Këze Kozeta Zylo: Senatore e Diasporës

Dea e bukur 6-vjeçare,

Cicëron si zog mbi degë,

Embëlsisht në gjuhën shqipe,

Abetaren tonë të shenjtë…

Të puth doçkat në ditëlindje,

Shqip më thua faleminderit,

Krenari e Shkollës Shqipe,

Plot me yje, dritëz e Diellit!

“Senatore” e Diasporës,

Me duartrokitje je votuar,

Tingujt shqip në buzët e tua,

Qysh bebe belbëzuar!

Kushtuar nxënëses së Shkollës Shqipe Dea Bejlerit, vogëlushes 6-vjecare, që dhe pse në moshë të vogël, ajo ka vite që merr pjesë në shumë aktivitete të rëndësishme të Diasporës, duke interpretuar poezi patriotike nga autorë të ndryshëm.  Ajo lexon dhe shkruan shqip, edhe pse është e lindur në Amerikë.  Kjo vogëlushe e talentuar, lindur nga prindër intelektualë Neritan dhe Blerina Bejleri, ka kohe që është në vemendjen e Shkollës Shqipe, mediave televizive, të cilët po bashkërendojnë një punë të kualifikuar për t’i zhvilluar më tej talentin e saj, me qëllim që kur të rritet aftësitë e saj të vihen në shërbim të Diasporës Shqiptare, si një Senatore e ardhshme shqiptare në Shtepinë e Bardhë…