Kulturë
Poezi nga Dibran Demaku
E hene, 01.03.2010, 10:43 PM
Dibran DemakuREDAKTORIT
Redaktor ty tungjatjeta
t`përshëndesin libri-fleta.
Për barrën që mbi vete more
dhe për punën madhështore.
Të një libri,një romani
bëre mendjen kokë-çurani.
Për ca para që do merrje
redaktimit i bëre tjerrje.
Kur lexuesit ti iu gjegje
a të mbeti pikë ndërgjegje?!
Kur lexuesi t`bëri akuzë
ti ndërgjegjën e bëre tërkuzë!
Që zgjatet,zgjatet pas nevojës
e ti drynin ia vë gojës!
Një dry tjetër ia vë veshit
nderi mbytet n`mes të leshit!
Veç ta dish,o redaktor
kush krijues s`bëhet me zor!
RECENSUESIT
Recensues skuqur në faqe
a do t`mund të gjesh ti paqe?
Të akuzon ty vetë libri
e s`të lajnë Drini as Ibri.
E s`të lanë ty as Valbona
emërkeq në letrat tona!
Kur një libri i jep vizën
e pas veshit e ke mizën!
I jep vizën e botimit
tek ia di ti vlerën çmimit!
Pse kaq lirë e shet përvojën
apo parasë ia ke nevojën?
Veç paraja është me ngjyra
ta blen nderin-skuqet fytyra!...
AUTORIT
Mos u mat me retë e malit
mos nxito me trok të kalit!
Mos u mat me hije t`mëngjesit
redaktori të zë pas veshit!
Mos ëndërro të bësh emër
vlera s`çmohet veç me zemër!
Mos boto çfarë ke në dorë
se harrohesh për një orë!
Mos krijo për kompromis
për një strofë e një varg:Vdis!...
"REFORMË AGRARE"
Kush vlerëson me kompetencë
kur vetë është në asistencë
në asistencë poetike
për një term a fjalë kritike!
Fjalë të renditura në letër
nga një çun apo i vjetër
Ju i quani Poezi
e në gjuhë bëni herezi!
Poezia është metaforë
është sonet edhe kurorë
e qëndisur me figura
e jo kangjelë nëpër ura!
Dikush sapo shkruan një varg
shpreson se ka shkuar larg
i ngreh krahët si Bibani
Ju të tjerët iso i mbani!
Çfarë bëni kështu o të mjerë
ngrisni lart një antivlerë
dhe në krijimtarinë tonë letrare
bëni kështu "Reformë agrare"!
ANTIVLERA
Si asnjëherë në kohë të tjera
ka ngritë krye antivlera
ajo na shfaqet me rrahaxhoks
si prapakthim e paradoks!
Në mes tonë është ulur këmbëkryq
askush s`guxon t`i bëjë një gjygj
se në mes ka hyrë paraja
dhe po e preke të zë belaja?!
Facebook
Twitter
Google+
Digg
Komentoni
Artikuj te tjere
Përparim Hysi: Kulaku që desh bleu "Shtëpinë muze të partisë"
Cikël poetik nga Luan Çipi
Alfred Uçi: Ja si u përkthye në greqisht “Prometeu dhe Hamleti”
Lasgush Poradeci pret mjellmat e Ohrit
Gjon Keka: Kosova s'është diasporë, por atdhe kombëtar
Nuhi Veselaj: Drejt standardizimit të gjuhës shqipe (Hyrje)
Vladimir Bruçaj: Eagles - Hotel California
Kristaq Turtulli: Ç'është jeta e një njeriu
Mazllum Saneja: Poezi nga Ali Podrimja dhe piktura nga Jan M. Stuchly
Albert Shala: Shqipëri drithmë e stërlashtë (Cikël poetik)
Xhenc Bezhi: Si fabul
Demir Krasniqi: Aty është Kosova nënë
Halit Bogaj: Zeqir Gërvalla, përmbledhje poetike
Zef Mulaj: Studenti i akademisë së policisë
Shefqet Dibrani: Cikël poetik nga Sadik Krasniqi
Blerta Muqaku: Miss Baden-Württenbergu 2010
Sami Islami: Mos ma bani rrafsh!
Enver Visoka: Hëna e plotë prek në dritare
Cikël poetik nga Engjëll Koliqi
Përparim Hysi: Ditar poetik
Gallery
Karnavalet Ilire në Bozovcë dhe Tetovë - 2025
Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
