Engjëllushe Sheme Koltraka: Po i bashkoj historitë e Kombit

Ukrainë, tribune lirie

Nga  Engjëllushe Sheme Koltraka

Ukrainë, moj heroinë

E merr forcën ti nga dheu

Si dikur Skënderbeu,

Perballon Perandorinë.

Ukrainë, trubunë lirie

Të shkëlqen ylli i fitores,

Nëpër flakët ec djegores

Sec u dogje vflakadan burrërie.

Shtëpitë tua morën flakë

Duke perhapur ndriçim shprese

Moj lule spërkatur vese

O hyjnore e larë me gjak.

Trimat i rrite me qumësht gjiri

U dhe forcën e Anteut

T'i dalin zot Atdheut

Çdo ukrainas më i miri.

Mbi vëllazërinë u turret rus mizori

Vrau gra, pleq e fëmijë

Si lugati t'i përpijë

Putin emri i këtij Diktatori.

Për troje të babës rreh një zemër

S'e djeg flaka, s'e shpon plumbi

Në liri të fluturoj pëllumbi

Në Ukrainë, në më të bukurin emër.

Ukrainë, ti je qëndresa

Po i bën ballë një barbari

Me fytyrën e një të marri

Për gjithë botën ti je Shpresa.

Ukrainé, ti je nderi

Rrezaton porsi një diell

Je yjesi në qiell

Në shi plumbash ndrin ylberi.

E gjithë bota është me ty

Se ti je një hyjnore

Në mes akullit lule bore

Diell shprese ke në sy.

Ukrainë me besim tek Zoti

Në flori t'u kthefte loti!

Begati të sjelltë moti!

T'u bëftë plumbi gjyle topi!

Perballon sot një kuçedër

Lufta zgjati shumë vite

U përvëlove e u cfilite

Por ti ke të zjarrte një zemer...

Zemrës nuk iu soska gjaku

Perballon të egrat plagë

Dheu yt ka plot vlagë

Rritka trimat pranë çdo pragu.

Ndaj të shtohet ty lavdia

Krenarë valëvitet i yti flamur

Fëmija luftoka porsi burrë

E artë pér ty shkruhet historia.

Bën qëndrese për shtëpi e troje

Hallall u qoftë qumështi inënës

Në llogoe u ledhaton drita e hënës

Edhe pse ua helmuan ujin në kroje.

E gjithë bota po bën çudi

Kush u jep forcë qendrestareve.

Që përballojnë dhunën e të marrëve

Trimërinë Zoti ua dha stoli ...

Shembulli yt forcë frymëzimi

Për shumë popuj që vuajnë nën dhunë

Që të ngrihen ta bëjnë furtunë

Të shpëtojnë nga skllavërimi.

Apo nuk po e kupton Despoti...

Shpirtligësia ia verbon sytë

Por më shumë i shton mizoritë

Ndëshkimi i tij do vij prej Zotit...

Për në Zoti është më i shenjti

Ndaj s'e humbin kurrë besimin

Bekimi i tij do të sjell çlirimin

Se atdheu është më i shtrenjti.

Ndaj qendoni ukrainas, o vëllezër!

Se fitorja është me ju sot.

Ju pershendes nga vendlindja e të madhit Kastriot

Bota u mbështet me shpirt e zemer...

Ju përballeni me Bajlozë e Përbindësha

Ju jep forcë e guxim Zeusi

Shpirtin tuaj dhuna nuk e kërrusi

Nëna Ukrainë në djep heroizmin e tundka.  .

Po i bashkoj historitë e Kombit

I lutem Zotit në jep kthjellësi

Per Atdheun tim më shto dashuri

Historitë t'i shkruaj që nga e kaluara

Oë brezat mos të mbeten të harruara.

Shqipja, më e vjetra në gjuhët e botës

Shqiptari i rritur në prehërin e Nënë Lokes

Ku meson mirë zakone e tradita

Me ëmbëlsi fjale edhe unë u rrita.

