Poezi nga Nehat Jahiu

Nehat Jahiu

SAHANLËPIRËSAT

Për një koc të lëpirë

shesin trup dhe fytyrë,

gjuhën porsi qen e qesin

lehin edhe pasi vdesin!

CA TË QELBURA KOKA

Erë e ndytë qelbësirë

në trup pa një pikë yndyrë,

o zot! si na i mban toka

ca të qelbura,qelbura koka.

O zot, si të shpëtojmë nga këto Laro

që në çdo vend vallëzojnë në ballo,

o zot si të shpëtojmë nga këto lavire

që ndrrojnë rolet si fytyra në pasqyre.

O JU TELELLA...

Deri kur duhet duruar juve vallë

o ca të pabesë, o kodoshë, o zagarë,

ju që silleni rreth e rrotull

si në bixhoz luani me këtë popull.

O ju që derdhni lotë, lotë krokodili

ju që kolltuqet edhe ëndërr na i shihni,

ju që ndrroni qimen për çdo ditë

ju që keni vënë dhjamë edhe në sytë...