Faleminderit

Halit Bogaj: Toni Bler

E enjte, 05.11.2009, 08:54 PM

TONI BLER

Nga Halit Bogaj

Dhe Toni Bler ishte njëri njëri ndër personaltetet më të rëndësishme i cili mori pjesë në shpëtimin tonë nga shfarosja definnitive e cila na ishte përgatitur dhe planifikuar me mjeshtëri të madhe nga ana e armikut tonë të përbetuar.Toni Bler, krahas Bill Klintonit dhe Medlin Ollbrajtit ngriti zërin deri në kupë të qiellit për ta ndalur gjenocidin ndaj nesh dhe vrasjet e bëra nëpër fshatrat dhe qytetet tona. Toni Bler mbahet mend si njeriu më energjik i Luftës së Kosovës i cili arriti që ta bindte popullin e vetë për intervenim të domosdoshëm ushtarak kundër forcave serbe të cilat bënin kërdi mbi qenjen tonë kombëtare.Ai shkoi deri atje që nëse nuk do të dorëzohej agresori serb përmes sulmeve ajrore atëherë duhej të përgatiteshin edhe trupat tokësore/sikur ato në Irak në kohën e Bushit të vjetër/për të cilat nuk do të pyeteshin fare aleatët evroperëndimorë./.Kjo do të bëhej gjithsesi ngase të gjithë e dimë se kur vendosin diçka amerikanët atëherë aty do të jenë edhe anglezët/si dy popuj vëllezër të cilët nuk e lënë në baltë njëri tjetrin./.Por sikur të ndodhte kjo atëherë ku do të mbetej Uniteti, autoriteti dhe prestigji i pjesës tjetër të botës demokratike evropiane e cila kishte marrë teposhtëzën dhe kishte rënë në nivelin më të ulët gjatë Luftës së Bosnjës e cila zgjati tri vjet vetëm që nuk ishte pajtuar Evropa që të bashkohej dhe të ndërmerrte ndonjë aksion më serioz për ta ndaluar gjakderdhjen më të madhe pas Luftës së dytë botërore. Dhe siç dihet, fajtori kryesor i asaj kasaphane të tmerrshme ishin pikërisht Franca dhe Anglia në krye me neofashistin Fransua Miteran dhe Xhon Mejxherin të cilët nuk pranuan asesi që në lutjet e shumta të Voren Kristoferit të interevenohej ushtarakisht kundër serbëve të Bosnjës/përkatësisht Serbisë e cila e mbante dhe ushqente ushtrinë vrastare të Mlladiqit dhe Karaxhiqit/.Pra si rezultat i tërë asaj u vranë mbi 200.000 muslimanë dhe u krijuan disa varreza masive / siç janë Srebrenica dhe Zhepa me rreth 15.ooo viktima të pafajshme civile/ me ç’rast mainaku Mlladiq para kamerave televizive u jepte çokollata disa fëmijëve muslimanë dhe për të qenë ironia më e madhe edhe për vetë Evropën, kinse ai ishte shumë i interesuar për ata fëmijë/duke u dhënë edhe ëmbëlsira/!!!.Ja pra se çfarë ndodhte kur të gjitha ato vrasje, masakra dhe dëbime bëheshin para syve të botës dhe të ‘’Kaskave Blu’’ të cilat i shihnim të lidhura nëpër ura dhe shtylla telefonike/ngase u ishte ndaluar të përdorej forca nga OKB-ja famëkqe/. Dhe si të tilla, të mbetura aq ngushtë dhe të pafuqishme, forcat ushtarake holandeze atë ditë e sot kanë mbetur të turpëruara nga përjetimet e asaj dite kur ‘’U vra dhe u varros Srebrenica’’, kurse ata nuk mund të bënin asgjë!

Pra, ne ishim me fat të madh që në vend të Toni Blerit nuk ishte dikush tjetër i pashpirtë dhe i pavendosur siç ndodhi me Bosnjën e cila u la me gjakun e qindra mijëra njerëzve të cilët i përkisnin një populli dhe një feje tjetër. U gjend pra njeriu që vajtonte bashkë me ne për ato që na bëheshin , gjithashtu, para syve të mbarë njerëzimit, prandaj kishte vendosur, që, jo vetëm t’i shkonte prapa Bill Klintonit por të rrinte pranë tij në të gjitha lëvizjet e tij kolosale për ta nxjerrë Kosovën nga zhbërja e saj definitive dhe nga errësira në të cilën kishte rënë atë vit.Toni Bler nuk ishte fare i ngjashëm me Miteranin dhe Mejxherin përndryshe Millosheviqi do të arrinte që ta pushtonte tërë Ballkanin dhe vërtet do të ndodhte ajo thënia famëkqe e cila shkruhej nga kamarilat çetnike nëpër muret e ndërtesave nëpër fshtrat dhe qytetet tona.Na kujtohet fare mirë kur tek ai shkonin qindra delegacione botërore për ta lutur që t’i ndërpriste operacionet ushtarake, por ai as që donte të ndiente për shprehjen’’paqësore’’ngase ishte mësuar me gjakun e njerëzve dhe popujve të pafajshëm, ngase shpirti i tij i pa ndjenja njerëzore ishte mësuar me veprime të tilla barbare mesjetare në një kohë kur të gjithë popujt pretendonin t’i bashkoheshin Evropës së qytetëruara për të pasur jetë më të mirë, më të begatshme dhe më të lumtur e cila , pikërisht me fajin e tij, është duke u vonuar më tepër se dy dekada, kurse rrugën e të cilit po e vazhdojnë vëllezërit e tij idealistë/Koshtinica me shokë/, të cilët akoma nuk mund të binden dhe të pajtohen se kanë bërë krime ndaj të tjerëve dhe është dashur të përfundojë kështi siç ka përfunduar fati i vendit të tyre, i cili, kështu siç janë duke vazhduar, mund të zvogëlohet akoma më tepër me daljen e Vojvodinës dhe Sanxhakut nga ‘’torishta’’e tyre.

