta n´ball´ !

Ma të poshtrit sa ma ska

Mbulojnë fytyrat mos me u pa,

Të akuzojnë e t´vrajnë pas shpine

Të shitun n´Moskë e në mes t´Athinës.

Kush ka derdhë lot e gjak

Në Drenicë e n´Karadak,

N´Dukagjin e në Koshare

Nuk mbulohen, janë „ashiqare“!*

E ju me maska djel pa prag

Herdokurë do nxjerrim hak,

Se lamë Kosovën e Shqininë

As me Moskë as me Athinë.

Se kjo toka e Kosovës

Që derdh ujin në tri dete,

Ashtë e preme dhe e coptueme

E ngarkueme me shumë derte.

Askush neve nuk na pyeti

E askush nuk na besoi,

Mbi gjëmimet tona t´mjera

Rrafsh nji shekull na peshoi!

Përse neve na helmuen

Ja vranë nanave fëmijët n´gji,

Pse na vranë e masakruen

Vasha t´reja e djem të ri?

Si çdo kund erdhi nji fund

Kjo Kosovë e fortë si gur´ ,

Nuk duam dhunë e s´duam krime

T´Skënderbeut duam nji flamur!!!!

Düren

07.12.2001