Kulturë
Demir Krasniqi: Te Tyrbja e Sulltan Magarit
E enjte, 01.04.2010, 09:57 PM
Demir Krasniqi :
TE TYRBJA E SULLTAN MAGARIT
- Satirike –
Te Tyrbja e Sulltan Magarit ,
Rreth e rrotull për rreth varrit ,
Sillen bija e bijë t’ shqiptarit ,
Si kuajt n’ lamë rreth mullarit !
Për çdo vjet për natë t’ Shën Gjergjit ,
Shkojnë me i bë sehire dreqit ,
Sillen për rreth varrit – fytyra u ndizet flakë
Dhe kërkojnë prej varrit nga një trohë nafakë !
Turma njerëzish sillen rreth varrit t’ Sulltan Magarit ,
Kërkojnë t’ ia gjejnë s’ pakut nga një kime t’ ‘arit !
Seç ia puthin dheun, seç ia puthin varrin
Dhe nga një grusht dhe me veti ia marrin !
Me ujin e Tyrbes seç i lajnë fytyrat ,
Që t’i lajnë mëkatet , t’i shpërlajnë të ndyrat !
Ca nuse të reja seç ia puthin gurin –
Aman Zot, m’ shpëto se kam tradhtua burrin !
Ca vajza të reja rrugaçe e rraspihe -
Përbirohen n’ pejzi dhe nëpër tespihe ,
Bëjnë dua te varri për t’ia heqë sehiret ,
Se ato për nuse nuk po i duan të rinjtë !
Ja Sulltan Magari – kam problem të rëndë ,
Burri në kurbet – unë s’mund po mbes shtatzënë !
T’ përkulëm Sulltan , madhërisë tënde hak –
Më ndihmo ta qes një fëmijë në lulak !