Demir Krasniqi: Lidhe kalin ku t’ thotë zotëria

Demir KRASNIQI:

LIDHE KALIN KU T’ THOTË ZOTËRIA (Parodi)

Kur të falet Pavarësia –

Lidhe kalin ku t’ thotë Zotëria !

Kur s’ di vet ta ndërtosh Shtetin –

Si duan tjerët ta mbështetin !

Kur ta falin Sovranitetin –

N’ zarf ta zgjedhin Presidentin !

Kur për Shtet nuk ke themel –

T’ priten teshat në Bruksel !

Kur ia qet shalën gomarit –

Banë paketën e Ahtisarit !

Kur s’ di vet me e murosë murin –

Ta qëndisin tjerët Flamurin !

Kur me vëllezër s’ ke razi –

S’ ke Flamurin kuq e zi !

Kur humbë rrugën nëpër pyje –

T’ vjen Flamuri me gjashtë yje !

Kur nuk di vet kompozimin –

Vijnë të tjerët ta thurin Himnin !

Kur s’ je Zot në shtëpinë tande –

Vijnë të tjerët kërcejnë pa dane !