Telegram ngushëllimi i Shoqatës "Trojet e Arbrit" me rastin e kalimit në amshim të Prof. Dr. Ramiz Abdylit

-E nderuara familje Abdyli,

-Të nderuar studiues dhe historian nga të gjitha trojet shqiptare dhe mërgata e madhe atdhetare,

Lajmin për kalimin në amshim të prof.dr.Ramiz Abdyli e morëm me shumë dhimbje. Profesor Abdyli ka dhënë një kontribut të çmushëm për shkencën shqiptare. Profesor dr.Ramiz Abdyli ishte punonjësi shkencor në Institutin e Historisë në Prishtinë (1978-1994) dhe në Institutin e Historisë Nacionale në Shkup (1994-2004). Ishte njëri nga iniciatorët për themelimin e Universitetit të Tetovës. Ligjëroi në katedrën e Historisë të UT-së (1995-2003; 2004-2009). Një mandat ishte prodekan i Fakultetit Filozofik dhe më pas rektor i UT-së (2003). Gjatë viteve 2008-2010 ushtroi postin e drejtorit të Institutit për Trashëgimi Shpirtërore e Kulturore të Shqiptarëve në Shkup. Profesor Ramizi nuk ju nda asnjëherë shkencës shqiptare ku është edhe autor i dhjetra veprave të botuara si dhe shumë veprave tjera me dokumente.

Profesorin e kujtojmë me shumë respekt,ai dha një kontribut të çmuar edhe në Shoqatën "Trojet e Arbrit" ku ishte edhe koordinator për Maqedoni dhe përgaditi edhe një sesion shkencor që Shoqata "Trojet e Arbrit" e mbajti në Shkup. Me rastin e 100 vjetorit të Pavarsisë se Shqipërisë pikërisht më 28 nëntor 2012, mbajtëm një sesion të madh shkencor gjithëkombtarë.Në këtë sesion që i filloj punimet te Lidhja Shqiptare e Prizrenit fjalën e hapjes e mbajti pikërisht prof.dr.Ramiz Abdyli. Profesori Ramiz botoi edhe disa punime shkencore tek veprat e Shoqatës "Trojet e Arbrit" .

Shkenca shqiptare humbi një profesor të çmuar kurse Shoqata "Trojet e Arbrit" e kujton me nderë dhe respekt koordinatorin tonë për Maqedoni. Pushoftë në paqë!

Në emër të Shoqatës "Trojet e Arbrit", familjen dhe studiuesit e historianët shqiptarë i ngushëllon,

Mr.sc.Nue Oroshi Kryetar