Gjyshja më falte vetëm buzëqeshje

Për të më përkedhelur ishte gjithnjë e ngeshme

Porositë e mia thoshte, mbaj vath në vesh

Dashurinë për Atdheun në zemer të keshë.

Më fliste për Zylyftar Podën e fuqishëm

Më dysh e ndau përbindeshin e pamëshirmshëm

Me fliste per heronjte që rriti Arvaniti

Për shqiptari shpata u ndriti.

Hasan Tasinin e lindi Çamëria

Akademi lévizése e therriste Turqia.

Rektor në të parin Universitet të Stambollit

Rreth vetes i mblodhi shqiptarët për pavaresine e trollit.

Çamëria, lule limoni në brigjet e Jonit

I lanë plagët me pikat e lotit

Gjashtë heronjtë e grekut janë arvanitas

Nga dhimbja edhe guri po plas.

Çamëria përse po mbahet peng?!

Kjo është plaga që më shumë më dhemb...

Grekut nuk ia kemi dashur të keqen kurrë

Në vështirësi bukën ua poqem në furrë....

Kur nenave e fëmijëve u ra vilania

Ndihma vellazerore  iu erdhi nga shqiptaria...

Si perpiqen të shkombtarizojnë kombin shqiptar

Kur shqiptarë për pavaresinë Greek janë vrarë.

Spiro Ballkameni, i ndrituri kolonjar

Në damarë ndezur kish gjakun shqiptar

Luftetar i shquar për Pavaresi

Rrezatim diellor kishte në sy....

Gjyshja më mesoi si tëhollet byreku

Për armikun gishtin në këmbëz e do dyfeku

Më mesoi të gatis kafen e mikut

Më mësoi si t'i bëj ballë çdo lloj armiku.

Figura të shquara Kolonja ka njëzet e tetë

Që të gjithë Atdhetarë të vërtetë

Ndaj kolonjës i ndrinë krenaria

Gjithmonë në ballë e ka shqiptaria.

Po dal të shoh Manastirin e diturisë

Ku u mblodhém dishepujt e gjuhësisë

Në krye Fishta i Lahutës së Malësisë

Nënshkruan alfabetin shqip, hyjnore e mrekullisë.

Alfabeti që shqiptarëve u çeli sytë

Në gjuhë të shkruar të tregojnë historitë

Alfabeti i Gjuhës më të vjetër në botë

Në sy fëmijësh nuk ka më lotë.

Apo të flas për Xhemë Simnicën

Shqiptarisë sa qe i solli dritën

Ai luftoi sa për një mijë vjet

Të shoh Shkupin e lirë, dheu nuk e tret.

Se ty të vranë, o Xhemë Gostivari!

Vrasësi ishte nga gjak familjari....

Drithërohesh sa thellé shkon tradhetia

Nga vëllai, nuni, kumbara e miqësia!....

Iliriadë, nuk të shteroi kurrë mençuria

Arber Xhaferi për shqiptari ishte mrekullia

Mendja i peshonte si floriri

Përjetë shkëlqen në gjerdan xhevahiri.

Kur UÇK pushkën e shkrepi

Printe në ballë dhe Ali Ahmeti...

Themelet lirisë ia vunë te porta

Ndaj vlerësim marrin nga gjithë bota.

Do flas për Tri Balët e Pollogut

Lidhur në miqësi me Pal Kastriotët

Fis me tradita ishin gur-gurët

Si zogj shqiponje u rriteshin cullët.

Bijë e Gur-gur Tribalit ishte Vajsava

Si zanë mali me tipare të larta

Ndaj Pal Kastrioti e mori nuse për Gjonin

Kullën e Kastrioteve ta ndriçonin.

Kulla e Kastriotit të Kodër Gështenja

Aty është themeli, pusi edhe rrënja

Katër djem e pesë cuca

U rritën në themelet ketu të kulla.

Kastriotët alban dhe tribalet ilirianë

Miqësi të përjetshme kanë...

Sa të ketë diell edhe hënë

Do të njohin babë e nënë!....

