Mendime

Ardian Klosi shpall ndarjen e Shqipërisë sipas tezave serbe

E diele, 05.07.2009, 01:29 AM

Nga Gazeta 55

Si ndihen veriorët që botojnë në gazetën “Shekulli”, tani që i biri i Bilbilit i shpalli pa nivel arsimor e kulturor?

E ka pritur me hidhërim të madh rezultatin zgjedhor në zonën e Gërdecit “ekologjisti” i madh Ardian Bilbil Klosi, aq sa ka rendur të komentojë dje në gazetën e mikut të tij, rreth një shkrimi të botuar në një të përditshme tjetër për të njëjtën temë. Ky koment që mund të kishte fare mirë emrin Vasa Çubrilloviç apo Dobrica Qosiç, ka titullin “Gërdec dhe Gorrica”. Nuk ka vetëm urrejtjen patologjike politike për të djathtën, por bart elementet e një racizmi tipik serb ndaj krahinave të caktuara të vendit. Në fillim, gërdecklosi e ka shfaqur hapur mendimin e tij se i ka bërë shumë përshtypje shkrimi i botuar në një të përditshme tjetër nga një veprimtare e njohur e të drejtave të njeriut. E si për të mos ngelur deri këtu, ka marrë spunton dhe ka nisur hartimin e tij të radhës, duke pasur në qendër “armikun e klasës” Sali Berisha në funksion të “udhëheqësit legjendar” Edvin Kristaq Rama. Partneri ideologjik, social e fiziologjik i gërdecklosit, Edvini siç edhe po shihet, humbi në këtë. Tani ka ardhur koha që të përligjet e justifikohet humbja e Edvinit në këto zgjedhje. Votimi i ndodhur në zonën e Gërdecit ishte në vijim të disa votimeve të tjera të ndodhura në të njëjtën krahinë, ku për të gjitha PD-ja rezultoi fituese. Tani që kjo ishte përgjigja më e mirë, për të gjithë fushatën e ndërtuar nga Partia Socialiste dhe satelitja e saj G99, do të thotë thelbi i dështimit të tyre. Mirëpo ja që “ekologjisti” i madh nuk do ta pranojë një gjë të tillë dhe për më tepër nuk e duron dot ta thonë të tjerët.

Shkruesi i parullave

“Vdekje veriut – jetë jugut” – ishte një parullë e shkruar afër gjimnazit “Ismail Qemali buzë Lanës deri pak ditë më parë. Tani duke lexuar këtë (sh)krim të Ardian Klosit, mendoj se ai mund ta ketë shkruar, ose në mos ka blerë furçën, bojën ose në rastin më të keq, ka pajtuar bojaxhiun.

Klosi nuk e sheh Tiranën që mbytet

Vetëm dy ditë më parë, në Tiranë për shkak të keqqeverisjes sistematike që ka bërë njeriu i bojërave të ndezura, u përmbyt një pjesë e qytetit. Në një zonë të qendrës u bë edhe një përmbysje e pa-parë ndonjëherë, jo për ndonjë gjë të madhe, por vetëm për mungesën e një kanali zhbllokues në Lanë. E gjithë Tirana është qyteti që është në nivelin më të dobët dhe problematik në lidhje me kanalizimet. Ky problem i madh nuk mbulohet dot me ngjyrat e fasadat që ka për zemër Edvin Rama. Për shkak të kësaj mungese shpesh herë qyteti përmbytet. Në fakt shefi i kanalizimeve të Tiranës është kryetari i bashkisë, por ky ka kohë që nuk shkon në punë, sepse merret me të tjera çështje. Nuk e kemi parë ndonjëherë Klosin deri tani të bëjë protestë për këto që thamë, por vetëm të bëjë avokatinë e rastit për mikun e tij të ngushtë, Edvin Rama. Por në rastin e Gërdecit duket që Klosi nuk e ka për gjë që të akuzojë popullin e asaj zone se është gënjyer nga qeveria dhe nga e djathta, sepse ky njeri këtë aksident fatkeq jo vetëm për atë zonë, por për të gjithë Shqipërinë, kërkon patjetër ta cilësojë si “vrasje me qëllim”. Mirë more zotëri, por ti je dikush në këtë vend, që me atë mbiemër dhe atë atësi që ke, sigurisht që nuk mund t’ia hedhësh aq lehtë kësaj pune. Sigurisht Ardian Klosi, si i biri i një njeriu që dha mbi 150 dënime me vdekje e burgime të gjata për kundërshtarët e regjimit komunist, pa harruar qindra e qindra familje të internuar me firmën e tij si anëtar i Komisionit të Internim Dëbimeve, nuk mund të jetë tjetër veçse një avokat i krimit komunist, pavarësisht se në këto vite ka marrë herë pozën e “publicistit” e herë ngjyrën e “ekologjistit”. Bilbil Klosi ka shuar qindra familje në këtë vend dhe nuk ishte puna për aksidente, por vepra (krime) me qëllim kundër jetës së personit, të bëra me gjakftohtësinë më të madhe. Por sikur të mos mbetej deri këtu, Klosi shkon në një “konstatim” që në fakt është një tezë antishqiptare. Vini re këto fjalë: “Në përgjithësi niveli arsimor-kulturor i popullsisë që zgjedh demokratët është më i ulët nga ai i popullsisë që zgjedh socialistët, çka përputhet me egërsinë dhe infantilitetin e propagandës që bën Berisha në tribuna, e cila zë vend në popullatën më pak të arsimuar”. As më pak e as më shumë, Klosi ka shkuar në përkrahje të tezave të çubrilloviçëve, qosiçëve, etj, për të cilat identiteti kombëtar i shqiptarëve ishte i diskutueshëm për shkak të “ndarjes” toskë-gegë, diferencimeve që vinin nga kjo etj. Për më tepër Klosi kërkon të ndajë veriun blu e jugun e kuq. Është ndyrësia më e madhe dhe minim i unitetit kombëtar. Është njësoj sikur për shembull për shkak të nivelit të ulët intelektual që ka i biri i Bilbilit, meqë ky është një fshatar nga Klosi i Mallakastrës, me profesion bujk, të themi tani se të gjithë në atë zonë janë të varfër intelektualisht. Sigurisht do të ishim të gabuar. Nuk mund të bëjmë përgjithësime të llojit “meqë macja dhe njeriu janë të vdekshëm, atëherë janë të një lloji”. Mirëpo nëse do të bëjmë një përshkrim të shkurtër të asaj që thotë Klosi, kam frikë se do të dalë ndryshe. Qysh prej zgjedhjeve të para të 31 marsit 1991, Partinë Demokratike e kanë votuar sistematikisht në radhë të parë popullsia tradicionale qytetare në Tiranë, Vlorë, Shkodër, Vlorë, Korçë, etj si dhe popullsia e zonave më të dërrmuara nga komunizmi. Pikërisht kjo popullsi cilësohet “e prapambetur” për Ardian Klosin se e përparuar është ajo e bijve të sigurimsave, djemve të bllokut e soji i injorantëve të tyre. Ndoshta Klosi ka harruar që PPSH-ja (partia e sotme e Edvin Ramës) u mbush në Kuvendin Popullor të 1991 me kryetarë kooperativash. Po kështu mund të vazhdonim edhe me zona të tjera që kanë votuar të majtën, por e quajmë pa vend të bëjmë ndarje në vend, sipas përkatësisë politike të zgjedhësve. Duke e vazhduar me tezën antishqiptare të ndarjes jug - veri, Klosi (që nuk është se vjen nga ndonjë derë aristokratësh, por kushedi sesa vjet katundar), nxjerr përfundimin se banorët e Gërdecit duhet të jenë nga veriu, përderisa kanë votuar për Sali Berishën. Po mirë morë shok, deri dje kur ti kërkoje t’i instrumentalizoje për hesap të Edi Ramës, nuk ishin nga veriu? Por jo vetëm kaq, por Ardian Bilbil Klosi, nxjerr “përfundimin” se në mendësinë e shqiptarëve është rrënjosur fort “krahinorizmi dhe lokalizmi”, a thua se ka ndryshim të madh midis të dyjave. Dhe vini re! “Analiza” e tij është një analizë tipike krahinariste që synon të paraqesë një krahinë më të mirë se tjerët duke u bërë kështu përhapës i një urrejtje të pashembullt.

Tezat antishqiptare

Pse pikërisht Ardian Klosi vihet në qendër të përhapjes së tezave antishqiptare dhe prej kujt i merr këto “direktiva”? Jo shumë kohë më parë na hodhi baltë mbi Skënderbeun. Prej vitesh na mburr një person si ish-oficeri i Drejtorisë së Mbrojtjes së Popullit, Kasem Trebeshina. Bile këtë e mori me vete në promovimin e librit të Edvin Ramës me vizatime, që u bë pak ditë para zgjedhjeve. Plehu që përhapin ardianët në të përditshmen e Koço Kokëdhimës ka kohë që ka kutërbuar dynjanë. Ky pleh është thellësisht antikombëtar. Jo vetëm kur bëhen shkrime kundër rrugës së kombit, por edhe në drejtime të tjera si rasti i përhapjes së këtyre tezave.

“Veriorët” që shkruajnë në “Shekulli”

Në fakt pas këtij shkrimi presim që ata “veriorë” që botojnë artikuj në gazetën e Ramës dhe Kokëdhimës, të reagojnë ose ndihen rehat për atë që u ka thënë Klosi. Pavarësisht se kanë të bëjnë drejtpërdrejt me Serbinë, është mirë të ndërgjegjësohen. Nëse u duket gjë normale kjo dhe duan të heshtin, karakteri i tyre është në provë. Por nuk është çudi që tani ardiani i baltërave të Klosit, të vazhdojë me lagjet e lumenjtë e vendi. Ndoshta ka për t’i ndarë ato në të majtë e të djathtë, të shkolluar e pashkolluar.

(Vota: 1)