Hysen Ibrahimi: Nejra Cej - 'Nejra e zgjuar'

Sot më 24 shkurt 2026, doli nga shtypi libri i titulluar “Nejra e zgjuar” e autorës Nejra Cej, nxënëse e shkollës së mesme. Librin e shtypi shtypshkronja “PrintingPress” në Prishtinë, pronarë vëllezërit Arian dhe Adrian Mumxhiu me një çmim shumë të vogël duke pasur parasysh nxënësen e shkëlqyer me perspektivë.

Hysen Ibrahimi, Fjala e redaktori i librit - Për librin “Alejna e zgjuar” të autores Nejra Cej:

NË QENDËR TË TREGIMIT VENDOSET ALEJNA, NJË PERSONAZH QË MISHËRON PROTOTIPIN E NXËNËSES SË SHKËLQYER

“Vepra “Elejna e zgjuar” e autores së re Nejra, përfaqëson një prurje interesante dhe premtuese në zhanrin e prozës për fëmijë dhe adoleshentë. Përmes një narrative të ndërtuar mbi dikotominë mes suksesit individual dhe nevojës për afirmim emocional, autorja qëmton me imtësi botën e brendshme të personazhit, ku pjekuria intelektuale shpesh paraprin moshën biologjike.

Në qendër të tregimit vendoset Alejna, një personazh që mishëron prototipin e nxënëses ekselente, por që vuan nga ajo që në psikologjinë narrative njihet si “shkëlqimi i padukshëm”. Autorja ndërton me mjeshtëri një konflikt subtil:

suksesi i dijes i Alejnës mbetet në hije të vëmendjes prindërore, e cila është e fokusuar tërësisht te motra e vogël, Miranda. Kjo zgjedhje e Nejrës shpërfaq një fenomen sa njerëzor, aq edhe pedagogjik, nevojën e çdo fëmije për “strehë emocionale”, pavarësisht arritjeve të saj.  Gjuha figurative e autores pasurohet përmes metaforave të goditura: “heshtja si mur” dhe “xhelozia si bishë e vogël”. Këto figura e shndërrojnë tregimin nga një kronikë të thjeshtë shkollore në një analizë të thellë të ndjenjave. Alejna nuk portretizohet në mënyrë lineare, ajo lufton me dualitetin mes dashurisë vëllazërore dhe peshës së të qenit e anashkaluar, duke e bërë personazhin jashtëzakonisht të besueshëm për lexuesin.

Rezolucioni i tregimit vjen përmes një akti katarsisi  simbolik. Ritualet e thjeshta, si bashkimi rreth tavolinës ose ngrënia e tortës, shërbejnë si një mekanizëm shkarkues për tensionet e mbledhura, duke e ribashkuar familjen nën dritën e mirëkuptimit.

Elementi përmbyllës i celularit të gjetur shërben si një vulë mbi integritetin moral të protagonistit, duke na treguar se inteligjenca e vërtetë shoqërohet gjithmonë me ndershmërinë.

Me këtë vepër, Nejra dëshmon një aftësi të spikatur për të ndërtuar struktura narrative me peshë edukative dhe estetike. Ky libër është vetëm fillimi i një rrugëtimi që premton shumë për letërsinë tonë”.