E diele, 27.11.2022, 01:27 AM (GMT)

Kulturë

Albert Habazaj: Himn për Ali Asllanin

E diele, 19.06.2016, 07:54 AM


ALBERT HABAZAJ

 

DASHNOR I POEZISË SË VESUAR

 

HIMN PËR ALI ASLLANIN

 

I.

Lirika e ëmbël

e Asllan Aliut-

kristalin’ si ëndërr,

si zemr’ e njeriut.

 

Si lule zambaku

u plake i bukur,

me vargje meraku

sherbet ngjyrë purpur.

 

II.

Symenduar si profet,

me shpuzë, prush përralli,

mendjekthjellët-qiell prilli,

princ në mbretërinë e mallit.

 

Dashnor i paepur, elegant

i poezisë së vesuar;

ti je Atdhetari brilant,

Shën Valentinas i rëgjuar.

 

III.

Eja, Burr i Dheut,

o dhè ëmbëlsuar;

eja pak, pa kthehu,

sa për t’u takuar!

 

Eja, se kanë ardhur

Serembja dhe Mjeda,

Dritëroi i mplakur

me një gotë te dera...

 

IV.

Te port’ e Panteonit Letrar

Azem Shkreli Lasgushin pret,

leje nga Pegasi kanë marrë

ta pastrojnë qiellin nga retë.

Te port’ e Panteonit Letrar

Koçi Petriti me balada

trëndafil- Lirikat e Majit

i mbjell në lulishten përpara.

 

V.

Eja xha Ali

takohu me miqtë,

pastaj ti e di

shpërfilli të liqtë...

 

Eja dhe gostiti

vet’ nga dora jote

me lirika shpirti

porsi mjaltë zoge!...



(Vota: 1)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora