Kulturë

Demir Krasniqi: Hoxhë Brezhnica

E premte, 05.03.2010, 10:56 PM

Nga thesari ynë popullor:

HOXHË BREZHNICA

- Rapsodi popullore –

Haj medet për shqiptari ,

Qe ‘izet vjet jem kanë robi ,

Kemi rrnue keq me Serbi ,

Qet agrarin shpi për shpi ,

I matë tokat me komisi !...

Kjo Brezhnica tridhetë shpi -

Gjashtëdhetë shpi cërrnagorë*1) janë hi !

Gjashtëdhetë shpi cërrnagorë janë kanë –

Jav marojnë shpijat me pllan !

Cërrnagorë edhe shqiptarë –

N’ ni bunar kishin ujë me marrë !

Gratë e hoxhës , po shkojnë n’ bunar ,

Vrajmi Zot, cërrnagorët ç’ po bajnë –

Ju kanë ra grave n’ bunar ,

Gjithë çka a zi nër sy ty jav thanë ,

Tana kënatat jav bajnë llom !

Këqyre gratë, çka po bajnë –

Tanë tuj nga në shpi po shkojnë !

Reja e vogël koskan*2) ish kanë –

Derës s’ shpisë , shkelëm poj mëshon ,

Me bagllamë mrena po e gjuen !

Djali i hoxhës, aty ish kanë ,

Jallah bani, na u que n’ kamë –

Çka kije kunatë, po m’ ja banë ,

Ka ‘izet vjet , nuse t’ kem marrë ,

Kurrë qitahen s’na e ke ba ?!

Reja e vogël, sa mirë po flet –

Ma niqah*3) për juve s’ jena metë !

A po na mani , a po na lëshoni ,

Ja për neve, sod do t’ luftoni ?!

Cërrnagorët na kanë ra n’ bunar –

Çka mos nër sy na kanë thanë ,

Tana kënatat naj kanë ba llom !

Djali i hoxhës , koka kanë koskan ,

Jallah bani , na u çojke n’ kamë –

T’ madhe britke , oj e lumja nanë ,

Baba , pushkën ku e ka lanë ?!

-Kadal loke, halla ja banë ,

Tash vjen hoxha , ni ren ja gjanë !

Ni sakicë te drutë e ka marrë –

Cërrnagorëve , ju ka ra n’ bunar !

T’ madhe briti :” O, Stojan ,

T’ kujna grave u ke ra n’ bunar?!”

Tre , pa krye i paska lanë -

U kthye djali , n’ shpi po shkon .

Vrajmi Zot, këta Selanikt –

Janë tubue , po shkojnë n’ Brezhnicë !

Se n’ Brezhnicë , kur janë shkue –

Shpinë e hoxhës , e kanë rrethue ,

Shumë do dru mrena ja kanë gjue ,

Edhe zjarmin ja kanë lëshue !

Zjarmin shpisë po m’ ja shtinë –

Britshin robtë e piskatshin thmija !...

Reja e vogël , po bërtet –

Mule kha , o efa Ahmet ,

Mu dogj djali me gjithë djep !

-Pesë dakika , kunatë myhlet*4) ,

Tash po digjem na , tridhetë krejt ,

Tash po digjem na , te tanë !

Ni musafir , aty po qillon –

Rahim Zabërgja , i kishin thanë !

Shpejt Rahimi , na u çojke n’ kamë –

Ni allti në shokë pe lëshon ,

Ka marrë udhën, n’ stanicë*5) po shkon ,

Naçallnikut*6), poj kallxon !

-Çou batil, i paska thanë ,

Cërrnagorëve , krye u ke dhanë ,

Çka ni t’ zezë , n’ shqiptarë pe bajnë !

Tridhetë robë, n’ Brezhnicë janë tu i kallë –

Ti je ardhë , po shkruen n’ ostall ?!

Naçallniku, na u çue n’ kamë –

Niqind xhandar , po m’i shtërngon ,

Tanë tue nga , n’ Brezhnicë po shkojnë !

Se n’ Brezhnicë, kur janë ardhë –

Veç ni sobë*7) e gjajnë pa u kallë ,

Të tanë robtë n’ atë sobë poj gjajnë !

Të tanë robtë poj pshtojnë krejt ,

Veç u dogj qaj djali n’ djep ,

E u dogj qaj mixha Ahmet !

N’ ato ditë e qitshin n’ gazetë –

Gjithë shqiptarët pej shkijeve kanë hjekë !

_________

*1) Cërrnagorë – serb. Malazezë

*2) Koskan – turq. Nervoz , inatçi

*3) Niqah – turq. Kurorë, kurorëzim

*4) Myhylet – turq. Afat

*5) Stanicë – serb. Stacion i xhandarmërisë, policisë...

*6) Naçellnik-u – serb. Kryeshef-i

*7) Soba – serb. Dhoma

Mblodhi, shënoi dhe rikëndoi:

Demir KRASNIQI

(Vota: 2 . Mesatare: 5/5)

Facebook

Twitter

Google+

Digg

Komentoni

Artikuj te tjere

Zef Mulaj: Nën hijen e një muzgu Luan Çipi: Gëzuar datëlindjen, Naum Priftit Mazllum Saneja: Poezi nga Visar Zhiti dhe piktura nga Jan M. Stuchly Arsim Halili: Agimi i fundit Albert Zholi: Flet gazetarja e rtsh dhe publicistja Arjana Qatipi Përparim Hysi: Mbresa... të "vjetëra dhe të reja" Argita Berisha: Martesa ime në xhami, me fustan të gjatë e shall në kokë Louis Benloew: Shqiptarët, kombi më i vjetër i kontinentit Demir Krasniqi: Dy hitet më të mëdha të muzikës ''tallava'' në Kosovë Kalosh Çeliku: Rrufeja nuk shti në ferra Sokol Demaku: Bisedë me Hafije Zogaj, mjeke e mjekësisë familjare në Islandë Riza Haxhiu: Atëherë kur populli im kërkonte liri Ekrem Ajruli: Imamhajduti Sami Islami: Poezia e dhembjes krenare dhe e mallit për atdhe Neki Lulaj: Që ta kujtojmë krenarinë Pilo Zyba: Epigrame Hajdin Morina: Ndoc Gjetja - Emër ndër më të njohurit e letersisë shqiptare Nuhi Veselaj: Drejt standardizimit të gjuhës shqipe (I) Demir Krasniqi: Kënga jonë dikur dhe sot Ramiz Dërmaku: Sa po ruhen sot, muzika, këngët e vallet popullore shqiptare?!

Video

Qazim Menxhiqi: Niset trimi për kurbet

Gallery

Pëllumb Gorica: Magjia e bukurive të nëntokës sulovare

Fotaq Andrea: Një vështrim, një lot, një trishtim – o Zot sa pikëllim!

Pëllumb Gorica: Grimca kënaqësie në Liqenin e Komanit

Shkolla Shqipe “Alba Life” festoi 7 Marsin në Bronx

Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora

Zemra Shqiptare



Komenti: