E shtune, 20.04.2024, 02:39 PM (GMT+1)

Editorial

Engjëll Koliqi: Demokracia do fushatë pa plumba

E hene, 22.06.2009, 10:00 PM


DEMOKRACIA DO FUSHATË PA PLUMBA

Shkruan Engjëll KOLIQI

Në Shqipërinë tonë, në fund të këtij muaji, do të mbahen zgjedhjet politike-parlamentare dhe – si në mbarë botën demokratike, po zhvillohet fushata parazgjedhore, përmes së cilës – me programet e veta qeverisëse e zhvillimore dhe me shumë premtime, partitë politike po ua kërkojnë votat zgjedhësve shqiptarë. Në këtë fushatë parazgjedhore – megjithatë, mjerisht, në vendin tonë po vërehen disa ndryshime që nuk kanë të bëjnë fare me demokracinë dhe që janë jashtë çdo norme të saj. Ato ndryshime, mjerisht, fushatën parazgjedhore në Shqipëri po e skuqin – po e përgjakin.

Për t’i treguar botës demokratike se edhe ne e duam dhe e kultivojmë demokracinë, duhet t’i evitojmë menjëherë aktet e dhunës edhe vrasjet, dhe institucionet shqiptare të drejtësisë duhet t’i zbulojnë aktorët e atyre akteve të zeza dhe ata – kushdo qofshin, ta marrin dënimin e merituar. Dhe, që të mos ndodhin më akte dhune e vrasje, politikanët që zhvillojnë fushatën parazgjedhore duhet të jenë shumë gjakftohtë. Ata duhet t’ua shpalosin zgjedhësve programet e tyre zgjedhore e alternativat e tyre me shumë kujdes, pa i sharë dhe pa i ofenduar kanditatët tjerë dhe partitë tjera – pjesëmarrëse në zgjedhje.

Kur fushata bëhet pa sharje, atëherë lulëzojnë vlerat e vërteta të demokracisë. Populli është i vetëdijshëm dhe duke vlerësuar punën dhe të arriturat e qeverisë së të dy blloqeve politike – të djathtë e të majtë, normalisht që votën ia jep atyre që kanë vepruar më drejtë e për interese të përgjithshme.

Me aktet e dhunës në këtë fushatë parazgjedhore duhet të turpërohemi të gjithë ne e duhet të qajë e të mërzitet mbarë fara arbërore. Këto akte që po marrin jetëra njerëzish janë të zeza dhe tragjike. Ato u bëjnë nder dhe shërbim mbeturinave komuniste-diktatoriale në Shqipëri, që për një gjysmë shekulli, për interese të ngushta personale kanë ngulfatur demokracinë dhe kanë qeverisur me dhunë mbi popullin shqiptar, duke e stopuar dhe bllokuar zhvillimin e tij. Ato mbeturina, në emër të njëfarë internacionaleje komunisto-socialiste, gjithnjë kanë punuar për t’i përmbushur intereset e blloqeve sllavo-orthodokse të boshtit:  Beograd-Moskë, Athinë, mbi trojet tona e mbi shpatullat e popullit shqiptar.

Duke i pasur parasysh këto e shumë të zeza të tjera të komunizmit mbi vendin tonë, u apeloj shqiptarëve që të votojnë për të djathtën antikomuniste, por t’i shmangen çdo sharjeje, çdo ofendimi dhe  gjithçka të zezë t’ia lëmë së kaluarës dhe historisë. Vendi ynë dhe populli ynë, në rrugën e integrimeve ndërkombëtare, ka nevojë më shumë se kurrë më parë, që t’ia tregojmë botë vlerat shqiptare të demokracisë, para së gjithash duke zhvilluar zgjedhje të drejta dhe të qeta – pa ekscese e pa dhunë. Le ta lëmë të kaluar dhunën! Ta bëjmë pa sharje fushatën! T’ua japim votat atyre që punojnë për intereset tona të përgjithshme kombëtare! Le t’i dënojmë ata që shkaktuan dhunë dhe muarën jetëra njerëzish! Kështu dhe vetëm kështu e zëmë vendin e merituar në familjen e kombeve europiane!  Vetëm nëse i votojmë të merituarit dhe nëse zgjedhjet i kalojmë pa dhunë e pa gjakderdhje, Shqipërisë ia trasojmë rrugën e sigurtë dhe ajo do të marshojë fuqishëm drejt integrimeve ndërkombëtare. Le ta bëjmë kështu një Shqipëri të fortë europiane, sepse populli shqiptar e meriton këtë! Gëzuar Shqipëri! Gëzuar demokraci! Gëzuar parlament i ri demokratik!


(Vota: 11 . Mesatare: 4.5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora