Visar Zhiti: Plagët janë si foletë e kujtesës

PËRSHËNDETJA E SHKRIMTARIT…

- SHOQATA “BIJTË E SHQIPES” -

Përshëndetja e shkrimtarit

të mirënjohur z. Visar Zhiti

me rastin e përurimit të qendrës së re

në Filadelfia:

I dashur Kryetar i shoqatës

“Bijtë e Shqipes”, Dritan Matraku,

të dashur  antarë-shqiponja,

të pranishëm të gjithë!

Jemi të gëzuar që sot ju përuroni shtëpinë tuaj të re. Falenderoj nga zemra për ftesën, ndërkaq pranoni urimet e mia, vijnë si nga qielli si ne me avion. Gëzuar!

Shtëpia e Shqiptarit, - me Kanunin e lashtë, - është e Zotit dhe e mikut, edhe shtëpia juaj e re ashtu do të jetë, por dhe e kulturës tonë dhe e gjuhës shqipe, e ardhmërisë…

Shoqata juaj shqiptaro-amerikane ka emrin e bukur “Bijtë e Shqipes” dhe mua më kujtohet ajo çfarë na tha Papa Françesku, kur vizitoi Shqipërinë: të fluturoni lart si shqiponjat, por mos harroni folenë dhe plagët!

Porosi e Shenjtë. Dhe ju si Bijtë e Shqipes këtë po bëni. Të duam dheun amë dhe të mos harrojmë të kaluarën e vuajtur të popullit tonë.

Plagët janë si foletë e kujtesës…

Shtëpia juaj është në zemër të Amerikës, ku shërben dhe për integrimin e shqiptarëve, SHBA është aleati jetik i Kombit tonë, i dy shteteve tona në Ballkan, Republikës  së Shqipërisë dhe Republikës së Kosovës.

Ju, Bijtë e Shqipes, si shqiptaro-amerikanë të vërtetë, në shtëpinë tuaj të re do të bëni më shumë dhe më bukur për të gjithë ne.

Suksese plot dhe gëzime!

Me dashuri,

Visar Zhiti

Publikim i Shoqatës Shqiptare Amerikane “Bijtë e Shqipes”, Filadelfia.