Tash po dal nga Dardania

Të më ulet pak idhnia

Shumë të shtrenjtë e kanë lirinë

Shumë të ndritur dhe historinë...

Në Europë i pari është Dardani

Që e njohu e u shkri metali

Me metal prodhoi shpata

Ndaj dhe korri fitore të arta.

Në dritë dielli e errësirë nate

Armiqtë i priti me teh shpate

Gjashtëqind  vjet nëpër prita

Në llogore fëmijtë i rritka!

Shumë heronj e burra të shquar

Nëpër breza kanë ndriçuar

Sa erdh dita e Adem Jasharit

Lirisë i vu vulën e Dardanit.

Me gjak e firmosi lirinë

E lartësoi gjithë shqiptarinë.

Me Gjakovë e me Rugovë

Me Drenicën lule zonjë.

Sa heronj ka Dardania

Aq yje ka qiellësia...

Nuk mjaftojnë vargjet e mia

Në faqet e saj i ka historia.

Tash po dal në Liburni

Se ka Tuz,Plavë e Guci

Ka Tivar e ka Ulqin

Gjon Kastrioti me ta bëri miqësnë.

E dha Marën te Cernoviçi

E kish kullën prej guri e jo prej qerpiçi

Erdhi i pari në Betejë të Troj Vogjlit

Iu bë krah Gjergjit, më të voglit.

Gjergjin e ndihmoi miqësia e babës

Nga të Angjelinës, Vlajkës, Jellës e të Marës

Dhe Mamica vetë e veshur si djalë

Si rrufe mbi turqit printe në ballë.

E çfarë të flas për bëmat e tradhëtarit

Më e shëmtuara qe Masakra e Tivarit

Pesë mijë burra gjaku i kosovarit

I vranë komunistët, gjaku i barbarit.

Mal mbi mal është Dardania

Heroinë që i rritet në çdo kohë lavdia

E ka vrullin si vala e Drinit

Bashkë me vrullin e Isa Buletinit.

Nuk të thahet loti, Dardani e shkreta

Kur sheh të vuaj nën sundim Presheva

Presheva që luftoi më shumë për

Pavarësi

Po e shkel me këmbë përbindësi i zi.

Isa Buletini i priti plumbat në krahëror

Çau pritat e erdhi në Vlorë.

Në Vlorë ishin katër vilajete

E shpallën Pavarësinë e shqipes më vete.

Po sot Shqipëria ngjan me një arkivol

Konfiguracion i trishtë është ky simbol.

Pas Pavarësisë erdhi e tmerrshmja tragjedi

Në pesë llokma trojet shqiptare i kanë shkri.

Në Shqipërinë arkivol u mboll fara e djallëzisë

Shkatërruan kishën edhe xhaminë

U vodhën shqiptarëve të gjithë pasurinë

Me gisht në gojë e lanë njerëzinë.

U gëzuam kur erdh demokracia

Por nën rrogoz fshehur rrinte djallëzia.

Në heshtje priste të gjente volinë

Sot demokracinë hedhur e kanë në greminë.

Trishtohet populli nga ky kiamet

Me emrin e zi narkoshtet.

Në mes të ditës I përpinë lubia e egër

Njerëzit nga sytë këmbët ikin sit ë verbër.

Ikin me shumicë se u është prish jetesa

Nëna, baballarë me nipër e mbesa

Kuturu ikin në të huajat dhera

Shtëpitë u shembën, ua mbulon ferra.

O ju shqiptarë, mos e humbni shpresën!

Në vendin tuaj derdheni djersën!

Se vjen një ditë të shpërblehet mundi

Lum ai që shpresën nuk e humbi!

Sa shumë devra ka parë Atdheu!

Nga shpresa mori forcë Skënderbeu

Bëri luftë, mbeti legjendarë

Përjetësoi me lavdoi emrin shqiptarë!

Bekimin e Zotit kemi me vete

Do të bashkohemi katër vilajete

Dardani, Çamëri, Iliriadë, Liburni

Një flamur, një shqiptari.