Atij/Millosheviqit/i hasi sharra në gozhdë vetëm atëherë kur kishin lidhur besë Bill Klintoni dhe Toni Bleri, plus aleati i tyre i pakontestuar Zhak Shiraku/një mik i madh anglo-amerikan/i cili nuk e kishte harruar asnjëherë se çka kishte bërë Amerika dhe Anglia për Francën kur e kishin shpëtuar atëherë nga Hitleri, ashtu siç nuk e harron sot as Gjermania që pikërisht Amerika e mposhti komunizmin dhe bëri bashkimin e shtetit të ndarë në dy

pjesë. Toni Bler , Zhak Shirak dhe Shrëder e përmirësuan edhe një gabim tjetër të madh historik se pikërisht në vendet e tyre u bënë padrejtësitë më të mëdha ndaj shqiptarëve, duke e lënë popullin tonë jashtë shtetit amë edhe në tri shtete të tjera të Ballkanit/Prandaj me Pavarësinë e Kosovës zbutej sado pak gabimi dhe padrejtësia e bërë ndaj nesh/ngase shqiptarët prapë mbeten të ndarë në: Shqipëri, Kosovë, Maqedoni, ,Mal të Zi dhe në Luginën e Peshevës./.Pra në ato vite kur ishin bërë të gjitha të zezat ndaj nesh, Serbisë i ishin dhuruar teritoret më të buta, natyrisht ngase ishte angazhuar parreshtur Rusia e saj e dashur e cila kurrnjëherë nuk ishte në anën e drejtësisë njerëzore, çka është duke treguar edhe sot kur e mbron haptazi pa asnjë argument të preferuarën e saj të cilën dhjetë vite më parë e bombarduan aleatët veriatlantikë, ndërsa rusët nuk mund të bënin asgjë, natyrisht, ashtu siç ndodhi edhe me pranimin e shtetit të Kosovës nga 62 vende të botës.

Viti 1999 ishte vendimtar për popullin tonë të vuajtur ngase u mor vendimi arbitrar për ta bombarduar Serbinë dhe bandat e saj kobndjellëse, të cilat ushtruan metoda të njejta si në vendet tjera paraprake, duke dëbuar popullatën dhe duke lënë prapa ‘’Tokën e djegur’’në të cilën/falë të gjithë atyre burrështetasve të mëdhenj/ u kthyem prapë për ta ndërtuar një jetë tjetër të qetë dhe të lirë, ndaj edhe ua përkushtojmë atyre këto shkrime modeste të cilat nuk

janë asgjë në krahasim me atë çka kanë bërë ata për neve./Por mjerisht, ka edhe të tillë që nuk e dinë, siç ma ka bërë vërejtjen i nderuari Kadri Mani në një koment kur e shkrova një shkrim për Presidentin Klinton, por unë kam thënë’’Se Klinton qëndron përherë në zemrat e të gjithë shqiptarëve, duke menduar Për shqiptarët e vërtetë, e kurrsesi për atë maniak që ka thënë se ai dhe Zonja Ollbraj nuk e meritojnë që rrugët tona t’i mbajnë emrat e tyre, ngase ai mjeran ka menduar se e ka çliruar vetë Kosovën/.

Pra edhe Toni Bler u bë pjesë e qenjes sonë biologjike si një pjesëmarrës i drejtëpërdrejtë i vuajtjeve tona aq të tmerrshme dhe vendosi që bashkë me Klintonin të na nxirrte në dritë dhe parajsë të vërtetë. Ne i jemi mirënjohës për jetë të jetëve dhe i kemi borxhe të shumta në mesin e të cilave është edhe ngritja e ndonjë busti/ashtu siç ndodhi me Klintonin në Prishtinë./.Edhe Toni Bler ka mbetur në zemrat toa si një kolos shekullor që i dha jetë dhe ardhmëri të sërishme vendit tonë të rrezikuar me shfarosje të sigurtë.

(Vota: 6 . Mesatare: 4/5)