Faleminderit

Halit Bogaj: Ramë Bllaca

E shtune, 12.09.2009, 02:35 PM

Halit Bogaj

RAMË BLLACA

N’Beograd ish deputet

Për Kosovë ai disa vjet

Kjo Serbi ishte tranue

Në Turqi për me na çue

2

Janë hutue shumë shqiptarë

Hupshin tokat me agrar

Shkiet tokat i zaptonin

Në Tuqri neve na çonin

3

Ai Ramë Bllaca si drangue

Deputet ishte qillue

Rama thot u plaçin sytë

Mos i shitni pasunitë

4

Me shit ven me shku n’Turki

Me marrë n’qafë rob e thmi

Na qysh venin me e lshue

N’gojë t’anmikut qysh me shkue

5

Zymer Shalës i ka brit

Qysh ti shpiat i ke shit?

Fort ai Rama u ngërmue

Krej Podrimja don me shkue

6

Po thot Rama kqyrmni mue

Jau dhash besën s’kam me lue

Kam nis shpiat m’i marue

Nga Kosova s’du me shkue

7

I ka mbushun plot vullnet

Për me dekë në vend të vet

Gjithsekush e ka detyrë

Të punojë në çdo mënyrë

8

Ai Ramë Bllaca u mundue

Mos me i lanë n’Turqi me shkue

Në Serbi e kanë hetue

Çka ashtu Rama tuj punue

9

Shihni Rama çka po ban

E ka qit kamën mi kamë

Kryepleqëve u kish thanë

Vendin tonë s’kena me lanë

10

N’Suharekë Rama ka shkue

Naçallnikun ka takue

Sillma mue qat zakon

Pse shqiptart po i mundon

11

Kah t’ka ardhë kah je menue

Xhanarinë n’shpinë me na i lshue

Tuj përzanë këta shqiptarë

Ti në qafë po don m’i marrë

12

Ai Ramë Bllaca ish idhnue

Qysh Sherif e ke nënshkrue

Pasha besën m’ke tradhtue

Por unë gjallë s’kam me nënshkrue

13

Ai Sherifi po i thet

Ramë pa tye kemi mbet

Ta dhshë besën kanë me t’vra

Kurrfarë bese shkau nuk ka

14

Atëherë Rama çka kish thanë

Qysh bre ne me na përzanë

Unë i gjallë s’muj me nëshkrue

Për Turqi ne me na çue!

15

Besa fort ishte idhnue

Kërkon aktet me ja knue

Ato akte ai nër sy

Që të gjitha i ka shky

16

Qeveria çka po ban

Njani tjetrit i kanë thanë

S’asht mahi me këtë shqiptar

Që i vetëm ai asht ndarë

17

Veç me gri e me coptue

Se ka menen m’u frigue

Ata Ramës i kanë thanë

Mik i yni n’dash me kanë

18

Mik i yni n’dash me kanë

Qat nënshkrim ti me na dhanë!

Edhe kacën kanë kallxue

Krejt për ty e kem tubue

19

Sa fort Rama ish idhnue

I dha zor në kamë u çue

Qysh s’u vjen o burra marre?

Me më ble mue me pare?

20

Kurrë s’i shes ata vllazni

M’i shpërngul m’i qu n’Turqi

Nuk po du miqësi me ju

Drej e n’shpi po du me shku

21

Në Serbi çka kishin thanë

Rama i jonë nuk koka kanë!

Rama n’Shkup kishte zbrit

Kishte dalë për me shetit

22

Po ec Rama tuj kallxue

N’Beograd qysh kish veprue

Rama krejt i ka njohtue

Vetëm ai s’e ka nënshkrue

23

Vetëm ai se ka nënshkrue

Për Turqi shqiptart me i çue

Diqysh Rama ish shlirue

N’katund t’vetin kur ka shkue

24

E vraftë Zoti ni tradhëtar

Që e vrau atë shqiptar

E vraftë Zoti atë dorë vrastare

Që e vrau Ramën me pare!

(Vota: 4 . Mesatare: 5/5)