Dorian Koçi: Për Petrit Rukën, bardin e vendlindjes

Për Petrit Rukën, bardin e vendlindjes

Nga Dorian Koçi

Poeti Petrit Ruka  (21.08.1954 – 06.07.2024) mbush sot 3 vjet që u nda nga ne. Nuk është një vit jubilar, por përvjetorët e ikjes në amëshim të  Petjes sonë të dashur  janë përvjetore  që përherë do. shënojnë jo vetëm kujtimin e tij por edhe  rrugëtimin e lirikës dhe poezisë shqiptare, kontruktuimin e botës shpirtërore të shqitarëve.

Poeti Petrit Ruka , si bard mitik  përmes artit të tij poetik përcolli smeraldet shpirtërore të metrikës së shpirtit shqiptar, dilemat, mëdyshjet, dashuritë, dhimbjet, harresën, ikjen, mallin, të bukurën. I lindur në një trevë ku poezia popullore baret dhe plazmon çdo ngjarje, ai krijoi një panteon poetik ku ringjalli motivet e vjetra eoaliane( të erës), luginës së Vjosës, hënës së vendlindjes të  gjithëvlefshëm dhe të denjë për çdo lloj antologjie botërore poetike. Poezitë  e tij "Letër Babait" dhe "Varrimet e Naim Frashërit"  ngërthejnë çdo ndjenjë njerëzore duke përshkruar traditën dhe modernen, mallin dhe dashurinë, atdhedashurinë dhe pikëllimin, një matricë njerëzore ndjenjash që vetëm Petja jonë i dashur  mund ti bënte bashkë dhe ti përcillte në vargje. Njeri i qetë që lundronte përherë në artin e tij poetik njohës i shkëlqyer i mentalitetit të shqiptarit të zakonshëm  intelektual i angazhuar përherë ndaj së bukurës ai i përngjet përherë një Bardi modern që qëmtonte të bukurën për ta kthyer në art. Alkimia e tij ishte shpirtërorja dhe mirësia, virtute që i gjen shumë rallë në kohën e sotme.

Vepra e tij poetike  është  qielli i paanë i Kashtës së Kumtrit ku të gjithë ata që dëshirojnë të dehen poetikisht mund të gjejnë motive , metafora dhe  simbole, pa fund po aq sa dhe lëvruesit e shqipes mund të gjejnë në të , forma dhe stil të pashoq vargëzimi të gjuhës sonë.  Për këtë arsye, botimi i veprës së plotë poetike të tij do të ishte një monument i gjallë i gjuhës dhe kulturës sonë. I Tepelenti ( mbiemër i krijuar nga vetë poeti sa herëi drejtohej miqve të tij të dashur nga vendlindja) Petrit Ruka do të mbetet përherë fenomen poetik  që si heronjtë e baladave shqiptare ringjallet çdo përvjetor për të mbajtur fjalën e vet: Adhurimin ndaj së bukurës, vargëzimin e mrekullueshëm dhe mirësinë.