Poezi nga Tahir Bezhani

Tahir Bezhani

LINDJA E DIELLIT

Mëngjeseve shpirti shprush freskinë

Të fjetur në tingujt e këngëve

Katarzë e azdisur

Hapësirës qiellore

Dielli kur perëndon

E nata shtrinë krahë

Kujtimet e ditës lëpihen

Në shpatin e lodhur,

Rrezeve të ikura,e

Errësira ngulfat mendimet

Dyluftim kërkon vetmia

Në fushën e mejdanit

Mendimet rrapëllijnë

Portave të mbyllura....

Ëndrra të vështira

Mes lindjes e perëndimit

Dy dashuri të ngrira

Mbi kalin e Trojës....

Gjakovë,

Prill,2010

MË SHPËTO  KËNGA IME

Ditë e ngarkuar plot halle

Natën mendimet shëtisin

Fluturon shpirti e mendja

Të gjitha ngushticave të botës

Asnjë vrimë për ikje...

Këngës thuaja malësorçe.

Fyellit vrimat t’i pëlcasin

Kënga ime e bardhë.....

PASQYRË E THYER

Shikoj vetën në pasqyrë

Fytyrë e përplasur

Dhëmbëve të huaj

Herë i ngjajë tokës së djegur

Herë zjarrishtave të motit