Kadri Tarelli: Poezia i bën bashkë poetët e të gjitha trojeve arbnore

Kadri Tarelli shkruan:

POEZIA I BËN BASHKË POETËT E TË GJITHA TROJEVE ARBNORE

Në Kukës, “Në prehër të Gjallicës”

Ditën e shtunë, më: 16, të vjeshtës së tretë, 2024, Lidhja e shkrimtarëve dhe artistëve, Kukës, organizoi konkursin poetik, edicioni i katërt, “Në prehër të Gjallicës”.

Nga Durrësi morën pjesë: Agron Çalliku, Merita Kuçi Thartori, Kadri Tarelli, Arjola Kondakçiu, Agim Bajrami dhe Vladimir Muça.

Ishte një veprimtari e bukur, ku u përfaqësuan poetët nga të gjitha trevat Arbnore. Atë që nuk po e bën politika dhe politikanët tanë, gjallërisht e jetësojnë poetët, shkrimtarët dhe artistët shqiptar.

Shpreh admirim për të gjithë pjrsmarrësit, që frymëzohen nga fjala e bukur shqie.

Falënderim për organizatorët dhe mikpritjen kuksiane!

Unë u paraqita me krijimin tim:

- Ç’DO TË ISHIM, PA LETËRSINË………!?

Shkrimtari Shpendi Topollaj, 

Pyet……..: - Ç’do të ishim pa letërsinë………!?

Unë përgjigjem……..:

- Pa shkrimtarë dhe poetë…..!

Vallë, kush do të vajtojë dhe këndojë për shpirtin dhe dashurinë……!?

dhe botës t’i thotë, sa e duam dhe e çmojmë atdheun dhe lirinë…..!?

- Pa shkrimtarë dhe poetë……!

Kush shkallët do të ngjisë, të ulet, të kuvendojë me Perndinë,

dhe portretin në mermer ta gdhendë, ta prekë lavdinë?

- Pa shkrimtarë dhe poetë, ku ta gjejmë fjalën e vërtetë,

Ç’ka ndodhur, ç’po ndodh dhe ç’do të ndodhë në jetë?

- Pa shkrimtarë dhe poetë, qielli me yje do të dukej i zbetë….!

- Veç ata zbulojnë diellin, yjet, hënën, kur dritën e mbulojnë retë,

Dhe botën e errët, ndryshkur, vyshkur, vdekur, ftohtë, mbetur shkretë?

- Pa shkrimtarë dhe poetë, kush do kujtohet……,

Kur pluhuri të mbulojë, dhe harresa pa mëshirë do të na tretë….!?

- Unë e di……!

Mes nesh gjallojnë shkrimtarët, artistët dhe të urtët poetë,

Me xhepa grisur, heshtur numërojnë qindarkat për kafe e gazetë……!

Ndaj sot për ta, dolli të ngremë ….! 

Dhe t’i besojm e ndrojmë si profetë…….!

Kadri Tarelli

Anëtar i “Lidhjes së Shkrimtarëve dhe artistëve të Durrësit”.

Durrës, më, Vjeshta e tretë, 2024.

Shënim:

1. Motivi është ngacmuar nga titulli i librit “Ç’do ishim pa letërsinë......”, me autor Shpendi Topollaj. Botuar, Tetor 2024.

2. Unë u vlerësova me “Çertifikatë Nderi”

3. Të gjitha krijimet e poetëve u përmblodhën në librin: “Në prehër të Gjallicës. 2024.”.