Faleminderit

Milazim Kadriu: Poezi për dëshmorët e kombit (IX)

E marte, 08.09.2009, 08:45 PM

Poezi për dëshmorët e kombit (IX)

Milazim F. KADRIU

LUFTOI SHKAUN PA PËRTESË

(Sali Matoshit)

Në protestat studentore
Në rresht gjithnjë i parë
Por edhe në aksionet e UÇK – së
Gjithherë i pandarë.

Aksion pas aksioni
Çdo herë merrte pjesë
Por edhe në fronte e hapur
Luftoi shkaun pa përtesë.

Në luftimet e prillit afër Prapashticës
Duke kënduar për lirinë
Ranë bashkë me Azem Babiqin
Dhe fituan pavdekësinë.

HISTORINË DREJTË E KISHTE MËSUAR

(Ibrahim Krasniqit)

Historia e popullit tonë
Edhe pse ishte e shtrembëruar
Ibrahimi gjatë studimeve
Drejtë e kishte mësuar.

Çdo herë përpiqej e mendonte
Si ta mundim nënshtrimin
Dhe për lirinë e Kosovës
Me kohë e kishte dhënë betimin.

Kishte shpirt të pastër
Predikonte urtësinë dhe bujarinë
E mbi të gjitha Ibrahimi
Donte vendit t’ia sjell lirinë.

UNIFORMËN E UÇK - së E BARTI ME KRENARI

(Sylejman Jasharit)

Edhe pse ishte ende i ri
Rroku pushkën në dorë për liri
Uniformën e UÇK – së
E barti me krenari.

Bashkë me shumë shokë
La shkollën, libra e fletore
Në luftë kundër armikut
Deri në të shtrenjtën fitore.

Ra në atë ditë prilli
E në fletoret e Sylës së ri
Shokët e shoqet me krenari
Shkruajnë për veprën e ti.

PA LUFTË TË ARMATOSUR , NUK KA LIRI

(Enver Malokut)

Lindi në familje të varfër
Por shumë bujare
Pa luftë të armatosur thoshte
Nuk ka liri kombëtare.

Si pjesëtarë i “Kështjella -27”
Mori pjesë në shumë beteja
Në Batllavë, Dyz, Koliq…
Nuk u thye UÇK-ja.

Sot në Batllavë
Jetojnë me krenari
Gruaja e Enverit me vajzën
Dhe tre djemtë e ti.

NË VIJËN KOMBËTARE U PËRCAKTUA NË RINI

(Behxhet Brajshorit)

Si shumë familje të tjera
Që i ndoqi shkau i zi
Nga Topolica erdhi familja Brajshori
E njohur për bujari e atdhedashuri.

Në vijën kombëtare
U përcaktua në rini
Andaj që herët
Filloi luftën për liri.

Në ofensivën e prillit
Nga një afërsi
Te “Suka” në Sharban
Ra Bexheti për liri.

(Vota: 23 . Mesatare: 5/5)